ହାଇଦ୍ରାବାଦ:ଟେଲିଭିଜନ ଅଭିନେତା ତଥା ବିଗ୍ ବସ୍ ରନର୍ସ ଅପ୍ ଶିବ ଠାକରେ ଏବଂ ଅବ୍ଦୁ ରୋଜିକଙ୍କୁ ଇଡି ସମନ ଜାରି କରିଛି । ଜେଲରେ ଥିବା ଡ୍ରଗ ମାଫିଆ ଅଲି ଅସଗର ଶିରାଜୀଙ୍କ ସହ ଜଡିତ ମନିଂ ଲଣ୍ଡରିଂ ମାମଲାରେ ଛନ୍ଦି ହୋଇଛନ୍ତି ଶିବ ଠାକରେ ଏବଂ ଅବ୍ଦୁ ରୋଜିକ । ଏନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ଉଭୟଙ୍କୁ ସମନ ଜାରି କରିଥିବା ବେଳେ ଦୁହିଁଙ୍କ ବୟାନ ରେକର୍ଡ କରାଯାଇଛି ।
ମିଡିଆ ରିପୋର୍ଟ ଅନୁଯାୟୀ, ଅଲି ଅସଗର ଶିରାଜୀ ହର୍ସଲର୍ସ ହସ୍ପିଟାଲ୍ ପ୍ରାଇଭେଟ ଲିମିଟେଡ୍ ନାମକ ଏକ କମ୍ପାନୀ ଚଳାଉଥିଲେ । କମ୍ପାନୀ ନାର୍କୋ-ଫଣ୍ଡିଂ ମାଧ୍ୟମରେ ଟଙ୍କା ରୋଜଗାର କରିଥିଲା ଏବଂ ଏହି କମ୍ପାନୀ ଅନେକ ଭିନ୍ନ ଷ୍ଟାର୍ଟ ଅପରେ ଟଙ୍କା ବିନିଯୋଗ କରୁଥିଲା । ଏଥିରେ ଶିବ ଠାକରେଙ୍କ ଖାଦ୍ୟ ଏବଂ ସ୍ନାକ୍ ରେଷ୍ଟୁରାଣ୍ଟ 'ଥାକେର ଚା' ଏବଂ ସ୍ନାକ୍ସ' ବ୍ୟତୀତ ଅବ୍ଦୁ ରୋଜିକଙ୍କ ଫାଷ୍ଟଫୁଡ୍ ଷ୍ଟାର୍ଟଅପ୍ 'ବ୍ରୁର୍ଗିର' ବ୍ରାଣ୍ଡ ମଧ୍ୟ ଅନ୍ତର୍ଭୁକ୍ତ ହୋଇଛି । ତେବେ ନାର୍କୋ ବ୍ୟବସାୟରେ ଶିରାଜୀଙ୍କ ହାତ ଥିବା ଜାଣି ଶିବ ଠାକରେ ଏବଂ ଅବ୍ଦୁ ରୋଜିକ ନିଜର କଣ୍ଟ୍ରାକ୍ଟ ଶେଷ କରିସାରିଛନ୍ତି । ଏଣୁ ଏବେ ଇଡି ଉଭୟଙ୍କୁ ସାକ୍ଷୀ ଭାବେ ଉଭୟଙ୍କ ବୟାନ ରେକର୍ଡ କରିଛି ଇଡି ।
ସୂଚନା ଅନୁସାରେ, ଇଡି ଆଗରେ ଦେଇଥିବା ବୟାନରେ ଶିବ କହିଛନ୍ତି ଯେ, ସେ ୨୦୨୨-୨୩ ମସିହାରେ ପାରସ୍ପରିକ ପରିଚୟ ମାଧ୍ୟମରେ ହଷ୍ଟଲର୍ସ ଆତିଥ୍ୟର ନିର୍ଦ୍ଦେଶକ କ୍ରୁନାଲ ଓଝାଙ୍କୁ ଭେଟିଥିଲେ । ପରେ, ସେମାନେ ଠାକରେ ଚା' ଏବଂ ସ୍ନାକ୍ସ ପାଇଁ ଏକ ଭାଗିଦାରୀ ଚୁକ୍ତି କରିବାକୁ ନିଷ୍ପତ୍ତି ନେଇଥିଲେ । ଏହା ପରେ, ହଷ୍ଟଲର୍ସ ଆତିଥ୍ୟ ବିଗ୍ ବସ୍ ୧୬ ପ୍ରତିଯୋଗୀଙ୍କ ବ୍ରାଣ୍ଡରେ ବିପୁଳ ପରିମାଣର ବିନିଯୋଗ କରିଥିଲେ । ଠାକୁର ଇଡିଙ୍କୁ କହିଛନ୍ତି ଯେ ସେ ଶିରାଜୀଙ୍କୁ କେବେ ଭେଟି ନାହାଁନ୍ତି । କେବଳ ଏତିକି ନୁହେଁ ଯେତେବେଳେ ସେ ତାଙ୍କ ସହଭାଗୀତାରେ କାମ କରୁଥିଲେ ସେତେବେଳେ ସେ ମନିଂ ଲଣ୍ଡରିଂ ମାମଲାରେ ସେ ଆଦୌ ବି ଜାଣିନଥିବା କହିଛନ୍ତି ।
ଏହା ମଧ୍ୟ ପଢନ୍ତୁ:ରେସ୍ତୋରାଁରେ ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିଲେ ଏଲଭିସ ଯାଦବ, ଭିଡିଓ ଭାଇରାଲ
ସୂଚନା ଯୋଗ୍ୟ ଯେ, ଶିବ ଠାକରେ ମରାଠୀ ବିଗ ବସ ସିଜନ ୨ର ବିଜେତା ଅଟନ୍ତି ଏବଂ ସଲମାନ ଖାନଙ୍କ ବିଗ ବସ ସିଜନ 16 ରେ ପ୍ରଥମ ରନର୍ସ ଅପ ହୋଇଥିଲେ । ବର୍ତ୍ତମାନ ତାଙ୍କୁ 'ଝଲକ ଦିଖଲା ଜା ୧୧'ରେ ଦେଖିବାକୁ ମିଳୁଛି । ଅବ୍ଦୁ ରୋଜିକ ବିଗ ବସ ସିଜନ 16 ରେ ଅତିଥି ପ୍ରତିଯୋଗୀ ଭାବେ ସାମିଲ ହୋଇଥିଲେ ଏବୋ ଲୋକପ୍ରିୟତା ହାସଲ କରିଥିଲେ ।
