ଅନସ୍କ୍ରିନ ରୋମାନ୍ସ କରିବେ ସାହିଦ-ତ୍ରିପ୍ତୀ, ଫିଲ୍ମକୁ ମିଳିଲା ରିଲିଜ ଡେଟ୍

ସାହିଦ କପୁର ଏବଂ ତ୍ରିପ୍ତୀ ଡିମ୍ରି ଖୁବଶୀଘ୍ର ପରଦାରେ ଏକାଠି ନଜର ଆସିବାକୁ ଯାଉଛନ୍ତି । ଏହି ଯୋଡ଼ିଙ୍କ ଫିଲ୍ମର ରିଲିଜ ତାରିଖ ସାମ୍ନାକୁ ଆସିଛି । ଜାଣନ୍ତୁ କେବେ ରିଲିଜ ?

ହାଇଦ୍ରାବାଦ: ସିନେପ୍ରେମୀଙ୍କ ପାଇଁ ଖୁସି ଖବର । ସାହିଦ କପୁର ଏବଂ ତ୍ରିପ୍ତୀ ଡିମ୍ରି ଖୁବଶୀଘ୍ର ପରଦାରେ ଏକାଠି ନଜର ଆସିବାକୁ ଯାଉଛନ୍ତି । ନିକଟରେ ଉଭୟଙ୍କ ଫିଲ୍ମ ନେଇ ଘୋଷଣା ହୋଇଥିବା ବେଳେ ଫ୍ୟାନ୍ସ ଏହାର ଅପଡେଟ୍ ଜାଣିବା ବିଷୟରେ ଉତ୍ସାହର ସହ ଅପେକ୍ଷା କରିଥିଲେ । ଏହାରି ମଧ୍ୟରେ ବର୍ତ୍ତମାନ ଫିଲ୍ମର ରିଲିଜ ତାରିଖ ଘୋଷଣା କରାଯାଇଛି । ଏବେ ସୁଦ୍ଧା ଫିଲ୍ମର ନାଁ ଘୋଷଣା ହୋଇନଥିବା ବେଳେ ଫିଲ୍ମର ରିଲିଜ ତାରିଖ ସାମ୍ନାକୁ ଆସିଛି । ଏହାସହ ଫିଲ୍ମର ବାକି ଷ୍ଟାରକାଷ୍ଟଙ୍କ ଉପରୁ ମଧ୍ୟ ପରଦା ହଟିିଛି । ତେବେ କେବେ ଫିଲ୍ମ ରିଲିଜ ହେବ? ଜାଣନ୍ତୁ,

SAJID NADIADWALA - VISHAL BHARDWAJ - SHAHID KAPOOR: ACTION-ENTERTAINER TO RELEASE ON 5 DEC 2025... SHOOT STARTS 6 JAN 2025... Producer #SajidNadiadwala reunites with #ShahidKapoor and director #VishalBhardwaj for an action-entertainer [not titled yet].

Also features… pic.twitter.com/cd3maMPh3r

— taran adarsh (@taran_adarsh) December 18, 2024

ଏହି ଦିନ ପରଦାକୁ ଆସିବ ସାହିଦ-ତ୍ରିପ୍ତୀଙ୍କ ଫିଲ୍ମ

ନାଦିଆଡୱାଲା ଗ୍ରାଣ୍ଡସନ୍ ଏଣ୍ଟରଟେନମେଣ୍ଟ ଅଧୀନରେ ସାଜିଦ ନାଡିଆଡୱାଲାଙ୍କ ଦ୍ୱାରା ନିର୍ମିତ ହୋଇଛି ଏହି ଚଳଚ୍ଚିତ୍ର । ଯେଉଁଥିରେ ସାହିଦ କପୁର ଏବଂ ତ୍ରିପ୍ତୀ ଡିମ୍ରି ନଜର ଆସିବେ । ତେବେ ଏପର୍ଯ୍ୟନ୍ତ ଫିଲ୍ମର ଟାଇଟଲ ଘୋଷଣା ହୋଇନଥିବା ବେଳେ କିନ୍ତୁ ଫିଲ୍ମର ରିଲିଜ ତାରିଖ ଏବଂ ସୁଟିଂ ନେଇ ଅପଡେଟ ସେୟାର କରିଛନ୍ତି । ସାଜିଦ ନାଦିଆଡୱାଲା ସୋସିଆଲ ମିଡିଆରେ ପ୍ରକାଶ କରିଛନ୍ତି ଯେ ଚଳଚ୍ଚିତ୍ରର ଗ୍ରାଣ୍ଡ ରିଲିଜ 2025ରେ ହେବ। 6 ଜାନୁୟାରୀ 2025 ରୁ ସୁଟିଂ ଆରମ୍ଭ ହେବ। 5 ଡିସେମ୍ବର 2025 ରେ ମୁକ୍ତିଲାଭ କରିବ । ଏହି ଫିଲ୍ମରେ ସାହିଦ-ତୃପ୍ତୀ ବ୍ୟତୀତ ନାନ ପାଟେକର, ରଣଦୀପ ହୁଡା ନଜଦର ଆସିବେ ।

