ଦିପାବଳୀ 2024; ଆଲୋକର ପର୍ବ ଦିପାବଳୀ । କାର୍ତ୍ତିକ ମାସ ଅମାବାସ୍ୟା ସମୟରେ ଦିପାବଳୀ ପାଳନ ହୋଇଥାଏ । ଚଳିତ ବର୍ଷ ନଭେମ୍ବର ପହିଲାରେ ଦିପାବଳୀ ପାଳନ ହେବ । ଦିପାବଳୀ ପର୍ବ ଧନତେରସରୁ ଆରମ୍ଭ ହୋଇଥାଏ । ଦିପାବଳୀ ସନ୍ଧ୍ୟାରେ ମା’ ମହାଲକ୍ଷ୍ମୀଙ୍କ ପୂଜା କରାଯାଏ । ମା’ ଲକ୍ଷ୍ମୀ ଧନ ଏବଂ ସମୃଦ୍ଧିର ଦେବୀ । ଏହି ଦନ ପ୍ରତିଟି ଘରେ ଦୀପ, ବିଭିନ୍ନ ରଙ୍ଗବେରଙ୍ଗର ଲାଇଟ୍ ପ୍ରଜ୍ବଳିତ ହୋଇଥାଏ । ହିନ୍ଦୁମାନଙ୍କ ପାଇଁ ଦୀପାବଳି ଏକ ମୁଖ୍ୟ ପର୍ବ । ଘରେ ନାନାଦି ପାରମ୍ପରିକ ଢଙ୍ଗ ଏବଂ ରୀତି ନୀତିରେ ଏହାକୁ ପାଳନ କରାଯାଏ ।
ଦିପାବଳୀରେ ଘର ସଫା କରନ୍ତୁ-
ଆଲୋକର ପର୍ବ ଦିପାବଳୀରେ ଘରର ସଫେଇ କରିବା ଜରୁରୀ । ଦିପାବଳୀରେ ଘରର ସଫା କରିବା ଦ୍ବାରା ଲକ୍ଷ୍ମୀ ମାତା ପ୍ରସନ୍ନ ହୋଇଥାନ୍ତି ଏବଂ ଘର ଧନ ଧାନ୍ୟରେ ପରିପୂର୍ଣ୍ଣ ହୋଇଥାଏ ବୋଲି ବିଶ୍ବାସ ରହିଛି । ଘର ସଫା କରିବା ପରେ ସୁନ୍ଦର ଭାବେ ସଜାଇବା ଉଚିତ । ଦିପାବଳୀରେ ମହାଲକ୍ଷ୍ମୀଙ୍କ କୃପାବର୍ଷା ହେଲେ ଘର ସୁଃଖ ସମୃଦ୍ଧି ହୋଇଥାଏ ।
ଦିପାବଳୀ ସନ୍ଧ୍ୟାରେ ମା’ ଲକ୍ଷ୍ମୀଙ୍କ ପୂଜା-
ଦିପାବଳୀ ସନ୍ଧ୍ୟାରେ ହୋଇଥାଏ ମା’ ଲକ୍ଷ୍ମୀଙ୍କ ପୂଜା । ଏହି ଦିନ ଘରର ପ୍ରତିଟି ସଦସ୍ୟ ନୂଆ ପୋଷାକ ପରିଧାନ କରି ମା’ଙ୍କ ପୂଜାରେ ସାମିଲ ହୋଇଥାନ୍ତି । ଏହା ଦ୍ବାରା ଘରର ସମୃଦ୍ଧି ହୋଇଥାଏ ଏବଂ ଘରେ ସୁଃଖ ଲାଗି ରହିଥାଏ ।
ଏହା ବି ପଢନ୍ତୁ- Diwali 2023: ଏହି ଦୀପାବଳିରେ ଜଳାନ୍ତୁ 'ସ୍ବାସ୍ଥ୍ୟ'ର ଦୀପ, ଉତ୍ସାହକୁ କରନ୍ତୁ ୨ ଗୁଣ