ହାଇଦ୍ରାବାଦ:ଦୀର୍ଘ ଦିନ ଅପେକ୍ଷା ପରେ ଶେଷରେ ପରଦାକୁ ଆସିଛି ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨: ଦ ରୁଲ' । ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଭିନ୍ନ କ୍ରେଜ ଦେଖିବାକୁ ମିଳିଛି । ଆଜି ଭୋରୁ ଫିଲ୍ମ ରିଲିଜ ହୋଇଥିବା ବେଳେ ଫିଲ୍ମ ଦେଖିବାକୁ ଥିଏଟରରେ ଭିଡ଼ ଜମିଛି । ପୂର୍ବରୁ ଆଡଭାନ୍ସ ବୁକିଂରେ ପ୍ରଥମ ଦିନ ପାଇଁ ଟିକେଟ ବିକ୍ରି କରି ଫିଲ୍ମ ବମ୍ପର କଲେକ୍ସନ କରିଛି । ଏହି କ୍ରମରେ ପ୍ରଥମ ଦିନ ପାଇଁ ଫିଲ୍ମ ହାଉସଫୁଲ ରହିଛି । ଏପରି ପରିସ୍ଥିତିରେ, ଯଦି ଆପଣ 'ପୁଷ୍ପା 2' ଦେଖିବାକୁ ଯୋଜନା କରୁଛନ୍ତି, ତେବେ ଫିଲ୍ମକୁ ନେଇ ରିଭ୍ୟୁ ପଢିନିଅନ୍ତୁ ।
ଦର୍ଶକଙ୍କ ମନ ଜିତିଲା କି 'ପୁଷ୍ପା 2'
ପ୍ରଥମ ଦିନର ଶୋ' ଦେଖିବା ପରେ ଲୋକେ ଫିଲ୍ମକୁ ନେଇ ନିଜ ପ୍ରତିକ୍ରିୟା ଦେଉଛନ୍ତି । ସୋସିଆଲ ମିଡିଆରେ 'ପୁଷ୍ପା 2' ଝଡ଼ ସୃଷ୍ଟି କରିଛି । ଏକ୍ସରେ 'ପୁଷ୍ପା 2' କୁ ନେଇ ଦର୍ଶକଙ୍କ ମଧ୍ୟରେ ଭିନ୍ନ କ୍ରେଜ ଦେଖିବାକୁ ମିଳିଛି । ଟ୍ରେଡ ଆନାଲିଷ୍ଟ ଠାରୁ ସେଲିବ୍ରିଟି ଏବଂ ଫ୍ୟାନ୍ସ ଫିଲ୍ମ ନେଇ ନିଜ ପ୍ରତିକ୍ରିୟା ଦେଇଛନ୍ତି । କେହି ଏହାକୁ ବ୍ଲକବ୍ଲଷ୍ଟର ଟ୍ୟାଗ ଦେଇଛି ତ କେହି ଏହାକୁ ଅଲୁ ଅର୍ଜୁନଙ୍କ ସ୍ୱତନ୍ତ୍ର ନାଟକ ବିଶ୍ୱରୂପୀ ଅବତାରକୁ ବହୁତ ପସନ୍ଦ କରିଛନ୍ତି । ଆଉ କେହି ଏହି ଚଳଚ୍ଚିତ୍ରକୁ କେବଳ ଆକ୍ସନ୍ ନୁହେଁ ବରଂ ଭାବପ୍ରବଣ, ରୋମାଣ୍ଟିକ୍ ଏବଂ ପାରିବାରିକ ଡ୍ରାମା ବୋଲି ମଧ୍ୟ କହୁଛନ୍ତି ।
ତରଣ ଆଦର୍ଶଙ୍କ ସମୀକ୍ଷା
ଟ୍ରେଡ ଆନାଲିଷ୍ଟ ତରଣ ଆଦର୍ଶ ଫିଲ୍ମର ଖୁବ ପ୍ରଶଂସା କରିଛନ୍ତି । 5 ଷ୍ଟାର ରେଟିଂରୁ ଫିଲ୍ମକୁ 4.5 ରେଟିଂ ଦେଇଛନ୍ତି। ସେ ପୁଷ୍ପା 2 କୁ 'ମେଗା-ବ୍ଲକବଷ୍ଟର' ବୋଲି ବର୍ଣ୍ଣନା କରିଛନ୍ତି ଏବଂ ନିର୍ଦ୍ଦେଶକଙ୍କୁ ତାଙ୍କର 'ଯାଦୁକର' ଦକ୍ଷତା ପାଇଁ ପ୍ରଶଂସା କରିଛନ୍ତି ଏବଂ ଅଲ୍ଲୁ ଅର୍ଜୁନଙ୍କ ଚିତ୍ରଣକୁ 'ଚମତ୍କାର ବାହାରେ' ବୋଲି କହିଛନ୍ତି ।
ଫିଲ୍ମକୁ ବ୍ଲକବ୍ଲଷ୍ଟର ଟ୍ୟାଗ୍ ଦେଲେ ଦର୍ଶକ
