Apple आयफोनसाठी iOS 18.2 अपडेट, कोणाला मिळेल iOS 18.2 अपडेट?

Apple नं शेवटी iOS 18.2, iPadOS 18.2 आणि macOS Sequoia 15.2 लाँच केलंय.

हैदराबाद : Apple नं बुधवारी जागतिक स्तरावर iPhone साठी iOS 18.2 अपडेट जारी केले. हे अपडेट iOS 18.2 रिलीझ कॅन्डिडेट 2 च्या एक दिवसानंतर आले आहे. या अपडेटमध्ये इमेज प्लेग्राउंड, जेनमोजी आणि ChatGPT इंटिग्रेशन यासारख्या महत्त्वाच्या वैशिष्ट्यांचा समावेश आहे. यासोबतच iPhone 16 सीरीजसाठी नवीन व्हिज्युअल लुकअप फीचर सादर करण्यात आली आहे.

कोणाला मिळेल iOS 18.2 अपडेट? : iOS 18 अपडेटला सपोर्ट करणारे सर्व iPhone मॉडेल हे अपडेट डाउनलोड करू शकतात. Apple Intelligence ची नवीन वैशिष्ट्ये फक्त iPhone 16, iPhone 15 Pr,o आणि iPhone 15 Pro Max वर उपलब्ध आहेत. ऑस्ट्रेलिया, कॅनडा, आयर्लंड, न्यूझीलंड, दक्षिण आफ्रिका आणि यूके यांसारख्या इंग्रजी भाषिक देशांमध्ये या वैशिष्ट्यांचा विस्तार केला जात आहे. ही वैशिष्ट्ये चीन आणि युरोपियन युनियन (EU) वगळता सर्व देशांमध्ये उपलब्ध आहेत.

iOS 18.2 ची वैशिष्ट्ये :

इमेज प्लेग्राउंड :हे एक स्वतंत्र ॲप आहे, जे तुम्हाला जनरेटिव्ह AI वापरून टेक्स्ट प्रॉम्प्टवर आधारित ॲनिमेशन आणि चित्रण यांसारख्या शैलींमध्ये प्रतिमा तयार करण्यास अनुमती देतं. Genmoji वैशिष्ट्य तुम्हाला सानुकूल इमोजी तयार करण्याची आणि त्यांना Messages, Not, es आणि Keynote मध्ये शेअर करण्याची परवानगी देतं.

इमेज वँड :हे तुम्हाला नोट्स ॲपमधील रफ स्केचला इमेजमध्ये रूपांतरित करण्याची परवानगी देतं. ते हस्तलिखित किंवा टाईप केलेला मजकूर AI वापरून प्रतिमेत रूपांतरित करू शकतो.

लेखन साधनांचा विस्तार :हे अपडेट वापरकर्त्यांना मजकूरातील बदलांचं वर्णन करण्यास अनुमती देतं.

व्हिज्युअल इंटेलिजेंस (iPhone 16 मालिका) :हे वैशिष्ट्य तुम्हाला कॅमेरा कंट्रोल बटणाद्वारे वस्तू आणि ठिकाणांबद्दल त्वरित माहिती मिळवू देतं. यावर मजकूर भाषांतरित करणे, संपर्क सूचीमध्ये फोन नंबर किंवा ईमेल जोडणं आणि Google वर उत्पादनाचा शोध घेणं यासारखी वैशिष्ट्ये प्रदान आहेत.

चॅटजीपीटी इंटिग्रेशन :एपनएआय चॅटजीपीटीचा वापर करून उत्तरे दस्तऐवज आणि इमेज समजण्याची सुविधा देते. वापरकर्ते त्यांच्या सशुल्क ChatGPT सबस्क्रिप्शनसह अधिक शक्तिशाली मॉडेल्समध्ये प्रवेश घेऊ शकतात.

हे वाचलंत का :