ମୁମ୍ବାଇ: ବଲିଉଡର ଷ୍ଟାର କପଲ ରିଚା ଚଡ୍ଡା ଏବଂ ଅଲ୍ଲୀ ଫଜଲ ଫିଲ୍ମ ନିର୍ମାତା ଭାବରେ କାମ ଆରମ୍ଭ କରିଛନ୍ତି । ଉଭୟ ନିକଟରେ ସେମାନଙ୍କର ପ୍ରଡକ୍ସନ୍ ହାଉସ୍ ପୁସିଂ ବଟନସ ଷ୍ଟୁଡିଓ ଲଞ୍ଚ କରିଛନ୍ତି। 'ଗାର୍ଲ୍ସ ଓ୍ବିଲ ବି ଗାର୍ଲ୍ସ' ହେଉଛି ସେମାନଙ୍କ ବ୍ୟାନରରେ ନିର୍ମିତ ପ୍ରଥମ ପ୍ରୋଜେକ୍ଟ। ତେବେ ଆଜି(ମଙ୍ଗଳବାର)ରିଚା ଏବଂ ଅଲି ତାଙ୍କର ଅନ୍ୟାନ୍ୟ ପ୍ରୋଜେକ୍ଟ ବିଷୟରେ ସୂଚନା ଦେଇଛନ୍ତି । ଯାହା ତାଙ୍କ କମ୍ପାନୀ ମାଧ୍ୟମରେ କରାଯିବ। ସେଥିରେ ଏକ ଆଡଲ୍ଟ ଆନିମେଟେଡ୍ ପ୍ରୋଜେକ୍ଟ, କମେଡି, ଡକ୍ୟୁମେଣ୍ଟାରୀ ଏବଂ ଏକ କଳ୍ପନା ଡ୍ରାମା ଫିଲ୍ମ ଅନ୍ତର୍ଭୁକ୍ତ |
ଏହି ପ୍ରୋଜେକ୍ଟକୁ ନେଇ ରିଚା କହିଛନ୍ତି ଯେ, 'ଆମେ ଷ୍ଟୋରି ଟେଲିଂ ଓ ଡାଇଭର୍ସ ନାରେଟିବ୍ସକୁ ସାମ୍ନାକୁ ଆଣିବା ପୀାଇଁ ଲକ୍ଷ୍ୟ । ସନଡ୍ୟାନ୍ସରେ ' ଗାର୍ଲ୍ସ ଓ୍ବିଲ ବି ଗାର୍ଲ୍ସ' ସଫଳତା ପରେ ଆଗକୁ ଆହୁରି କ୍ରିଏଟିବ କରିବାକୁ ପ୍ରେରିତ ହୋଇଛୁ । ସେ ପଟେ ଏନେଇ ଅଲି କହିଛନ୍ତି, 'ପୁସିଂ ବଟନସ ଷ୍ଟୁଡିଓ କେବଳ ଏକ ପ୍ରଡକସନ ହାଉସ ନୁହେଁ । ଏଠାରେ କଳାକାରଙ୍କୁ ସହଯୋଗ କରିବା ଓ ଦର୍ଶକଙ୍କ ପାଇଁ ସ୍ମରଣୀୟ ଅନୁଭୂତି ବନାଇବା ପାଇଁ ଏହା ଏକ ପ୍ଲାଟଫର୍ମ ।'
ଗାର୍ଲ୍ସ ଓ୍ବିଥ ଗାର୍ଲ୍ସ : ଏହି ଫିଲ୍ମକୁ ସୂଚି ତଲାତି ନିର୍ଦେଶନା ଦେଇଛନ୍ତି । ଏହି ଫିଲ୍ମଟି ୧୬ ବର୍ଷୀୟ ମୀରାଙ୍କ ବିଷୟ ଉପରେ ଆଧାରିତ ।