ଶିମିଳିପାଳରେ କେଉଁଠି ରହିବ ଜୀନତ, ଅପଡେଟ ଦେଲେ ମନ୍ତ୍ରୀ

ଶିମିଳିପାଳର କେଉଁ ସ୍ଥାନରେ ଛଡାଯିବ ଜୀନତକୁ । ନିଆଯିବ ନିଷ୍ପତ୍ତି । ବାଘୁଣୀ ଜୀନତକୁ ନେଇ ପ୍ରତିକ୍ରିୟା ରଖିଲେ ଜଙ୍ଗଲ ଓ ପରିବେଶ ମନ୍ତ୍ରୀ ।

ଭୁବନେଶ୍ବର: ଶିମିଳିପାଳ ଫେରିବା ପରେ ସଫ୍ଟ ଏନକ୍ଲୋଜରେ ବୁଲୁଛି ମରାଠା ବାଘୁଣୀ ଜୀନତ । ତାକୁ ଯମୁନା ରହୁଥିବା ଏନକ୍ଲୋଜର ଭିତରେ ଛଡାଯାଇଛି । ଏବେ କିପରି ରହିଛି ତାହା ସ୍ବାସ୍ଥ୍ୟଅବସ୍ଥା । ଆଗକୁ ଜୀନତକୁ ନେଇ କଣ ନିଷ୍ପତ୍ତି ନେବେ ସରକାର ଏନେଇ ପ୍ରତିକ୍ରିୟା ରଖିଛନ୍ତି ଜଙ୍ଗଲ ଓ ପରିବେଶ ବିଭାଗ ଗଣେଶ ରାମ ସିଂ ଖୁଣ୍ଟିଆ ।

କେଉଁଠି ଛଡାଯିବ ଜୀନତକୁ ନିଆଯିବ ନିଷ୍ପତ୍ତି:

ଜୀନତର ସ୍ୱାସ୍ଥ୍ୟବସ୍ଥା ନେଇ ଜଙ୍ଗଲ ଓ ପରିବେଶ ବିଭାଗ ମନ୍ତ୍ରୀ କହିଛନ୍ତି, ‘ଜୀନତର ସ୍ୱାସ୍ଥ୍ୟବସ୍ଥା ଠିକ ରହିଛି । ଓଡ଼ିଶା ଆସିବା ପରେ ବର୍ତ୍ତମାନ ଏନକ୍ଲୋଜର ରହିଛି । ବର୍ତ୍ତମାନ ସ୍ବାସ୍ଥ୍ୟବସ୍ଥା ଯାଞ୍ଚ ହେଉଛି । ପରବର୍ତ୍ତୀ ମୁହୂର୍ତ୍ତରେ ଦକ୍ଷିଣ କିମ୍ବା ଉତ୍ତର ପାର୍ଶ୍ଵରେ ଛଡାଯିବ ନିଷ୍ପତ୍ତି ହେବ । ଦକ୍ଷିଣରେ ପରିବେଶ ଅନୁକୂଳ ଥିବା ବେଳେ ଯମୁନା ବର୍ତ୍ତମାନ ଦକ୍ଷିଣରେ ରହିଛି । ଜୀନତକୁ ବି ଦକ୍ଷିଣରେ ଛଡ଼ାଯାଇପାରେ। ଏ ସଂକ୍ରାନ୍ତରେ ପିସିସିଏଫ ଓ ସରକାରୀ ସ୍ତରରେ ନିଷ୍ପତ୍ତି ହେବ । ମୁଖ୍ୟମନ୍ତ୍ରୀଙ୍କୁ ଏ ବାବଦରେ ଜଣାଯିବା ପରେ ନିଷ୍ପତ୍ତି ହେବ । ବର୍ତ୍ତମାନ ଜିନତ ସବୁ ପ୍ରକାର କାର୍ଯ୍ୟ କରୁଛି, ଖାଇବା ସହ ଜଳକ୍ରୀଡା ମଧ୍ୟ କରୁଛି ।’

ଦୀର୍ଘ ୨୧ ଦିନ ଧରି ବନ ବିଭାଗକୁ ନାକେଦମ୍ କରିଥିଲା ଜୀନତ:

