हैदराबाद : नथिंगच्या नवीन फोनची वाट पाहणाऱ्या वापरकर्त्यांसाठी एक चांगली बातमी आहे. कंपनी 4 मार्च रोजी आपला नवीन फोन लाँच करणार आहे. या आगामी फोनचं नाव अद्याप निश्चित झालेलं नाही. दरम्यान, फ्लिपकार्टवर एका फोनचं लँडिंग पेज लाईव्ह झालं आहे. टिपस्टर अभिषेक यादव यांनी पोस्ट X मध्ये URL चा फोटो देखील शेअर केला आहे, ज्यामध्ये तुम्ही Nothing च्या या आगामी फोनचं नाव पाहू शकता.
Nothing Phone 3a only confirmed. ✅#NothingPhone3a pic.twitter.com/hI0Q2h1nxG
— Abhishek Yadav (@yabhishekhd) January 28, 2025
अधिकृत वेबसाइटवर पेज लाइव्ह
या फोनचं समर्पित पेज कंपनीच्या अधिकृत वेबसाइटवर देखील लाईव्ह झालं आहे. तिथं 'अधिक जाणून घ्या' बटणावर टॅप केल्यावर फ्लिपकार्टवर लाइव्ह असलेलं लँडिंग पेज उघडेल. जेव्हा तुम्ही तुमच्या संगणकावर हे पेज उघडता, तेव्हा स्टेटस बारमध्ये फोनचं नाव दिसते. तथापि, नंतर कंपनीनं ही चूक दुरुस्त केली आणि आता Nothing Phone 3a ऐवजी URL मध्ये 'Arcanine' लिहिलं आहे. कंपनीनं काही दिवसांपूर्वी पोकेमॉन कॅरेक्टर आर्केनाइनची प्रतिमा शेअर केली होती. हे नथिंग फोन 3a चं सांकेतिक नाव असल्याची शक्यता आहे.
Power in Perspective. 4 March 10:00 GMT. pic.twitter.com/D10WiYwov0
— Nothing (@nothing) January 27, 2025
फोनमध्ये काय असतील फीचर्स?
अलिकडच्याच एका अहवालानुसार, कंपनी नथिंग फोन (3a) मध्ये 5000mAh बॅटरी देईल. हा फोन eSIM सपोर्टसह येईल. फोनमध्ये देण्यात आलेल्या कॅमेरा सेटअपमध्ये तुम्हाला टेलिफोटो कॅमेरा दिसेल. प्रोसेसर म्हणून, कंपनी फोनमध्ये स्नॅपड्रॅगन ७एस जेन 3 देऊ शकते. गेल्या वर्षी मार्चमध्ये लाँच झालेल्या नथिंग फोन (2a) चा उत्तराधिकारी म्हणून हा नथिंग फोन येण्याची अपेक्षा आहे. लाँचिंगच्या वेळी नथिंग फोन (2a) ची किंमत 23,999 रुपये होती. नथिंग फोन (३ए) ची किंमत जवळपास समान असण्याची अपेक्षा आहे.
हे वाचलंत का :