ଏହି ନିର୍ଦ୍ଦେଶକ ଦେବେ ନିର୍ଦ୍ଦେଶନା

ବିଶାଲ ଭରଦ୍ୱାଜ ଏହି ଫିଲ୍ମର ନିର୍ଦ୍ଦେଶନା ଦେବାକୁ ଯାଉଛନ୍ତି । କହିରଖୁଛୁ କି, ବିଶାଲ ଭରଦ୍ୱାଜ ସାହିଦ କପୁରଙ୍କ ସହ ରେଙ୍ଗୁନ (2017) ଚଳଚ୍ଚିତ୍ର ମଧ୍ୟ କରିଥିଲେ, ଯାହା ଏକ ବଡ ଫ୍ଲପ ବୋଲି ପ୍ରମାଣିତ ହୋଇଥିଲା। ପରେ ବିଶାଲ ଏବଂ ସାହିଦଙ୍କ ଫିଲ୍ମ 'କମିନେ' (2009) ବକ୍ସ ଅଫିସରେ ଏକ ବଡ଼ ହିଟ୍ ହୋଇଥିଲା । ବର୍ତ୍ତମାନ ସାତ ବର୍ଷ ପରେ ବିଶାଲ ଏବଂ ସାହିଦ କପୁର ଏକ ଫିଲ୍ମ ପାଇଁ ଏକାଠି ହୋଇଛନ୍ତି । ଏହାର ଅର୍ଥ ବିଶାଲ ଏବଂ ସହିଦଙ୍କ ଯୋଡିଙ୍କର ଏହା ହେଉଛି ତୃତୀୟ ଚଳଚ୍ଚିତ୍ର ।

ଏହା ମଧ୍ୟ ପଢନ୍ତୁ: ରଣବୀର-ବିକିଙ୍କ ପରେ ଏବେ ସାହିଦଙ୍କ ସହ ରୋମାନ୍ସ କରିବେ ତ୍ରିପ୍ତୀ, ନୂଆ ଫିଲ୍ମ ଘୋଷଣା

ପ୍ରଥମ ଥର ପାଇଁ ସ୍କ୍ରିନ ସେୟାର କରିବେ ସାହିଦ-ତ୍ରିପ୍ତୀ

ଆନିମଲ'ରେ ଦମଦାର ଅଭିନୟ ପରେ ବର୍ତ୍ତମାନ ତ୍ରିପ୍ତୀ ଡିମ୍ରିଙ୍କୁ ଗୋଟିଏ ଗୋଟିଏ ଫିଲ୍ମ ଅଫର୍ ହେଉଛି । ଏହି ଫିଲ୍ମରେ ସେ ରଣଭୀର କପୁରଙ୍କ ସହ ନଜର ଆସିଥିବା ବେଳେ ଇଣ୍ଟିମେଟ ସିନ ଦେଇ ଚର୍ଚ୍ଚାକୁ ଆସିଥିଲେ । ଏହା ପରେ ସେ ବିକି କୌଶଲଙ୍କ ସହ 'ବ୍ୟାଡ ନ୍ୟୁଜ'ରେ ନଜର ଆସିଥିଲେ । ଏହା ପରେ ତ୍ରିପ୍ତୀଙ୍କୁ 'ବିକି ବିଦ୍ୟା କା ୱୋ ୱାଲା ଭିଡିଓ' ରେ ରାଜକୁମାର ରାଓଙ୍କ ସହ ଦେଖିବାକୁ ମିଳିଥିଲା । ତେବେ ବର୍ତ୍ତମାନ ସାହିଦ କପୁରଙ୍କ ସହ ପ୍ରଥମ ଥର ପାଇଁ ତ୍ରିପ୍ତୀ ଏହି ଅନଟାଇଟଲ୍ଡ ଫିଲ୍ମରେ ସ୍କ୍ରିନ ସେୟାର କରୁଥିବା ଦେଖିବାକୁ ମିଳିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