ହାଇଦ୍ରାବାଦ: ଜୁନିଅର ଏନଟିଆରଙ୍କ ବହୁ ପ୍ରତୀକ୍ଷିତ ଆକ୍ସନ୍ ପ୍ୟାକ୍ ଡ୍ରାମା 'ଦେବରା: ପାର୍ଟ -1' ଆଜି ରିଲଜ ହୋଇଛି । ଏହି ଚଳଚ୍ଚିତ୍ର ରିଲିଜ ନେଇ ଫ୍ୟାନ୍ସ ବିଭିନ୍ନ ସହରରେ ଦମଦାର ସ୍ୱାଗତ କରିଛନ୍ତି । ଚଳଚ୍ଚିତ୍ର ରିଲିଜ ହେବା ପୂର୍ବରୁ ପ୍ରେକ୍ଷାଳୟ ବାହାରେ ବାଣ ଫୁଟାଇ ନାଚ ଗୀତରେ ସେଲିବ୍ରେସନ କରିଛନ୍ତି ଫ୍ୟାନ୍ସ । ଦେବରାର ଗ୍ରାଣ୍ଡ ରିଲିଜ୍ ଉତ୍ସବର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
'ଦେବରା' ରିଲିଜ ସେଲିବ୍ରେସନ
ଦେବରା ରିଲିଜ ସେଲିବ୍ରେସନର ଅନେକ ଭିଡିଓ X (ପୂର୍ବରୁ ଟ୍ୱିଟର) ରେ ସାମ୍ନାକୁ ଆସିଛି । ଏକ ଭିଡିଓରେ ଜୁନିଅର ଏନଟିଆରଙ୍କ ଜଣେ ବୃଦ୍ଧ ମହିଳା ଫ୍ୟାନ୍ ଅଭିନେତାଙ୍କ ପୋଷ୍ଟରରେ ତିଲକ ଲଗାଉଥିବା ନଜର ଆସିଛନ୍ତି । ଏଥିସହ ଜୁନିଅର ଏନଟିଆର ପୋଷ୍ଟର ସାମ୍ନାରେ ମିଠା ମଧ୍ୟ ପ୍ରଦାନ କରାଯାଉଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ସେୟାର ହୋଇଥିବା ଏକ ପୋଷ୍ଟରରେ ବିଭିନ୍ନ ସହରରେ ଜୁନିଅର NTR ର ହୋଲ୍ଡିଂର ଫଟୋ ଦେଖିବାକୁ ମିଳିଛି । ଏଥିରୁ ଅନୁମାନ କରାଯାଇପାରେ ଯେ ଅଭିନେତାଙ୍କ ଫିଲ୍ମ ରିଲିଜକୁ ନେଇ ଫ୍ୟାନ୍ସ ବେଶ ଉତ୍ସାହିତ ଥିଲେ ।
ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ଏକ ବଡ଼ ଧରଣର ସେଲିବ୍ରେସନର ଦେଖିବାକୁ ମିଳିଛି । ସହରର କିଛି ଫଟୋ ସେୟାର କରି ଜଣେ ଫ୍ୟାନ୍ ଲେଖିଛନ୍ତି, '2 ବର୍ଷ ପରେ ବଡ ପରଦାରେ Jr. NTR ନଜର ଆସିଛନ୍ତି । ପୋଷ୍ଟର ଭିଡିଓରେ ଅଭିନେତାଙ୍କ ବଡ ହୋଲ୍ଡିଂ ଦେଖିବାକୁ ମିଳୁଛି । ଯାହାକୁ ଫୁଲ ମାଳାରେ ସଜ୍ଜାଯାଇଥିବା ବେଳେ ପୋଷ୍ଟରରେ ପୁଷ୍ପ ବର୍ଷା ସହ ସାମ୍ନାରେ ବାଣ ଫୁଟାଇ ଜୋରଦାର ସେଲିବ୍ରେସନ କରିଛନ୍ତି ଫ୍ୟାନ୍ସ । ଅନେକ ସ୍ଥାନରେ କେକ୍ କାଟି ମଧ୍ୟ ସେଲିବ୍ରେସନ କରିଛନ୍ତି ।