ନୂଆଦିଲ୍ଲୀ:ପ୍ରେମିକଙ୍କ ଦୀର୍ଘ ଆୟୁ କାମନା କରି ରଖିଥିଲେ କରୱାଚୌଥ ବ୍ରତ। ହେଲେ ଯୁବତୀଙ୍କ ଜୀବନ ନେଲା ନୃଶଂସ ପ୍ରେମିକ । ଏଭଳି ହତ୍ୟାକାଣ୍ଡ ଦିଲ୍ଲୀରେ ଦେଖିବାକୁ ମିଳିଛି। ଏହି ହତ୍ୟାକାଣ୍ଡ ମାମଲାରେ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଦିଲ୍ଲୀ ପୋଲିସ । ଆଉ ଜଣେ ଅଭିଯୁକ୍ତ ଏବେବି ଫେରାର ଥିବା ଜଣାପଡ଼ିଛି । ଦିଲ୍ଲୀ ପୋଲିସର ସୂଚନା ଅନୁସାରେ, ଯୁବତୀ ଜଣଙ୍କ ଯେଉଁ ଯୁବକଙ୍କୁ ପ୍ରେମ କରୁଥିଲେ ତାଙ୍କ ସେ ସ୍ନେହରେ 'ଭୂତ' ବୋଲି ସମ୍ବୋଧନ କରୁଥିଲେ। ତେବେ କରୱାଚୌଥ ଦିନ ଘରୁ ଜିନିଷ ପତ୍ର ନେଇ ଯୁବତୀ ଜଣକ ଫେରାର ଥିବା ଜାଣିବାକୁ ମିଳିଥିଲା। ପରେ ହରିୟାଣାରୁ ଯୁବତୀଙ୍କ ମୃତଦେହ ଉଦ୍ଧାର କରାଯାଇଛି ।
ପରିବାର ଲୋକଙ୍କ କହିବା ଅନୁସାରେ, ଯୁବତୀ ଜଣକ ଅନେକ ସମୟରେ ଘଣ୍ଟା ଘଣ୍ଟା ଧରି ଫୋନରେ ବାର୍ତ୍ତାଳାପ କରନ୍ତି। ଆଉ ପଚାରିଲେ କୁହନ୍ତି, "ମୁଁ ଭୂତ ସହ କଥା ହେଉଛି।" ହେଲେ ଏହି ଭୂତ କିଏ ସେ ବିଷୟରେ ଆମକୁ ଜଣାନଥିଲା ବୋଲି କହିଛନ୍ତି ଯୁବତୀଙ୍କ ପରିବାର। ଏପରିକି" ସେ କରୱାଚୌଥ ବ୍ରତ କରିମ ପାଇଁ ରଖିଥିଲା ବୋଲି ମଧ୍ୟ ଆମେ ଜାଣିନଥିଲୁ" ବୋଲି କହିଛନ୍ତି ଯୁବତୀଙ୍କ ପରିବାର ସଦସ୍ୟ। ହରିୟାଣାରୁ ଯୁବତୀଙ୍କ ମୃତଦେହ ମିଳିଥିବାବେଳେ ହତ୍ୟାକାରୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ପରିବାର ।
ଏହା ମଧ୍ୟ ପଢନ୍ତୁ :- ଭାଇଗିରିରୁ ୧୬ ବର୍ଷୀୟ ନାବାଳକକୁ ହତ୍ୟା ! ମୃତଦେହ ରଖି ଥାନା ଘେରିଲେ ପରିବାର