ହାଇଦ୍ରାବାଦ: ବଲିଉଡ ଅଭିନେତା ସୈଫ ଅଲି ଖାନଙ୍କ ସ୍ୱାସ୍ଥ୍ୟାବସ୍ଥା ଏବେ ଠିକ୍ ଅଛି । ମଙ୍ଗଳବାର ତାଙ୍କୁ ହସ୍ପିଟାଲରୁ ଡିସଚାର୍ଜ ମଧ୍ୟ କରାଯାଇଥିଲା । ସୈଫ୍ ହସ୍ପିଟାଲରୁ ଘରକୁ ପହଞ୍ଚିବା ପରେ ସେ ପ୍ରଥମ ଥର କ୍ୟାମେରା ସାମ୍ନାକୁ ଆସିଥିଲେ । ପାପାରାଜିଙ୍କ ପାଇଁ ପୋଜ୍ ଦେବା ସହ ଅଭିବାଦନ ଜଣାଇଥିଲେ । ବର୍ତ୍ତମାନ ସୈଫ ଅଲି ଖାନ ତାଙ୍କୁ ହସ୍ପିଟାଲ ନେଇଥିବା ଅଟୋ ଡ୍ରାଇଭରଙ୍କୁ ଭେଟିଛନ୍ତି ।ଯାହାର ଫଟୋ ସାମ୍ନାକୁ ଆସିଛି ।
ଅଟୋ ଡ୍ରାଇଭରଙ୍କୁ ଭେଟିଲେ ସୈଫ ଅଲି ଖାନ
ଅଟୋ ଡ୍ରାଇଭର ଭଜନ ସିଂ ରାଣାଙ୍କ ସହ ସୈଫଙ୍କ ସାକ୍ଷାତକାରର ଫଟୋ ଭାଇରାଲ ହୋଇଛି । ଫଟୋରୁ ସ୍ପଷ୍ଟ ହୋଇଛି ଯେ ସୈଫ୍ ମଙ୍ଗଳବାର ଦିନ ହସ୍ପିଟାଲରେ ଅଟୋ ଡ୍ରାଇଭରଙ୍କୁ ଭେଟିଥିଲେ । ଫଟୋରେ ସୈଫ ହ୍ୱାଇଟ୍ ସାର୍ଟ ଏବଂ ଡେନିମ୍ ଜିନ୍ସ ପିନ୍ଧିଥିବାର ଦେଖାଯାଉଛି । ସେ ମଧ୍ୟ କଳା ଚଷମା ପିନ୍ଧିଛନ୍ତି । ସୈଫ ଡ୍ରାଇଭରଙ୍କ କାନ୍ଧରେ ହାତ ରଖି ଏକାଠି ବସି ଏକ ଫଟୋ ମଧ୍ୟ ଉଠାଇଥିଲେ । ଏଥିସହ ସୈଫ ଅଟୋ ଡ୍ରାଇଭରଙ୍କୁ ଭେଟି ଧନ୍ୟବାଦ ମଧ୍ୟ ଜଣାଇଥିଲେ । ସୈଫ ଡ୍ରାଇଭରଙ୍କ କାମକୁ ପ୍ରଶଂସା କରିଥିଲେ । ସୈଫ କହିଥିଲେ, ''ସମସ୍ତଙ୍କୁ ଏହିପରି ସାହାଯ୍ୟ କରିଚାଲ । ତୁମେ ସେହି ଦିନ ଭଡା ଦେଇନି ପାଇଁ ଚିନ୍ତା କରନାହିଁ ତେବେ ତାହା ତୁମକୁ ମିଳିବ । ଯଦି ତୁମକୁ ଜୀବନରେ କୌଣସି ପ୍ରକାରର ସାହାଯ୍ୟର ଆବଶ୍ୟକତା ଅଛି, ତେବେ ମୋତେ ମନେ ରଖ ।'' ଏହି ସମୟରେ ସୈଫ ଅଲି ଖାନଙ୍କ ମାଆ ଶର୍ମିଲା ଟାଗୋର ଏବଂ ପତ୍ନୀ କରୀନା କପୁର ମଧ୍ୟ ଡ୍ରାଇଭରଙ୍କୁ ଧନ୍ୟବାଦ ଜଣାଇଥିଲେ ।
Mumbai, Maharashtra: Bhajan Singh Rana, the auto driver who took actor Saif Ali Khan to the hospital after he was attacked, met the actor after he was discharged from the hospital yesterday.
