ହାଇଦ୍ରାବାଦ: ବିକି କୌଶଳଙ୍କ ନୂଆ ଫିଲ୍ମ 'ଛାବା' ଭାଲେଣ୍ଟାଇନ୍ସ ଡେ ଅର୍ଥାତ୍ ୧୪ ଫେବୃଆରୀରେ ବକ୍ସ ଅଫିସରେ ବ୍ଲକବଷ୍ଟର ଏଣ୍ଟ୍ରି କରିଥିଲା । ମରାଠୀ ଉପନ୍ୟାସ 'ଛାବା' ଉପରେ ଆଧାରିତ, ଏହି ଐତିହାସିକ ଆକ୍ସନ୍ ଫିଲ୍ମଟି ଛତ୍ରପତି ସମ୍ଭାଜୀ ମହାରାଜଙ୍କ ଯାତ୍ରା ଏବଂ ମୋଗଲ ସମ୍ରାଟ ଔରଙ୍ଗଜେବଙ୍କ ସହ ତାଙ୍କର ଯୁଦ୍ଧ ଉପରେ ଆଧାରିତ । ଏହି ଫିଲ୍ମଟି ବକ୍ସ ଅଫିସରେ ରିଲିଜ ହେବାର ୧୧ ଦିନ ବିତିଗଲାଣି ଏବଂ ଫିଲ୍ମ ୩୫୦ କୋଟି ଟଙ୍କାରୁ ଅଧିକ ରୋଜଗାର କରି ସଫଳତା ହାତେଇଛି ।
'ଛାବା' ବକ୍ସ ଅଫିସ କଲେକ୍ସନ
ନିର୍ମାତାଙ୍କ ଅନୁଯାୟୀ, ଲକ୍ଷ୍ମଣ ଉତ୍ତେକରଙ୍କ ନିର୍ଦ୍ଦେଶିତ ଫିଲ୍ମ 'ଛାବା' ପ୍ରଥମ ସପ୍ତାହରେ ୨୨୫.୨୮ କୋଟି ଟଙ୍କା ରୋଜଗାର କରିଥିଲା । ଗୋଟିଏ ସପ୍ତାହ ପରେ ମଧ୍ୟ ଫିଲ୍ମଟି ବକ୍ସ ଅଫିସରେ ନିଜର କବଜା ବଜାୟ ରଖିଛି । ୨୧ ଫେବୃଆରୀ, ଅର୍ଥାତ୍ ଦ୍ୱିତୀୟ ଶୁକ୍ରବାରରେ, 'ଡ୍ରାଗନ୍' ଭଳି ଅନେକ ନୂଆ ଫିଲ୍ମ ବକ୍ସ ଅଫିସରେ ମୁକ୍ତିଲାଭ କରିଥିଲା, ତଥାପି 'ଛାବା' ୮ମ ଦିନରେ ୨୪.୦୩ କୋଟି ଟଙ୍କାର ବ୍ୟବସାୟ କରିଥିଲା । 'ଛାବା' ରିଲିଜ ହେବାର ୯ମ ଦିନରେ ଏହାର ରୋଜଗାରରେ ଏକ ବଡ଼ ବୃଦ୍ଧି ଘଟିଛି । ଏହି ଫିଲ୍ମ ଦ୍ୱିତୀୟ ଶନିବାରରେ ୪୪.୧ କୋଟି ଟଙ୍କା ରୋଜଗାର କରିଥିଲା । ଦ୍ୱିତୀୟ ରବିବାରରେ ମଧ୍ୟ ଫିଲ୍ମଟି 40 କୋଟି ଟଙ୍କାରୁ ଅଧିକ ରୋଜଗାର କରିଥିଲା ।
