गरम समोसा मागणं पडलं महाग, दुकानदारानं फोडलं ग्राहकाचं डोकं, कानही कापला - Shopkeeper Attack On Customer

Shopkeeper Attack On Customer : समोसा गरम नाही यावरून झालेल्या वादातून दुकानदाराने ग्राहकावर जीवघेणा हल्ला केला. यामध्ये ग्राहकाच्या कानाला गंभीर दुखापत झाली शिवाय त्याचा कानसुद्धा कापला. ही घटना शनिवारी (15 जून) ठाणे जिल्ह्यातील मुंब्रा येथे घडली. वाचा सविस्तर वृत्त....

ठाणे Shopkeeper Attack On Customer:जर तुम्ही गरम समोसे, वडे, भजी खाण्याचे शौकीन (Thane Samosa News) असाल तर सावधान. कारण गरम समोसा मागवणे एका ग्राहकाला चांगलेच महाग पडले. मुंब्रा येथील रहिवासी जियाउद्दीन शेख ह्यांना गरमागरम समोसा खाण्याची इच्छा होतास त्यांनी मुंब्रातीलच आनंद कोळीवाडा येथील माजिद शेख नामक दुकानदाराकडे आपला मोर्चा वळवला. त्यानंतर काय झालं वाचा....

दुकानदार आणि ग्राहकात बाचाबाची :जियाउद्दीन याने समोश्याची मागणी करताच दुकानदाराने त्यांना समोसा दिला. परंतु, समोसा थंड असलेला पाहताच जियाउद्दीन याने गरम समोसा देण्याची मागणी केली. त्यावर माजिद शेख याने खायचा असेल तर खा, नाहीतर निघ असं दटावलं. यावर दोघांमध्ये चांगलीच बाचाबाची झाली. यानंतर जियाउद्दीन रागारागाने तिथून बाहेर पडला. दुकानदार माजिद शेख याचा राग थंड न झाल्यानं त्याने बाहेर जाणाऱ्या जियाउद्दीन याच्यावर मागून जाऊन धारदार शस्त्राने हल्ला चढवला.

ग्राहकाच्या डोक्याला गंभीर दुखापत :हल्ल्यात जियाउद्दीन याच्या डोक्याला गंभीर दुखापत होऊन ५ ते ६ टाके देखील पडले आणि कान देखील थोडा कापला गेला. याची तक्रार पोलिसात करताच पोलिसांनी भादंवी ३२४ अन्वये गुन्हा दाखल केला असून पुढील तपास सुरू केला आहे. या घटनेची चर्चा सध्या ठाणे जिल्ह्यात सुरू आहे.

हेही वाचा :