ହାଇଦ୍ରାବାଦ: ଭାରତୀୟ କମ୍ୟୁନିଷ୍ଟ ପାର୍ଟି (CPI-M) ନେତା ସୀତାରାମ ୟେଚୁରୀଙ୍କ ସ୍ବାସ୍ଥ୍ୟବସ୍ଥା ଗୁରୁତର । ଭେଣ୍ଟିଲେଟରରେ ରଖାଯାଇ ସୀତାରାମଙ୍କ ଚିକିତ୍ସା କରାଯାଉଛି । ଦୀର୍ଘ ଦିନ ହେବ ସେ ଫୁସଫୁସ ଜନିତ ରୋଗରେ ପୀଡିତ ଅଛନ୍ତି । ପ୍ରଥମେ ଏମରଜେନ୍ସି ବିଭାଗରେ ଭର୍ତ୍ତି କରାଯାଇଥିବାବେଳେ ପରେ ସ୍ବାସ୍ଥ୍ୟବସ୍ଥାରେ ସୁଧାର ଆସିବାରୁ ଆଇସିୟୁକୁ ଅଣାଯାଇଥିଲା । ସେହିଦିନରୁ ସୀତାରାମ ଚିକିତ୍ସାଧୀନ ଅଛନ୍ତି ।
ସୀତାରାମ ୟେଚୁରୀ କିଏ?
ଜଣେ ମାର୍କ୍ସବାଦୀ ନେତା ଭାବେ ବେଶ ଜଣାଶୁଣା ସୀତାରାମ ୟେଚୁରୀ । ସେ ୧୯୫୨ ମସିହା ଅଗଷ୍ଟ ୧୨ ତାରିଖରେ ଚେନ୍ନାଇରେ ଜନ୍ମଗ୍ରହଣ କରିଥିଲେ । ତାମିଲ ବ୍ରାହ୍ମଣ ପରିବାରରେ ଜନ୍ମ ନେଇଥିଲେ ସୀତାରାମ । ୧୯୬୯ରେ ତେଲେଙ୍ଗାନାରେ ହୋଇଥିବା ଆନ୍ଦୋଳନ ପରେ ସେ ଦିଲ୍ଲୀ ଚାଲି ଆସିଥିଲେ । ଦିଲ୍ଲୀ ସ୍ଥିତ ଷ୍ଟିଫେନ କଲେଜରେ ଅର୍ଥଶାସ୍ତ୍ରରେ BA କରିବା ପରେ MA ଓ ପରେ ପିଏଚଡି ଅଧ୍ୟୟନ କରୁଥିଲେ ।
CPIM Leader Sitaram Yechury in Delhi AIIMS Ventilator (X) ସୀତାରାମଙ୍କ ରାଜନୈତିକ କ୍ୟାରିୟର:
୧୯୭୪ରେ ଷ୍ଟୁଡେଣ୍ଟ ଫେଡେରେସନ ଅଫ୍ ଇଣ୍ଡିଆରେ ସାମିଲ ହୋଇ ଛାତ୍ର ରାଜନୀତିରେ ପଦାର୍ପଣ କରିଥିଲେ । ୧୯୭୭ରେ ଏମରଜେନ୍ସି ଘୋଷଣା ସମୟରେ ଗିରଫ ହେବା ପରେ ସେ JNU ରୁ ପିଏଚଡି ପାଠ୍ୟକ୍ରମ ଶେଷ କରିବାରେ ସଫଳ ହୋଇପାରିନଥିଲେ । ଜେଏନୟୁକୁ ବାମପନ୍ଥୀଙ୍କ ଗଡ଼ ଭାବେ ଉଭା କରିବାରେ ସୀତାରାମ ୟେଚୁରୀଙ୍କ ଅବଦାନ ଅନେକ ଥିଲା । ୨୦୦୫ରୁ ୨୦୧୭ ପଶ୍ଚିମବଙ୍ଗ ରାଜ୍ୟସଭା ସାଂସଦ ଥିଲେ ସୀତାରାମ । ୨୦୧୬ ମସିହାରେ ଶ୍ରେଷ୍ଠ ସାଂସଦ ଭାବେ ପୁରଷ୍କୃତ ହୋଇଥିଲେ ସୀତାରାମ ୟେଚୁରୀ ।
ସୀତାରାମଙ୍କ ସ୍ବାସ୍ଥ୍ୟବସ୍ଥା:
CPIM(ମାର୍କ୍ସବାଦୀ) ମହାସଚିବ ସୀତାରାମ ୟେଚୁରୀଙ୍କ ସ୍ବାସ୍ଥ୍ୟବସ୍ଥା ବିଗିଡିବାରେ ଲାଗିଛି । ଗତ ୧୯ ଅଗଷ୍ଟରେ ସେ ନିମୋନିଆରେ ପୀଡିତ ଥିବାବେଳେ ତାଙ୍କୁ ଦିଲ୍ଲୀ ସ୍ଥିତ ଏମ୍ସରେ ଭର୍ତ୍ତି କରାଯାଇଥିଲା । ପ୍ରଥମେ ଏମରଜେନ୍ସି ବିଭାଗରେ ଭର୍ତ୍ତି କରାଯାଇଥିବାବେଳେ ପରେ ସ୍ବାସ୍ଥ୍ୟବସ୍ଥାରେ ସୁଧାର ଆସିବାରୁ ଆଇସିୟୁ ସିଫ୍ଟ କରାଯାଇଥିଲା । ସେହିଦିନରୁ ବର୍ତ୍ତମାନ ପର୍ଯ୍ୟନ୍ତ ତାଙ୍କର ଚିକିତ୍ସା ଜାରି ରହିଛି ।
CPIM Leader Sitaram Yechury in Delhi AIIMS Ventilator (X)
