शाओमी पॅड 7 5G भारतात लाँच, जाणून घ्या किंमतसह वैशिष्ट्ये

Xiaomi नं भारतात Xiaomi Pad 7 सोबत,Xiaomi Pad 7 Cover, Xiaomi Pad 7 Focus Pen आणि Xiaomi Focus Keyboard अशा नवीन ॲक्सेसरीज लाँच केल्या.

हैदराबाद Xiaomi Pad 7 launch :चिनी स्मार्टफोन कंपनी Xiaomi नं भारतात Xiaomi Pad 7 5G लॉंच केलाय. याशिवाय, कंपनीनं Xiaomi कीबोर्ड आणि Xiaomi फोकस पेन देखील लाँच केला आहे. Xiaomi Pad 7 टॅबलेटचा बेस व्हेरिएंट 27 हजार 999 रुपयाना खरेदी करता येईल. याशिवाय, कीबोर्डची किंमत 8 हजार 999 रुपये ठेवण्यात आली आहे. फोकस पेनची किंमत 5 हजार 999 रुपये आहे. तुम्ही ही सर्व उत्पादनं 13 जानेवारी 2025 पासून ई-कॉमर्स वेबसाइट Amazon वरून खरेदी करू शकाल. हा टॅबलेट ग्रेफाइट ग्रे, मिराज पर्पल आणि सेज ग्रीन कलर व्हेरिएंटमध्ये येईल.

11.2 इंच का 2K LCD डिस्प्ले
Xiaomi Pad 7 च्या फीचर्सबद्दल बोलायचं झालं तर, त्यात 11.2-इंच 2K LCD डिस्प्ले आहे, ज्याचा रिफ्रेश रेट 144Hz आहे. तसंच, पीक ब्राइटनेस 800 nits आहे. टॅबलेटवर HDR10 आणि डॉल्बी व्हिजन सपोर्ट देखील उपलब्ध असेल. टॅबलेटमध्ये शक्तिशाली क्वालकॉम स्नॅपड्रॅगन 7+ जेन 3 प्रोसेसर आहे. हा टॅबलेट अँड्रॉइड 15 वर आधारित हायपरओएस 2 स्किनवर चालेल. यात लेखनासाठी लेखन साधनं, लाइव्ह सबटायटल्स, शाओमी क्रिएशन आणि एआय फीचर्स मिळतील.

13 एमपी रियर कॅमेरा
कॅमेरा फीचर्सबद्दल बोलायचं झालं तर, शाओमी पॅड 7 मध्ये 13 एमपी रियर कॅमेरा आणि 8 एमपी फ्रंट कॅमेरा फोसेल्फी आणि व्हिडिओ कॉलिंग आहे. यासोबतच, टॅबलेटमध्ये 8550mAh बॅटरी आहे, जी 45W फास्ट चार्जिंग सपोर्ट करते. हा टॅबलेट 8GB+256GB आणि 12GB+256GB मेमरी व्हेरिएंटमध्ये उपलब्ध असेल. किंमतीबद्दल बोलायचं झालं तर, 8GB+128GB ची किंमत 26 हजार 999 रुपये आणि 12GB+256GB ची किंमत 29 हजार 999 रुपये असेल. नॅनो टेक्सचर डिस्प्ले व्हेरिएंटची किंमत 32 हजार 999 रुपये आहे.

स्टाइलस पेन आणि कीबोर्डची वैशिष्ट्ये
शाओमीच्या कीबोर्डच्या वैशिष्ट्यांबद्दल बोलायचं झालं तर, त्यात जलद जेश्चरसह टचपॅड आहे, जो तुम्हाला जलद नेव्हिगेट करण्याची परवानगी देतो. कीबोर्डमध्ये सहजतेनं सर्व काम करता येतं. त्याच वेळी, फोकस पेन कमी लेटन्सीसह कार्य करतं. यात एक विशेष बटण देखील आहे, ज्याद्वारे तुम्ही फोटो काढू शकता. ते लेसर पॉइंटर म्हणून देखील वापरू शकता.

हे वाचलंत का :