'ଛାବା' ନିର୍ମାତାଙ୍କ ଦ୍ୱାରା ପ୍ରକାଶିତ ରିପୋର୍ଟ ଅନୁସାରେ, ଫିଲ୍ମଟି ଦଶମ ଦିନରେ ୪୧.୧ କୋଟି ଟଙ୍କା ରୋଜଗାର କରିଛି । ରିଲିଜର ଦ୍ୱିତୀୟ ସୋମବାର ଅର୍ଥାତ୍ ୧୧ତମ ଦିନରେ ୧୮.୫୦ କୋଟି ଟଙ୍କା ରୋଜଗାର କରିଛି । ଏହା ସହିତ, ଭିକି କୌଶଳଙ୍କ ଐତିହାସିକ ପିରିୟଡ୍ ଡ୍ରାମା 350 କୋଟି ଟଙ୍କା ଅତିକ୍ରମ କରିବାରେ ସଫଳ ହୋଇଥିଲା। ୧୧ ଦିନ ପରେ, ଭାରତୀୟ ବକ୍ସ ଅଫିସରେ 'ଛାଭା'ର ମୋଟ କଲେକ୍ସନ ୩୫୩.୦୧ କୋଟି ଟଙ୍କାରେ ପହଞ୍ଚିଛି। ଏହି ସମୟରେ, ସାକୋନିଲ୍କଙ୍କ ଅନୁଯାୟୀ, ସାରା ବିଶ୍ୱରେ 'ଛାବା'ର ମୋଟ ଆୟ ୪୪୪.୫ କୋଟି ଟଙ୍କାରେ ପହଞ୍ଚିଛି।
ଏହା ମଧ୍ୟ ପଢନ୍ତୁ: ସାଉଥରେ ଧମାକା କରିବ 'ଛାବା' ! ତେଲୁଗୁ ଭାଷାରେ ଫିଲ୍ମ ରିଲିଜ କରିବାକୁ ଦର୍ଶକଙ୍କ ଡିମାଣ୍ଡ୍
'ଛାବା' ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ରରେ ବିକି କୌଶଲ ମରାଠା ସାମ୍ରାଜ୍ୟର ପ୍ରତିଷ୍ଠାତା ଛତ୍ରପତି ଶିବାଜୀ ମହାରାଜଙ୍କ ଜ୍ୟେଷ୍ଠପୁତ୍ର ଛତ୍ରପତି ସମ୍ୱାଜୀ ମହାରାଜ ଭୂମିକାରେ ନଜର ଆସିଛନ୍ତି । ତାଙ୍କ ପତ୍ନୀ ୟଶୁଭାଇ ଭୂମିକାରେ ଅଭିନୟ କରିଛନ୍ତି ରଶ୍ମିକା । ନିର୍ଦ୍ଦେଶକ ଲକ୍ଷ୍ମଣ ଉତ୍ତେକର ଛାବା ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି । ନିର୍ଦ୍ଦେଶକଙ୍କ ସହ ଏହା ବିକିଙ୍କ ଦ୍ୱିତୀୟ ଫିଲ୍ମ ହୋଇଥିବା ବେଳେ ଉଭୟଙ୍କ ସହ ରଶ୍ମିକାଙ୍କ ଏହା ପ୍ରଥମ ଫିଲ୍ମ । ଏହି ଚଳଚ୍ଚିତ୍ରରେ ଔରଙ୍ଗଜେବଙ୍କ ଭୂମିକାରେ ଅକ୍ଷୟ ଖନ୍ନା ନଜର ଆସିଛନ୍ତି । ଏହା ବ୍ୟତୀତ ଆଶୁତୋଷ ରାଣା, ବିନୀତ କୁମାର ସିଂହ, ଦିବ୍ୟା ଦତ୍ତା ଏବଂ ଡାଏନା ପେଣ୍ଟି ଭଳି କଳାକାରଙ୍କୁ ମଧ୍ୟ ଦେଖିବାକୁ ମିଳିଛି
ବ୍ୟୁରୋ ରିପୋର୍ଟ, ଇଟିଭି ଭାରତ
