ପାଟନା:ବିହାର କଟିହାର ଜୋଗବନି ରେଳ ଡିଭିଜନର ବଥନାହା ରେଲୱେ ଷ୍ଟେସନରୁ ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ବୃଦ୍ଧା ଟ୍ରେନ ଲାଇନ ପାର କରୁଥିବା ସମୟରେ ହଠାତ ସେପଟୁ ଆସିଥିଲା ମାଲବାହୀ ଟ୍ରେନ । ହେଲେ ବୃଦ୍ଧା ଜଣକ ନିଜର ଉପସ୍ଥିତ ବୁଦ୍ଧି ଖଟାଇ ନିଶ୍ଚିତ ମୃତ୍ୟୁରୁ ବର୍ତ୍ତି ଯାଇଛନ୍ତି । ବୃଦ୍ଧା ତରବରିଆ ଭାବେ ଟ୍ରେନ ଲାଇନ ପାର ନ କରି ଟ୍ରାକ ଉପରେ ଲମ୍ବ ହୋଇ ଶୋଇ ପଡ଼ିଥିଲେ । ଏହାପରେ ଟ୍ରେନଟି ତାଙ୍କ ଉପରେ ଅତିକ୍ରମ କରିଥିବା ବେଳେ ତାଙ୍କୁ କୌଣସି ଆଘାତ ଲାଗିନାହିଁ ।
ଏହା ବି ପଢନ୍ତୁ- ରେଳ ଷ୍ଟେସନରେ ଅଚଳ ଫୁଟ ଓଭରବ୍ରିଜ, ଟ୍ରେନ ମଝିରେ ପାର ହେଉଛନ୍ତି ଯାତ୍ରୀ
ମିଳିଥିବା ସୂଚନା ଅନୁସାରେ ବୃଦ୍ଧା ଜଣକ ରେଳ ଲାଇନ ପାର କରିବା ଲାଗି ଫୁଟ୍ ଓଭରବ୍ରିଜର ସହାୟତା ନ ନେଇ ଟ୍ରାକ ପାର କରୁଥିଲେ । ଆଉ ଯେତେବେଳେ ମହିଳା ଜଣକ ରେଳ ଟ୍ରାକ ପାର କରୁଥିଲେ, ଠିକ ସେହି ସମୟରେ ମାଲବାହୀ ଟ୍ରେନଟି ଆସିଥିଲା । ଆଉ ମହିଳା ଜଣକ ଟ୍ରାକ ଉପରେ ଶୋଇପଡ଼ିଥିଲେ । ସେହି ସମୟରେ ଉପସ୍ଥିତ କେହି ଜଣେ ଭିଡ଼ିଓ ଉତ୍ତୋଳନ କରି ସାମାଜିକ ଗଣମାଧ୍ୟମରେ ପୋଷ୍ଟ କରିବା ପରେ ଏହା ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ଏହି ଘଟଣା ମଙ୍ଗଳବାର ଘଟିଥିବା ଜଣାପଡ଼ିଛି ।