ହାଇଦ୍ରାବାଦ:ବହୁ ପ୍ରତିକ୍ଷୀତ ବଲିଉଡ କମେଡି ରୋମାଣ୍ଟିକ ଫିଲ୍ମ 'ଦୋ ଔର ଦୋ ପ୍ୟାର'ର ରିଲିଜ ହେଲା ଟିଜର । ଗତ ଜାନୁଆରୀ ୧୭ରେ ଏହି ଫିଲ୍ମ ଖୁବଶୀଘ୍ର ପରଦାକୁ ଆସିବା ନେଇ ଘୋଷଣା କରାଯାଇଥିବା ବେଳେ ଶେଷରେ ଫିଲ୍ମର ଟିଜର ରିଲିଜ ହୋଇଛି । ଏହି ଚଳଚ୍ଚିତ୍ର ସହ ବିଦ୍ୟା ବାଲାନ, ପ୍ରତୀକ ଗାନ୍ଧୀ, ଇଲିଆନା ଡି’କ୍ରୁଜ ଏବଂ ସେଙ୍ଘିଲ ରାମମୂର୍ତ୍ତି ପରଦାରେ ଧମାକା କରିବାକୁ ପ୍ରସ୍ତୁତ ରହିଛନ୍ତି । ଆୱାର୍ଡ ୱିନିଂ ଆଡ୍ ଫିଲ୍ମ ମେକର ଶୀର୍ଷା ଗୁହା ଠାକୁରତା ଏହାର ନିର୍ଦ୍ଦେଶନା ଦେଇଥିବା ବେଳେ ଦର୍ଶକ ଏହି ଫିଲ୍ମ ସହିତ ଏକ ରମ୍-କମ୍ ଅନୁଭବ ନେବାକୁ ଯାଉଛନ୍ତି ।
୧ ମିନିଟ ୧ ସେକେଣ୍ଚର ଟିଜରରେ ଏହା ଦେଖିବାକୁ ମିଳେ ଯେ ବିଦ୍ୟା ବାଲାନ ସେଙ୍ଘିଲ ରାମମୂର୍ତ୍ତିଙ୍କ ସହ ଲଭ ରୋମାନ୍ସ କରୁଥିବା ବେଳେ ଇଲିଆନା ଏବଂ ପ୍ରତୀକ ଗାନ୍ଧୀଙ୍କ ଭଲ କେମେଷ୍ଟ୍ରି ଦେଖିବାକୁ ମିଳିଛି । ଏହି ଫିଲ୍ମଟି ଆପ୍ଲୋଜ୍ ଏଣ୍ଟରଟେନମେଣ୍ଟ ଏବଂ ଏଲିଫ୍ସିସ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ । ତେବେ ଆପ୍ଲୋଜ୍ ଏଣ୍ଟରଟେନମେଣ୍ଟ ନିଜ ଅଫିସିଆଲ୍ ଇନଷ୍ଟାଗ୍ରାମରେ ଏହି ଟିଜର ସେୟାର କରିଛନ୍ତି ।
ଏହା ମଧ୍ୟ ପଢନ୍ତୁ:ମା' ହେବାର ସପ୍ତାହ ପରେ ପୁଅ ସହ କ୍ୟୁଟ୍ ଫଟୋ ସେୟାର କଲେ ଇଲିଆନା
ଶୀର୍ଷା ଗୁହା ଠାକୁରତାଙ୍କ ନିର୍ଦ୍ଦେଶିତ 'ଦୋ ଔର ଦୋ ପ୍ୟାର' ଫିଲ୍ମକୁ ଏପଲାଉସ ଏଣ୍ଟରଟେନମେଣ୍ଟ ପ୍ରସ୍ତୁତ କରିଛି । ଏହା ତାଙ୍କର ଡେବ୍ୟୁ ଫିଲ୍ମ । କୁହାଯାଉଛି ଯେ 'ଦୋ ଔର ଦୋ ପ୍ୟାର' ୨୦୧୭ରେ ରିଲିଜ ହୋଇଥିବା ବିଦେଶୀ ଚଳଚ୍ଚିତ୍ର 'ଦି ଲଭର୍ସ'ର କାହାଣୀ ଉପରେ ଆଧାରିତ । ଏହି ଫିଲ୍ମରେ ବିଦ୍ୟା ବାଲନ କାବ୍ୟା ଚରିତ୍ରରେ ଇଲିଆନାଙ୍କୁ ନୋରା, ପ୍ରତୀକ ଅନୀ ଏବଂ ସେଙ୍ଘିଲ ବିକ୍ରମ ଭୂମିକାରେ ଅଭିନୟ କରିଛନ୍ତି । ମାର୍ଚ୍ଚ ୨୯, ୨୦୨୪ରେ ଫିଲ୍ମ ରିଲିଜ ହେବ । ତେବେ ଏହି ଫିଲ୍ମକୁ ନେଇ ଫ୍ୟାନ୍ସ ବେଶ ଉତ୍ସାହିତ ରହିଛନ୍ତି ।
ଏହା ମଧ୍ୟ ପଢନ୍ତୁ:'ଭୁଲ ଭୁଲେୟା ୩'ରେ ଏଣ୍ଟ୍ରି କରିବେ କି ଅକ୍ଷୟ କୁମାର ? କାଷ୍ଟକୁ ନେଇ ଖୁଲାସା କଲେ ନିର୍ଦ୍ଦେଶକ
ସୂଚନା ଥାଉ କି, ବିଦ୍ୟା ବାଲାନଙ୍କୁ ନିକଟରେ ମର୍ଡର ମିଷ୍ଟ୍ରି ଫିଲ୍ମ ନିୟତର ଶେଷଥର ଦେଖିବାକୁ ମିଳିଥିଲା । 'ଦୋ ଔର ଦୋ ପ୍ୟାର' ଏହି ଫିଲ୍ମ ବ୍ୟତୀତ ବିଦ୍ୟାଙ୍କୁ 'ଭୁଲ ଭୁଲେୟା ୩' ରେ ଦେଖିବାକୁ ମିଳିବ । ସେପଟେ ଇଲିଆନାଙ୍କୁ ଶେଷ ଥର ପାଇଁ 'ତେରା କ୍ୟା ହୋଗା ଲବଲୀ'ରେ ଦେଖିବାକୁ ମିଳିଥିଲା । ବର୍ତ୍ତମାନ 'ଦୋ ଔର ଦୋ ପ୍ୟାର' ସେ ପ୍ରଥମ ଥର ପାଇଁ ବିଦ୍ୟା ଏବଂ ପ୍ରତୀକ ଗାନ୍ଧୀଙ୍କ ସହ ସ୍କ୍ରିନ ସେୟାର କରିବେ ।
