ହାଇଦ୍ରାବାଦ: 'ପୁଷ୍ପା 2' ଫିଲ୍ମର ସଫଳତା ପରେ ସାଉଥ ଅଭିନେତ୍ରୀ ରଶ୍ମିକା ମନ୍ଦାନା ଏବେ ସଲମାନ ଖାନଙ୍କ ସହ ଫିଲ୍ମ 'ସିକନ୍ଦର' ଏବଂ ବିକି କୌଶଲଙ୍କ ସହ ଫିଲ୍ମ 'ଛାବା'ରେ ନଜର ଆସିବେ । ଏହି ସମୟରେ, ରଶ୍ମିକା ମଧ୍ୟ ଫିଲ୍ମର ଅନେକ ସିଡ୍ୟୁଲ୍ ସମାପ୍ତ କରିଛନ୍ତି । ଏବେ ରଶ୍ମିକା ମନ୍ଦାନା ହାଇଦ୍ରାବାଦରୁ ମୁମ୍ବାଇରେ ପହଞ୍ଚିଛନ୍ତି । ମୁମ୍ୱାଇ ଏୟାରପୋର୍ଟରେ ରଶ୍ମିକା ମନ୍ଦାନାଙ୍କ ଗୋଡ଼ରେ ଆଘାତ ଲାଗିଥିବା ବେଳେ ଅଭିନେତ୍ରୀ ହ୍ୱିଲ୍ ଚେୟାରରେ ନଜର ଆସିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
'ଛାବା' ଟ୍ରେଲର ରିଲିଜ ଇଭେଣ୍ଟରେ ହେବେ ସାମିଲ
କହିରଖୁଛୁ କି, ଆଜି 'ଛାବା'ର ଟ୍ରେଲର ରିଲିଜ୍ ହେବାକୁ ଯାଉଛି ଏବଂ ଏହି ଅବସରରେ ଅଭିନେତ୍ରୀ ମୁମ୍ବାଇରେ ପହଞ୍ଚିଛନ୍ତି । ରଶ୍ମିକା ମୁମ୍ବାଇ ଏୟାରପୋର୍ଟରେ ମୁଣ୍ଡରେ ଟୋପି ଏବଂ ମୁହଁରେ ମାସ୍କ ପିନ୍ଧି ଏକ କାଜୁଆଲ୍ ଲୁକରେ ନଜର ଆସିଛନ୍ତି । ରଶ୍ମିକାର ଗୋଡ଼ରେ ଆଘାତ ଲାଗିଛି ଏବଂ ସେ ଚାଲି ପାରୁନାହାଁନ୍ତି । ସେ କାରରୁ ଗୋଟିଏ ଗୋଡ଼ରେ ଚାଲି ଚାଲି ଆସିବା ପରେ ହ୍ୱିଲଚେୟାରର ସାହାଯ୍ୟ ନେଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ରଶ୍ମିକାଙ୍କ ଗୋଡ଼ରେ ଆଘାତ
କିଛି ଦିନ ପୂର୍ବରୁ ରଶ୍ମିକା ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ କିଛି ଫଟୋ ମଧ୍ୟ ସେୟାର କରିଥିଲେ । ଏଥିରେ ତାଙ୍କ ଗୋଡ଼ରେ ଆଘାତ ଲାଗିଥିବା ଦେଖାଯାଉଥିଲା । ଏହି ସମୟରେ, ଅଭିନେତ୍ରୀ ଜଣକ ଜିମ୍ରେ ଆଘାତ ଲାଗିଥିବା ପ୍ରକାଶ କରିଥିଲେ । ସେ କହିଥିଲେ ଯେ ସେ ଆଗାମୀ କିଛି ସପ୍ତାହ କିମ୍ବା ମାସ ପାଇଁ 'ହପ୍ ମୋଡ୍'ରେ ଥିଲେ । ତାଙ୍କ ଆଘାତ ଯୋଗୁଁ ସୁଟିଂ ବନ୍ଦ ହୋଇଯିବାରୁ ସେ ତାଙ୍କ ନିର୍ଦ୍ଦେଶକମାନଙ୍କୁ କ୍ଷମା ମଧ୍ୟ ମାଗିଥିଲେ ।
ଏହା ମଧ୍ୟ ପଢନ୍ତୁ: 'ଛାବା'ରୁ ରଶ୍ମିକା ମନ୍ଦାନାଙ୍କ ଲୁକ୍ ପୋଷ୍ଟର ଆଉଟ୍, ଏହି ଭୂମିକାରେ ଆସିବେ ନଜର
'ଛାବା' କେବେ ମୁକ୍ତିଲାଭ କରିବ ?
ଫିଲ୍ମ "ଛାବା" ୧୪ ଫେବୃଆରୀରେ ରିଲିଜ୍ ହେବାକୁ ଯାଉଛି । ଲକ୍ଷ୍ମଣ ଉତ୍ତେକର ଛାବା ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି । ଯିଏକି ବିକି କୌଶଲଙ୍କ ସହ ଫିଲ୍ମ 'ଜରା ହଟକେ ଜରା ବଚକେ' ନିର୍ଦ୍ଦେଶନା ଦେଇଥିଲେ । ନିର୍ଦ୍ଦେଶକଙ୍କ ସହ ଏହା ବିକିଙ୍କ ଦ୍ୱିତୀୟ ଫିଲ୍ମ ହୋଇଥିବା ବେଳେ ଉଭୟଙ୍କ ସହ ରଶ୍ମିକାଙ୍କ ଏହା ପ୍ରଥମ ଫିଲ୍ମ । ଏହି ଚଳଚ୍ଚିତ୍ରରେ ଅରଙ୍ଗଜେବଙ୍କ ଭୂମିକାରେ ଅକ୍ଷୟ ଖନ୍ନା ନଜର ଆସିବେ। ଫିଲ୍ମର ପ୍ରଯୋଜକ ଦିନେଶ ଭିଜନ ରହିଥିବା ବେଳେ ବରିଷ୍ଠ ସଙ୍ଗୀତଜ୍ଞ ଏ.ଆର. ରହମାନ ଫିଲ୍ମରେ ସଙ୍ଗୀତ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
