ହାଇଦ୍ରାବାଦ:କନ୍ନଡ ଅଭିନେତା ଶିବ ରାଜକୁମାର, ଯିଏ ଶିବନା ନାମରେ ମଧ୍ୟ ଜଣାଶୁଣା । ନିଜର ଶକ୍ତିଶାଳୀ ପ୍ରଦର୍ଶନ ଏବଂ ହିଟ୍ ଫିଲ୍ମରେ ଲୋକପ୍ରିୟତା ହାସଲ କରିଥିବା ଏହି ଅଭିନେତାଙ୍କ ବିଷୟରେ ଏକ ଖବର ସାମ୍ନାକୁ ଆସିଛି । ଶିବ ରାଜକୁମାର ସ୍ୱାସ୍ଥ୍ୟ ଜନିତ ସମସ୍ୟାର ସମ୍ମୁଖୀନ ହୋଇଛନ୍ତି । ସୂଚନା ଅନୁସାରେ, ଶିବ ରାଜକୁମାର ଗତ କିଛି ମାସ ହେଲା ଗମ୍ଭୀର ରୋଗରେ ପୀଡ଼ିତ ରହିଛନ୍ତି । ନିକଟରେ ଏନେଇ ଅଭିନେତା ସୂଚନା ଦେଇଥିବା ବେଳେ ଚିକିତ୍ସା ଜାରି ରହିଥିବା କହିଥିଲେ । ଏଥିସହ ସେ ସର୍ଜରୀ ପାଇଁ ଆମେରିକା ଯିବେ ବୋଲି ମଧ୍ୟ ସୂଚନା ଦେଇଥିଲେ । ବର୍ତ୍ତମାନ ଆଜି, 18 ଡିସେମ୍ବର 2024 ରେ ସନ୍ଧ୍ୟାରେ ସେ ତାଙ୍କ ଚିକିତ୍ସା ପାଇଁ ଆମେରିକା ଯାତ୍ରା କରିବେ । ସେଠାରେ ଅଭିନେତା ଡିସେମ୍ବର 24 ରେ ଫ୍ଲୋରିଡାର ମିଆମିରେ ଅସ୍ତ୍ରୋପଚାର କରିବେ ।
ସର୍ଜରୀ ପାଇଁ ଆମେରିକା ଯିବେ ଶିବ ରାଜକୁମାର
ଚଳିତ ବର୍ଷ 62 ବର୍ଷରେ ପଦାର୍ପଣ କରିିଥିବା ଶିବ ରାଜକୁମାରଙ୍କୁ କନ୍ନଡ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଏକ ଫିଟନେସ୍ ଆଇକନ୍ ଭାବରେ ବିବେଚନା କରାଯାଏ । ତାଙ୍କ ବୟସ ସତ୍ତ୍ୱେ ଅଭିନେତା ନିଜ ଫିଟନେସକୁ ବଜାୟ ରଖିଛନ୍ତି । ଯାହା ତାଙ୍କ ପ୍ରଶଂସକ ଏବଂ ସାଥୀ ଅଭିନେତାମାନଙ୍କୁ ପ୍ରେରଣା ଯୋଗାଇଥାଏ । ହେଲେ ବର୍ତ୍ତମାନ ସେ ସ୍ୱାସ୍ଥ୍ୟ ଜନିତ ସମସ୍ୟାର ସମ୍ମୁଖୀନ ହୋଇଛନ୍ତି । ଏନେଇ ସେ ଏକ ସାକ୍ଷାତକାରରେ କହିଥିଲେ ଯେ ତାଙ୍କ ସ୍ୱାସ୍ଥ୍ୟାବସ୍ଥା ଭଲ ଅଛି କିନ୍ତୁ ଚିକିତ୍ସା ପାଇଁ ଯାତ୍ରା କରିବା ଆବଶ୍ୟକ, ସେ ତାଙ୍କ ଡାକ୍ତରଙ୍କ ସହିତ ପରାମର୍ଶ କରିବା ପରେ ସେ ଏହି ନିଷ୍ପତି ନେଇଛନ୍ତି ।
କିଛି ଦିନ ପାଇଁ ଅଭିନୟରୁ ନେଲେ ବ୍ରେକ