ହାଇଦ୍ରାବାଦ: 'ପୁଷ୍ପା 2: ଦ ରୁଲ' ବକ୍ସ ଅଫିସରେ ଏହାର ଦମଦାର 13 ଦିନ ପୂରଣ କରିଛି । ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦାନା ଷ୍ଟାରର ଆକ୍ସନ୍ ଡ୍ରାମା ଫିଲ୍ମ 'ପୁଷ୍ପା ୨' ବକ୍ସ ଅଫିସରେ ଏକ ନୂଆ ରେକର୍ଡ ସୃଷ୍ଟି କରିବାକୁ ଯାଉଛି । 'ପୁଷ୍ପା 2' 12ତମ ଦିନରେ 1400 କୋଟିରୁ ଅଧିକ ବ୍ୟବସାୟ କରିଥିଲା ଏବଂ ବର୍ତ୍ତମାନ 'ପୁଷ୍ପା 2' ରିଲିଜର ଦ୍ୱିତୀୟ ସପ୍ତାହ 18 ଡିସେମ୍ବରରେ ଶେଷ କରିବାକୁ ଯାଉଛି । ଦ୍ୱାଦଶ ଦିନରେ 'ପୁଷ୍ପା 2' ର ରୋଜଗାରରେ 63 ପ୍ରତିଶତରୁ ଅଧିକ ହ୍ରାସ ଘଟିଥିଲା ଏବଂ ବର୍ତ୍ତମାନ 13 ତମ ଦିନରେ 'ପୁଷ୍ପା 2' ର ରୋଜଗାରରେ ହ୍ରାସ ଘଟିଛି । ତଥାପି 'ପୁଷ୍ପା 2' ବକ୍ସ ଅଫିସରେ ଦୁଇ ଅଙ୍କ ରୋଜଗାର କରୁଛି ।
'ପୁଷ୍ପା 2' ବକ୍ସ ଅଫିସ କଲେକ୍ସନ
ସାକନିକଙ୍କ ଅନୁଯାୟୀ 'ପୁଷ୍ପା 2' 13ତମ ଦିନରେ 24.25 କୋଟି ଟଙ୍କା ବ୍ୟବସାୟ କରିଛି । ଏଥିସହିତ ଦ୍ୱାଦଶ ଦିନରେ ଫିଲ୍ମ 26.95 କୋଟି ଟଙ୍କା ଆୟ କରିଥିଲା । ଏଭଳି ପରିସ୍ଥିତିରେ ମଙ୍ଗଳବାର 'ପୁଷ୍ପା 2'ର ରୋଜଗାରରେ 10.02 ପ୍ରତିଶତ ହ୍ରାସ ରେକର୍ଡ କରାଯାଇଛି । 'ପୁଷ୍ପା 2' 13ତମ ଦିନରେ ହିନ୍ଦୀରେ ସର୍ବାଧିକ 18.5 କୋଟି ଟଙ୍କା ରୋଜଗାର କରିଛି । ଏଥିସହ ତେଲୁଗୁ ଭାଷାରେ 4.35 କୋଟି, ତାମିଲରେ 1.1 କୋଟି, କର୍ଣ୍ଣାଟକରେ 15 ଲକ୍ଷ ଏବଂ କେରଳରେ 15 ଲକ୍ଷ ଟଙ୍କା ଆୟ କରିଛି । ତେବେ ଭାରତରେ 'ପୁଷ୍ପା 2' ଚଳଚ୍ଚିତ୍ରର ମୋଟ କଲେକ୍ସନ 953.3 କୋଟି ଟଙ୍କା ହୋଇଛି ।
'ପୁଷ୍ପା ୨' କଲେକ୍ସନ:
- ପ୍ରିଭ୍ୟୁ ଶୋ'- 10.65 କୋଟି
- ପ୍ରଥମ ଦିନ - 164.25 କୋଟି
- ଦ୍ୱିତୀୟ ଦିନ- 93.8 କୋଟି
- ତୃତୀୟ ଦିନ- 119.25 କୋଟି
- ଚତୁର୍ଥ ଦିନ- 141.5 କୋଟି
- ପଞ୍ଚମ ଦିନ- 64.45 କୋଟି
- ଷଷ୍ଠ ଦିନ- 51.55 କୋଟି
- ସପ୍ତମ ଦିନ- 42 କୋଟି
- ଅଷ୍ଟମ ଦିନ- 37.45 କୋଟି
- ନବମ ଦିନ- 36.3 କୋଟି
- ଦଶମ ଦିନ- 63.3 କୋଟି
- ଏକାଦଶ ଦିନ- 76.6 କୋଟି
- ଦ୍ୱାଦଶ ଦିନ- 26.95 କୋଟି
- ତ୍ରୟୋଦଶ ଦିନ: 24.25 କୋଟି
ମୋଟ କଲେକ୍ସନ- 953.3 କୋଟି
ଏହା ମଧ୍ୟ ପଢନ୍ତୁ: ଜେଲରୁ ବାହାରିଲେ ଅଲ୍ଲୁ ଅର୍ଜୁନ, ଜାମିନ ପରେ ବି ହେପାଜତରେ କାଟିଲେ ରାତି
'ପୁଷ୍ପା 2' ବିଶ୍ୱବ୍ୟାପି କଲେକ୍ସନ
'ପୁଷ୍ପା 2' ବର୍ତ୍ତମାନ ବିଶ୍ୱ ବ୍ୟାପୀ 1409 କୋଟି ଟଙ୍କା ଆୟ କରିଛି ଏବଂ ବର୍ତ୍ତମାନ 13 ଦିନର ମୋଟ ଆୟ ପ୍ରାୟ 1450 କୋଟିରେ ପହଞ୍ଚିଛି । ଏହି କ୍ରମରେ କୁହାଯାଉଛି ଯେ, 'ପୁଷ୍ପା 2' ଏହି ସପ୍ତାହ ଶେଷରେ 'ବାହୁବଲୀ 2' ର ଆଜୀବନ କଲେକ୍ସନ (1800 କୋଟିରୁ ଅଧିକ) ରେକର୍ଡ ଭାଙ୍ଗିପାରେ । କହିରଖୁଛୁ କି, 'ପୁଷ୍ପା 2' ଏବେ ପ୍ରଭାସଙ୍କ 'କଲ୍କି 2898AD' (1,042.25 କୋଟି), 'କେଜିଏଫ୍: ଚାର୍ପ୍ଟର 2'(1215 କୋଟି), 'RRR' (1230 କୋଟି ଟଙ୍କା), 'ଜବାନ' (1160 କୋଟି ଟଙ୍କା)ର ଆଜୀବନ ବ୍ୟବସାୟକୁ ପଛରେ ପକାଇଛି । ଏହିପରି 'ପୁଷ୍ପା 2' ଦେଶର ତୃତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି ଏବଂ ବର୍ତ୍ତମାନ କେବଳ ଆଗାମୀ ଦିନରେ ଏହି ଫିଲ୍ମ 'ବାହୁବଲୀ 2'(1788.06 କୋଟି), ଏବଂ ଦଙ୍ଗଲ (2070.3 କୋଟି) କୁ ପଛରେ ପକାଇବାକୁ ପ୍ରସ୍ତୁତ ଅଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
