ହାଇଦ୍ରାବାଦ:କଙ୍ଗନା ରାଣାୱତଙ୍କ ଅଭିନୀତ ରାଜନୈତିକ ଡ୍ରାମା ଚଳଚ୍ଚିତ୍ର 'ଏମରଜେନ୍ସି ' ରିଲିଜ୍ ତାରିଖ ପାଖେଇ ଆସୁଛି। ଚଳିତ ମାସରେ ଫିଲ୍ମ 'ଏମରଜେନ୍ସି ' ରିଲିଜ ହେବାକୁ ଯାଉଛି। ଅନେକ ବିରୋଧର ସମ୍ମୁଖୀନ ହେବା ପରେ ଫିଲ୍ମଟି ସେନ୍ସର ବୋର୍ଡରୁ ଗ୍ରୀନ ସିଗନାଲ ପାଇଛି। ଆସନ୍ତା 10 ଦିନ ମଧ୍ୟରେ ଫିଲ୍ମ ରିଲିଜ ହେବାକୁ ଯାଉଥିବା ବେଳେ ଫିଲ୍ମ 'ଏମରଜେନ୍ସି' ର ଦ୍ୱିତୀୟ ଟ୍ରେଲର ରିଲିଜ ହୋଇଛି। କଙ୍ଗନା ରାଣାୱତ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଏମରଜେନ୍ସି ' ର ଦ୍ୱିତୀୟ ଟ୍ରେଲର ଆଜି 6 ଜାନୁଆରୀରେ ମୁକ୍ତିଲାଭ କରିଛି ।
ଏମରଜେନ୍ସି ଦ୍ୱିତୀୟ ଟ୍ରେଲର ରିଲିଜ
ସ୍ୱାଧୀନତା ଦିବସ ଅବସରରେ କଙ୍ଗନା ଗତ ବର୍ଷ 2024 ମସିହାରେ ଫିଲ୍ମର ପ୍ରଥମ ଟ୍ରେଲର ରିଲିଜ କରିଥିଲେ। ଏହି ଫିଲ୍ମ 17 ଜାନୁଆରୀରେ ମୁକ୍ତିଲାଭ କରିବାକୁ ଯାଉଛି। ଏଭଳି ପରିସ୍ଥିତିରେ ଏମରଜେନ୍ସି ଚଳଚ୍ଚିତ୍ରର ଟ୍ରେଲର ପୁଣି ଥରେ ରିଲିଜ ହୋଇଛି । ଏହି ଟ୍ରେଲର ଅନୁପମ ଖେରଙ୍କ ଜୟପ୍ରକାଶ ନାୟାରନ ଭୂମିକାରୁ ଆରମ୍ଭ ହୋଇଛି, ଯିଏ ଜେଲରୁ ତତ୍କାଳୀନ ପ୍ରଧାନମନ୍ତ୍ରୀଙ୍କୁ ଚିଠି ଲେଖୁଛନ୍ତି । ଏହି ସିନ ପରେ କଙ୍ଗନା ତାଙ୍କ PMO କାର୍ଯ୍ୟାଳୟରେ ବସିଥିବା ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଏଣ୍ଟ୍ରି କରନ୍ତି, ଯେଉଁଠାରେ ସେ କହିଛନ୍ତି ଯେ ମୁଁ କ୍ୟାବିନେଟ୍, ଏହା ପରେ ବନ୍ଧୁକଧାରୀ ତଥା ଜନସାଧାରଣଙ୍କ ସ୍ୱର ଶୁଣାଯାଉଛି। ଏହା ପରେ, 1971 ର ଯୁଦ୍ଧ ଘୋଷିତ ହେଲା ଏବଂ ତା’ପରେ ଶତ୍ରୁ ଏବଂ ଭାରତୀୟ ସେନା ମଧ୍ୟରେ ଯୁଦ୍ଧର ଭିଜୁଆଲ୍ ଦେଖିବାକୁ ମିଳିଛି । ଟ୍ରେଲରର ଶେଷରେ ଇନ୍ଦିରା ଇଜ ଇଣ୍ଡିଆ ଦେଖିବାକୁ ମିଳିଛି ।