ଲକ୍ଷ୍ନୌ: ସାହେବ ! ମୋ ଝିଅକୁ ବଞ୍ଚାନ୍ତୁ । ମୋ ସୈତାନ ସ୍ବାମୀ ସବୁଦିନ ତାକୁ ଦୁଷ୍କର୍ମ କରୁଛି । ନିଜ କାମନାର ଲାଳସାରେ ତା'ର କୋମଳ ଶରୀରକୁ ଖିନଭିନ୍ କରିଦେଉଛି । ମାସ ମାସ ହେଲାଣି ତା' ସହିତ କୁକର୍ମ କରିଆସୁଛି । ସ୍ବାମୀ କବଳରୁ ମୋ ଝିଅକୁ ବଞ୍ଚାଇ ଦିଅନ୍ତୁ ସାହେବ ! ସମସ୍ତଙ୍କ ହୃଦୟକୁ ବିଚଳିତ କଲାଭଳି ଏହି କଥା ଜଣେ ମାଆର, ଯିଏକି ଥାନାରେ ପହଞ୍ଚି ପୋଲିସ ଆଗରେ ନିଜ ସ୍ବାମୀର ପାଶବିକତାର ଲୋମଟାଙ୍କୁରା କାହାଣୀ ବଖାଣିଛି ଆଉ ନିଜ ଝିଅକୁ ରକ୍ଷା କରିବାକୁ ଆକୁଳ ନିବେଦନ କରିଛି ।
ବାପା-ଝିଅର ପବିତ୍ର ସମ୍ପର୍କକୁ କଳଙ୍କିତ କଲାଭଳି ଏହି ଅମାନବୀୟ ଘଟଣା ଘଟିଛି ଉତ୍ତର ପ୍ରଦେଶ କାନପୁରରେ । କାନପୁର ହନୁମନ୍ତ ବିହାରରେ ଜଣେ ବାପା ନିଜ ନାବାଳିକା ଝିଅକୁ ମାସ ମାସ ଧରି ଦୁଷ୍କର୍ମ କରିଆସୁଥିବା ପୀଡିତା ଝିଅର ମାଆ ଥାନାରେ ଅଭିଯୋଗ କରିଛନ୍ତି । ମହିଳା ଥାନାରେ ପହଞ୍ଚି ନିଜ ସ୍ବାମୀ ବିରୋଧରେ ଝିଅକୁ ଦୁଷ୍କର୍ମ କରିବାର ଅଭିଯୋଗ କରିଛନ୍ତି । ମହିଳାଙ୍କ ଅଭିଯୋଗ ଅନୁସାରେ, ତାଙ୍କର ସ୍ବାମୀ ନିଜ ଜନ୍ମକଲା ୧୪ ବର୍ଷୀୟା ଝିଅ ସହ ଦୁଷ୍କର୍ମ କରୁଛି । ଅନେକ ମାସ ଧରି ସେ ଏହି ପାଶବିକତା ଘଟାଉଛି । ସେ ଏହାକୁ ଅଟକାଇବାକୁ ଚେଷ୍ଟା କରୁଥିଲେ ହେଁ ସ୍ବାମୀ କିଛି ଶୁଣିନାହିଁ । ତେଣୁ ବାଧ୍ୟ ହୋଇ ଝିଅକୁ ବଞ୍ଚାଇବାକୁ ସେ ଥାନାରେ ଏତଲା ଦେଇଛନ୍ତି ।