ମୁମ୍ବାଇ: ସ୍ନେହ, ଶ୍ରଦ୍ଧା, ଭଲ ପାଇବା ନେଇ ଆସିଛି ରଙ୍ଗ ଓ ଖୁସିର ପର୍ବ ହୋଲି । ପୁରଠୁ ପଲ୍ଲୀ ସବୁଠି ଉତ୍ସବମୁଖର ପରିବେଶ । ଘରେ ହେଉ କି ବାହାରେ ସବୁଠି ଚାଲିଛି ହୋଲି ସେଲିବ୍ରେସନ । ପରସ୍ପରକୁ ରଙ୍ଗ ଲଗାଇ ହୋଲିର ଶୁଭକାମନା ଜଣାଉଛନ୍ତି ସମସ୍ତେ । କିଏ କାହାକୁ ପିଚକାରୀରେ ତ ପୁଣି କିଏ ଅବିରରେ ଖେଳୁଛନ୍ତି ହୋଲି । ତେବେ କେବଳ ଆମେ ନୁହେଁ ବରଂ ବଲିଉଡ ସେଲିବ୍ରିଟିମାନେ ମଧ୍ୟ ବଡ଼ ଉତ୍ସାହର ସହିତ ଏହି ପର୍ବକୁ ସେଲିବ୍ରେଟ କରିଛନ୍ତି। ଯାହାର ଫଟୋ ସେମାନେ ତାଙ୍କ ସୋସିଆଲ ମିଡ଼ିଆ ଆକାଉଣ୍ଟରେ ସେୟାର କରିଛନ୍ତି। ତେବେ ଆସନ୍ତୁ ଦେଖିବା ବଲିଉଡ଼ ଷ୍ଟାର କିଭଳି ଏହି ପର୍ବକୁ ପାଳନ କରିଛନ୍ତି।
ରଣବୀର-ଆଲିଆ ନିଜ ଝିଅ ରାହା ସହ ହୋଲି ସେଲିବ୍ରେଟ କରୁଥିବା ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି। ହୋଲିରେ ରଣବୀରଙ୍କୁ ମାରୁନ ରଙ୍ଗର ପ୍ୟାଣ୍ଟ ଏବଂ ଧୂସର ରଙ୍ଗର ଟି-ସାର୍ଟରେ ଦେଖିବାକୁ ମିଳିଛି । ଅନ୍ୟପଟେ ଆଲିଆ ଅରେଞ୍ଜ ରଙ୍ଗର ସର୍ଟ ଏବଂ ଗୋଲାପି ରଙ୍ଗର ପ୍ୟାଣ୍ଟ ପିନ୍ଧିଛନ୍ତି । ତେବେ ରଣବୀର ଏବଂ ଆଲିଆ ମୁମ୍ବାଇରେ ଥିବା ତାଙ୍କ ଆପାର୍ଟମେଣ୍ଟରେ ପଡ଼ୋଶୀମାନଙ୍କ ସହ ବହୁତ ଉତ୍ସାହର ସହିତ ହୋଲି ଖେଳିଥିଲେ ।
ଏହା ମଧ୍ୟ ପଢ଼ନ୍ତୁ.... ରକୁଲ-ଜ୍ୟାକିଙ୍କ ସମେତ ବିବାହ ପରେ ପ୍ରଥମ ହୋଲି ପାଳନ କରିବେ ଏହି ସେଲିବ୍ରିଟି ଯୋଡ଼ି - Holi 2024
ବଲିଉଡର 'ଦେଶୀ ଗାର୍ଲ' ପ୍ରିୟଙ୍କା ଚୋପ୍ରା ମଧ୍ୟ 25 ମାର୍ଚ୍ଚରେ ନୋଏଡାରେ ଥିବା ତାଙ୍କ ଫ୍ୟାମିଲି ସହିତ ହୋଲି ସେଲିବ୍ରେଟ କରିଥିଲେ। ଯାହାର ଫଟୋ ସେ ତାଙ୍କ ସୋସିଆଲ ମିଡ଼ିଆରେ ସେୟାର କରିଥିଲେ। ହୋଲି ଅବସରରେ 'ନ୍ୟାସନାଲ ଜିଜୁ' ନିକ ଜୋନାସ ମଧ୍ୟ ତାଙ୍କ ଶାଶୁ ଘରେ ହୋଲିର ମଜା ନେଉଥିବା ଦେଖିବାକୁ ମିଳିଛି। ପ୍ରିୟଙ୍କା-ନିକ ଏବଂ ମାଳତିଙ୍କ ହୋଲି ଫଟୋ ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି କରିଛି। ପ୍ରିୟଙ୍କା ଚୋପ୍ରା ସୋସିଆଲ ମିଡିଆରେ ସେୟାର କରିଥିବା ତାଙ୍କ ହୋଲି ଫଟୋରେ ସେ ତାଙ୍କ ପରିବାର ସଦସ୍ୟଙ୍କ ସହ ହୋଲିରେ ବହୁତ ସମୟ କଟାଉଥିବା ଏବଂ ଉପୋଭୋଗ କରୁଥିବା ନଜର ଆସିଛି।
ଏହି ସେଲିବ୍ରିଟିମାନେ ମଧ୍ୟ ଉତ୍ସାହର ସହିତ ହୋଲି ପାଳନ କରିଥିଲେ
ଏମାନଙ୍କ ସହିତ ଅନ୍ୟ ବଲିଉଡର ସେଲିବ୍ରିଟି ଅକ୍ଷୟ କୁମାର, ଟାଇଗର ଶ୍ରଫ୍, ଦିଶା ପାଟାନି, କିଆରା ଆଡଭାନୀ, ସିଦ୍ଧାର୍ଥ ମଲହୋତ୍ରା, ପ୍ରୀତି ଜିଣ୍ଟା, ନୀନା ଗୁପ୍ତା, ଅମିତାଭ ବଚ୍ଚନ, କଙ୍ଗନା ରାନାୱତ, ରାକୁଲ-ଜ୍ୟାକି, ପୁଲକିତ କ୍ରିତି, ରଶ୍ମିକା ମନ୍ଦନା, ସାମନ୍ତରାୟ ରାଉତ ମଧ୍ୟ ହୋଲି ପାଳନ କରି ତାଙ୍କ ଫଟୋ ସୋସିଆଲ ମିଡ଼ିଆରେ ସେୟାର କରିଥିଲେ। ଯାହାକୁ ତାଙ୍କ ଫ୍ୟାନ୍ସ ମାନେ ବହୁତ ପସନ୍ଦ କରିବା ସହିତ ଶୁଭେଚ୍ଛା ମଧ୍ୟ ପଠାଇଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