ବାଘୁଣୀ ଜୀନତ ଓଡ଼ିଶା ଛାଡି ଝାଡ଼ଖଣ୍ଡ ପରେ ପଶ୍ଚିମବଙ୍ଗ ସୀମାକୁ ପକାଇଥିଲା । ଯାହା ୩ରାଜ୍ୟର ବନ ବିଭାଗର ମିଳିତ ଉଦ୍ୟମରେ ବାଘୁଣୀକୁ ଟ୍ରାକ କରିବାକୁ ଉଦ୍ୟମ କରାଯାଇଥିଲା । ଯାହା ଜଙ୍ଗଲ ମଧ୍ୟରେ GPS ନେଟୱର୍କ ସବୁ ସ୍ଥାନରେ ନଥିବା କାରଣରୁ ଦୀର୍ଘ ସମୟ ଲାଗିଥିଲା । ତେବେ ଶେଷରେ ବାଘୁଣୀ ଧରିବାରେ ସଫଳ ହୋଇଥିଲା ବନ ବିଭାଗ । ବର୍ତ୍ତମାନ ବାଘୁଣୀ ସ୍ୱାସ୍ଥ୍ୟବସ୍ଥା ଉତ୍ତମ ରହିଥିବା ବେଳେ ବିଭିନ୍ନ ପ୍ରକାରର ଆକ୍ଟଭିଟି କରୁଛି ମଧ୍ୟ ।

ଏହା ମଧ୍ୟ ପଢନ୍ତୁ:

ଶିମିଳିପାଳ ଆସିଥିଲା ପ୍ରଥମ ବାଘୁଣୀ ଯମୁନା:

ଶିମିଳିପାଳ ଅଭୟାରଣ୍ୟକୁ ଆସିଥିଲା ଚଳିତ ବର୍ଷ ପ୍ରଥମ ନୂଆ ଅତିଥି ବାଘୁଣୀ ଯମୁନା । ଅକ୍ଟୋବର ୨୭ ତାରିଖରେ ମହାରାଷ୍ଟ୍ର ଚନ୍ଦ୍ରପୁର ଜିଲ୍ଲା ସ୍ଥିତ ତଡୋବା-ଅନ୍ଧାରୀ ଜାତୀୟ ବ୍ୟାଘ୍ର ଉଦ୍ୟାନରୁ ବାଘୁଣୀ ଯମୁନାକୁ ଆଣି ଶିମିଳିପାଳ ଅଭୟାରଣ୍ୟରେ ଛଡ଼ାଯାଇଥିଲା । ହେଲେ କିଛି ଦିନ ତଳେ ଶିମିଳିପାଳ ଛାଡି ଶିମିଳିପାଳ ଅଭୟାରଣ୍ୟ ପାଖ କୁଲଡିହା ଜଙ୍ଗଲରେ ରହିଛି ଯମୁନା । ସେଠାରେ ବନ ବିଭାଗ ବାଘୁଣୀକୁ ଟ୍ରାକ କରୁଛନ୍ତି ।

ଦ୍ଵିତୀୟ ବାଘୁଣୀ ଜୀନତ:

ଶିମିଳିପାଳ ଅଭୟାରଣ୍ୟକୁ ଦ୍ଵିତୀୟ ନୂଆ ଅତିଥି ହେଉଛି ବାଘୁଣୀ ଜୀନତ । ନଭେମ୍ବର ୧୪ ତାରିଖରେ ମହାରାଷ୍ଟ୍ରରୁ ଜୀନତକୁ ଅଣାଯାଇଥିଲା । ମହାରାଷ୍ଟ୍ରର ଚନ୍ଦ୍ରପୁର ଜିଲ୍ଲା ସ୍ଥିତ ତଡୋବା-ଅନ୍ଧାରୀ ଜାତୀୟ ବ୍ୟାଘ୍ର ଉଦ୍ୟାନରୁ ହିଁ ଦ୍ୱିତୀୟ ବାଘୁଣୀ ଶିମିଳିପାଳ ଅଭୟାରଣ୍ୟ ଆସିଥିଲା । ଏଥିପାଇଁ ଶିମିଳିପାଳ ଅଭୟାରଣ୍ୟର ଏକ ସ୍ୱତନ୍ତ୍ର ଦଳ ଜୀନତ ଉପରେ ତୀକ୍ଷ୍ଣ ନଜର ରଖିଥିଲା । ତେବେ ଏହି ବାଘୁଣୀ ଶିମିଳିପାଳରେ ବାରହା ଶିକାର ମଧ୍ୟ କରିଥିଲା । ହେଲେ କିଛି ଦିନ ପୂର୍ବରୁ ବାଘୁଣୀ ଜୀନତ ଶିମିଳିପାଳ ଛାଡ଼ି ଝାଡ଼ଖଣ୍ଡ ପଳାଇଥିଲା । ଯାହା ଝାଡ଼ଖଣ୍ଡର ଏକ ଜଙ୍ଗଲରେ ବାଘୁଣୀ ଜୀନତକୁ ଦେଖିବାକୁ ମିଳିଥିଲା । ପରବର୍ତ୍ତୀ ସମୟରେ ବାଘୁଣୀ ପଶ୍ଚିମବଙ୍ଗର ଏକ ଜଙ୍ଗଲରେ ଦେଖିବାକୁ ମିଳିଛି ।

ଇଟିଭି ଭାରତ, ଭୁବନେଶ୍ବର