ଶ୍ରୀନଗର, ଜାମ୍ମୁ-କାଶ୍ମୀର: 20 ସେପ୍ଟେମ୍ବର(ଶୁକ୍ରବାର) ସମଗ୍ର ଭାରତରେ ଜାତୀୟ ସିନେମା ଦିବସ ପାଳନ କରାଯାଉଛି । ଏହି ଅବସରରେ ସିନେ ପ୍ରେମୀଙ୍କ ପାଇଁ ବମ୍ପର ଅଫର ରହିଛି । ଯେକୌଣସି ଫିଲ୍ମ କେବଳ 99 ଟଙ୍କାରେ ଦେଖିପାରିବେ । ଏପରି ସମୟରେ ସାହିଦ କପୁର ଏବଂ ଶ୍ରଦ୍ଧା କପୁରଙ୍କ ଫିଲ୍ମ 'ହାଇଦର' ପୁଣି ରିଲିଜ ହେଉଛି । 10 ବର୍ଷ ପରେ ଆଜି ପୁଣି ଏହି ଫିଲ୍ମ ମୁକ୍ତିଲାଭ କରୁଛି । ଏହି ଫିଲ୍ମ ଜାମ୍ମୁ କାଶ୍ମୀରରେ ଆଜି(ଶୁକ୍ରବାର) ଠାରୁ ଦୈନିକ ଅପରାହ୍ନ 2 ଟା ଏବଂ 2:30 ରେ 'ହାଇଦର' ଦେଖାଯିବ । କେବଳ 99 ଟଙ୍କାରେ ଫିଲ୍ମ ଦେଖିପାରିବେ ଦର୍ଶକ ।
10ବର୍ଷ ପରେ ପୁଣି ରିଲିଜ 'ହାଇଦର'
ପ୍ରାୟ ଏକ ଦଶନ୍ଧି ପରେ ସାହିଦ କପୁର ଏବଂ ଶ୍ରଦ୍ଧା କପୁରଙ୍କ ଅଭିନୀତ 'ହାଇଦର' କାଶ୍ମୀରର ବଡ ପରଦାରେ ରିଲିଜ ହେଉଛି । ବିଶାଲ ଭରଦ୍ୱାଜଙ୍କ ଦ୍ୱାରା ନିର୍ଦ୍ଦେଶିତ ଏବଂ 2014 ରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ରଟି ସେକ୍ସପିୟରଙ୍କ ହେମଲେଟ୍ ଉପରେ ଆଧାରିତ । ସେହି ସମୟରେ କାଶ୍ମୀରରେ ସିନେମା ହଲ ଅଭାବରୁ ଏହି ଚଳଚ୍ଚିତ୍ର ଉପତ୍ୟକାରେ ମୁକ୍ତିଲାଭ କରିନଥିଲା । ତେବେ କାଶ୍ମୀରରେ ଫିଲ୍ମର ପ୍ରଶଂସକମାନେ ସେପ୍ଟେମ୍ବର 20 ରେ INOX ଶ୍ରୀନଗରରେ ଏହାକୁ ଦେଖିବାର ସୁଯୋଗ ପାଇବେ । ଇଟିଭି ଭାରତ ସହ କଥାବାର୍ତ୍ତା କରି INOX ଶ୍ରୀନଗରର ମାଲିକ ବିକାଶ ଧର ପ୍ରକାଶ କହିଛନ୍ତି ଯେ, ସୋସିଆଲ ମିଡିଆ ସର୍ଭେ ପରେ ଲୋକଙ୍କ ଚାହିଦା ଏବଂ ପ୍ରଥମ ପସନ୍ଦ 'ହାଇଦର' ହୋଇଥିବା ବେଳେ ଆମେ ଫିଲ୍ମ ପୁଣି ରିଲିଜ କରୁଛୁ । 'ଟିକେଟ୍ ମୂଲ୍ୟ ମାତ୍ର 99 ଟଙ୍କା । ଆଜି (ଶୁକ୍ରବାର) ଠାରୁ ରାତି 2 ଟା ଏବଂ ରାତି 2:30 ରେ ହାଇଦାର ପ୍ରଦର୍ଶିତ ହେବ ।''
ପରଦାରେ ଧମାକା କରିଥିଲା 'ହାଇଦର'