ଚଳଚ୍ଚିତ୍ର ବିଷୟରେ ରିଭ୍ୟୁ ସେୟାର କରି ଜଣେ ଫ୍ୟାନ୍ ଲେଖିଛନ୍ତି, ଅଲ୍ଲୁ ଅର୍ଜୁନ - ଭଗବାନ ସ୍ତରର କଳାକାର । ପୁଣି ଜାତୀୟ ପୁରସ୍କାର ହାତେଇବ ଫିଲ୍ମ । ଆଉ ଜଣେ ଲେଖିଛନ୍ତି, 'ସ୍ୱାଗ,ଏହାକୁ ଆଉ କେହି ଭଲ କରିପାରିବେ ନାହିଁ । କିମ୍ବଦନ୍ତୀ ପୁଣି ରାଜତ୍ୱ କରିବାକୁ ପ୍ରସ୍ତୁତ । ଅନ୍ୟ ଜଣେ ଲେଖିଛନ୍ତି, 'ପ୍ରଥମାର୍ଦ୍ଧ: ବ୍ଲକବଷ୍ଟର ପ୍ରଥମାର୍ଦ୍ଧ। ଅଲ୍ଲୁ ଅର୍ଜୁନଙ୍କ ଦମଦାର ପ୍ରଦର୍ଶନ ସହ ପରଦାରେ ବିସ୍ଫୋରଣ ସୃଷ୍ଟି କରିଛି । ଅନ୍ୟ ଜଣେ ଲେଖିଛନ୍ତି, 'ପୁଷ୍ପା ୨: ଦ ରୁଲ'ରେ 20 ମିନିଟର ଆକ୍ସନ ପରବର୍ତ୍ତୀ ସ୍ତରର । ଯାହା ସିଟି ମାରିବା ଯୋଗ୍ୟ ।
ଏହା ମଧ୍ୟ ପଢନ୍ତୁ:'ପୁଷ୍ପା 2' ପ୍ରିମିୟର ଶୋ'ରେ ଠେଲାପେଲା; ଜଣେ ଫ୍ୟାନ୍ ମୃତ, ଅନେକ ଆହତ
ଫିଲ୍ମ ପ୍ରଶଂସାରେ ଦର୍ଶକ
'ପୁଷ୍ପା ୨' ଦେଖିଥିବା ଫ୍ୟାନ୍ସ ଏବଂ ଦର୍ଶକ ଏହି ଫିଲ୍ମକୁ ମେଗା ବ୍ଲକବଷ୍ଟର ବୋଲି ବର୍ଣ୍ଣନା କରିଛନ୍ତି। ସେ ବିଶ୍ୱାସ କରନ୍ତି ଯେ ଏହି ଚଳଚ୍ଚିତ୍ର ପୁଣି ଜାତୀୟ ଚଳଚ୍ଚିତ୍ର ପୁରସ୍କାର ପାଇବାକୁ ଯୋଗ୍ୟ ଅଟେ। ଦର୍ଶକମାନେ ଅଲୁ ଅର୍ଜୁନଙ୍କ ଜଥାରା କ୍ରମକୁ ବହୁତ ପସନ୍ଦ କରିଛନ୍ତି । ଲୋକମାନେ ତାଙ୍କ ଅବତାରକୁ ବହୁତ ପ୍ରଶଂସା କରୁଛନ୍ତି । ବର୍ତ୍ତମାନ, ଫିଲ୍ମ ଦେଖୁଥିବା ଦର୍ଶକମାନେ ଆଶା କରୁଛନ୍ତି ଯେ ଆଗାମୀ ଦିନରେ ସମସ୍ତ ପ୍ରେକ୍ଷାଳୟ ବାହାରେ ହାଉସ୍ଫୁଲ୍ ବୋର୍ଡ ଲଗାଯିବ ।
ଏହା ମଧ୍ୟ ପଢନ୍ତୁ:ପରଦାକୁ ଆସିଲା 'ପୁଷ୍ପା 2'; ଫ୍ୟାନ୍ସ ସହ ଫିଲ୍ମ ଦେଖିଲେ ପୁଷ୍ପା-ଶ୍ରୀବଲ୍ଲି
ନିର୍ଦ୍ଦେଶକ ସୁକୁମାରଙ୍କ 'ପୁଷ୍ପା ୨: ଦ ରୁଲ' ଆଜି ଅର୍ଥାତ୍ ଗୁରୁବାର ଏକାଧିକ ଭାଷାରେ ମୁକ୍ତିଲାଭ କରିଛି । ବୁଧବାର ଦିନ ତେଲେଙ୍ଗାନା, ଆନ୍ଧ୍ରପ୍ରଦେଶ ଏବଂ ବେଙ୍ଗାଲୁରୁର ବିଭିନ୍ନ ପ୍ରେକ୍ଷାଳୟରେ ପ୍ରିମିୟର ସୋ ’ଧାର୍ଯ୍ୟ କରାଯାଇଥିଲା । କହିରଖୁଛୁ କି, 'ପୁଷ୍ପା ୨' 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଯାହା 2021 ଡିସେମ୍ବରରେ ମୁକ୍ତିଲାଭ କରିବା ପରେ ବକ୍ସ ଅଫିସ୍ରେ ଧମାକା କରିଥିଲା । ଏହି ଚଳଚ୍ଚିତ୍ର ବେଶ ଲୋକପ୍ରିୟତା ହାସଲ କରିବା ସହ ବ୍ଲକବ୍ଲଷ୍ଟର ହୋଇଥିଲା । ତେବେ ପ୍ରଥମ ଭାଗ ପରି 2ୟ ଭାଗରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା, ଫାହାଦ୍ ଫାସିଲ, ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାର ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
