ବାପା ହେଲେ '12th ଫେଲ୍' ଷ୍ଟାର ବିକ୍ରାନ୍ତ ମେସୀ, ଫ୍ୟାନ୍ସଙ୍କୁ ଗୁଡ ନ୍ୟୁଜ ଦେଲେ ଦମ୍ପତି

Vikrant Massey Becomes Father: ବଲିଉଡ଼ ଅଭିନେତା ବିକ୍ରାନ୍ତ ମେସୀ ଏବଂ ଶୀତଲ ବର୍ତ୍ତମାନ ପିତାମାତା ହେବାର ସୌଭାଗ୍ୟ ପାଇଛନ୍ତି । ଉଭୟ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ଅଧିକ ପଢନ୍ତୁ

ମୁମ୍ବାଇ: ବାପା ହେଲେ 'ଟୁୱେଲଥ ଫେଲ୍' ଷ୍ଟାର ବିକ୍ରାନ୍ତ ମେସୀ । ବଲିଉଡ଼ ଅଭିନେତା ବିକ୍ରାନ୍ତ ମେସୀ ଏବଂ ଶୀତଲ ବର୍ତ୍ତମାନ ପିତାମାତା ହେବାର ସୌଭାଗ୍ୟ ପାଇଛନ୍ତି । ଉଭୟ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । ଏନେଇ ସେମାନେ ଖୁସି ବ୍ୟକ୍ତ କରି ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ଦୀର୍ଘ ଦିନର ପ୍ରେମ ସମ୍ପର୍କ ପରେ ୨୦୨୨ରେ ପରସ୍ପର ସହ ବିବାହ ବନ୍ଧନରେ ବାନ୍ଧି ହୋଇଥିଲେ ବିକ୍ରାନ୍ତ ଓ ଶୀତଲ । ତେବେ ଗତବର୍ଷ ସେପ୍ଟେମ୍ବର ମାସରେ ସେମାନେ ୨୦୨୪ରେ ପ୍ରଥମ ସନ୍ତାନ ପାଇଁ ପ୍ଲାନ କରୁଥିବା ଘୋଷଣା କରିଥିଲେ ।

ଆଜି ସେମାନଙ୍କର ସେହି ଆଶା ପୂରଣ ହୋଇଛି । ପୁତ୍ର ସନ୍ତାନର ପିତାମାତା ହେବାର ସୌଭାଗ୍ୟ ପାଇଛନ୍ତି ବିକ୍ରାନ୍ତ ମେସୀ ଏବଂ ଶୀତଲ । ସୋସିଆଲ ମିଡିଆରେ ସେମାନେ କରିଥିବା ପୋଷ୍ଟରେ ଛୋଟ ଛୋଟ ଜୋତା, ଛୋଟ ପିଲାଙ୍କ ବୋତଲ, ଖେଳନା ଆଦିର ଫଟୋ ରଖିଛନ୍ତି । ପୁତ୍ର ସନ୍ତାନର ପିତାମାତା ହେବାର ସୌଭାଗ୍ୟ ଅର୍ଜନ କରିଥିବାରୁ ଉଭୟ ବେଶ ଖୁସି ଥିବା ନେଇ ପୋଷ୍ଟରେ ଉଲ୍ଲେଖ କରିଛନ୍ତି ।

ସେପଟେ ଅଭିନେତା ବିକ୍ରାନ୍ତ ମେସୀଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ ନିକଟରେ ନିଜର ଫିଲ୍ମ 'ଟୁୱେଲଥ ଫେଲ୍' ପାଇଁ ସେ ଚର୍ଚ୍ଚାରେ ରହିଥିଲେ । ନିଜର ଦମଦାର ଅଭିନୟ ପାଇଁ ସେ ବେଶ ପ୍ରଶଂସା ବି ସାଉଣ୍ଟିଥିଲେ । ଯାହାକୁ ନେଇ ସେ କିଛି ଦିନ ଧରି ଖବରର ଶିରୋନାମାରେ ରହୁଥିବାବେଳେ ବର୍ତ୍ତମାନ ସେ ଫ୍ୟାନ୍ସଙ୍କୁ ପୁଣିଥରେ ଦେଇଛନ୍ତି ଖୁସି ଖବର । ବର୍ତ୍ତମାନ ତାଙ୍କର ହାତରେ ଅନେକ ପ୍ରୋଜେକ୍ଟର ଅଫର ମଧ୍ୟ ରହିଛି । 'ସେକ୍ଟର ୩୬' ଏବଂ 'ଫିର ଆଇ ହସିନ ଦିଲରୁବା' ଭଳି ଚଳଚ୍ଚିତ୍ରରେ ସେ ଆଗକୁ ନଜର ଆସିବେ ବୋଲି ଜଣାପଡିଛି । ବିକ୍ରାନ୍ତ ମେସୀ ଓ ପତ୍ନୀ ଶୀତଲଙ୍କ ପୁତ୍ର ସନ୍ତାନ ଖବର ଇନଷ୍ଟାଗ୍ରାମରେ ପୋଷ୍ଟ କରି ଖୁସି ବ୍ୟକ୍ତ କରିବା ପରେ ସେମାନଙ୍କ ନିକଟକୁ ଛୁଟିଛି ଅଜସ୍ର ଶୁଭେଚ୍ଛା । ଉଭୟ ପତିପତ୍ନୀଙ୍କୁ ଢେର ସାରା ଶୁଭେଚ୍ଛା ଜଣାଇଛନ୍ତି ୟୁଜର୍ସ ।