— IANS (@ians_india) January 22, 2025
Auto driver Bhajan Singh Rana says, " ...they gave a time of 3:30 pm, i said okay, and i… pic.twitter.com/knmztnk9E4
ଯେତେବେଳେ ଭଜନ ସିଂ ରାଣାଙ୍କୁ ପଚରାଗଲା ଯେ ସେ ହସ୍ପିଟାଲରେ କିପରି ପହଞ୍ଚିଲେ । ସମସ୍ତ ଗଣମାଧ୍ୟମ ପ୍ରତିନିଧି ସେଠାରେ ଉପସ୍ଥିତ ଥିଲେ । ଏନେଇ ସେ କହିଲେ ଯେ ସେ ଏକ ମାସ୍କ ପିନ୍ଧି ହସ୍ପିଟାଲରେ ପ୍ରବେଶ କରିଥିଲେ । ସୈଫଙ୍କ ପକ୍ଷରୁ ତାଙ୍କ ଜଣେ ସହାୟକ ମୋତେ କଲ୍ କରିଥିଲେ । ମୁଁ ତାଙ୍କୁ ଦେକା କରିବାକୁ ମେଡିକାଲ ପହଞ୍ଚିଥିଲି । ମୁଁ ପ୍ରାର୍ଥନା କରୁଛି ସୈଫ ଅଲି କାନ ଶୀଗ୍ର ସୁସ୍ଥ ହୋଇଯାଆନ୍ତୁ ।
ଏହା ମଧ୍ୟ ପଢନ୍ତୁ: ମାନବିକତା ଦେଖାଇଥିଲେ ଅଟୋ ଡ୍ରାଇଭର; ସୈଫଙ୍କୁ ସମୟରେ ପହଞ୍ଚାଇଥିଲେ ହସ୍ପିଟାଲ, ପାଇଲେ ପୁରସ୍କାର ରାଶି
ସୈଫଙ୍କୁ ଡାକ୍ତରଖାନା ନେବା ପାଇଁ ଡ୍ରାଇଭର ନେଇନଥିଲେ ଟଙ୍କା
କହିରଖୁଛୁ କି, ନିଜ ଘରେ ଆକ୍ରମଣର ଶିକାର ହୋଇଥିବା ସୈଫଙ୍କୁ ଜଣେ ଅଟୋରେ ଡାକ୍ତରଖାନା ନିଆଯାଇଥିଲା । ସେହି ସମୟରେ କୌଣସି କାର୍ ଡ୍ରାଇଭର ମିଳିନଥିବାରୁ ଅଟୋରେ ତାଙ୍କୁ ଡାକ୍ତରଖାନା ନିଆଯାଇଥିଲା । ଭଜନ ସିଂ ତାଙ୍କୁ ଗୁରୁତର ଅବସ୍ଥାରେ ଠିକ ସମୟରେ ହସ୍ପିଟାଲ ପହଞ୍ଚାଇଥିଲେ । ସେହି ରାତିରେ ସୈଫଙ୍କୁ ହସ୍ପିଟାଲ ନେବା ପରେ ସେ ଅଭିନେତା କିମ୍ବା ତାଙ୍କ ସହ ଥିବା ଲୋକଙ୍କଠାରୁ ଭଡା ନେଇ ନଥିଲେ । ଡ୍ରାଇଭରଙ୍କୁ ଏହି କାର୍ଯ୍ୟ ପାଇଁ ତାଙ୍କୁ ସମସ୍ତେ ପ୍ରଶଂସା କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
