ICICI बँक मॅनेजर अडकला सायबर गुन्हेगाराच्या जाळ्यात, लाखोंचा लावला चुना - Bank Manager Cyber Crime

Bank Manager Cyber Crime : मुंबईतील बँक मॅनेजर सायबर गुन्हेगाराच्या जाळ्यात अडकल्याची धक्कादायक घटना समोर आली. याप्रकरणी गुन्हा दाखल करण्यात आला आहे. वाचा काय आहे नेमकं प्रकरण....

मुंबई Bank Manager Cyber Crime : बीकेसी पोलिसांनी एका सायबर भामट्याचा शोध सुरू केला आहे. या सायबर गुन्हेगाराने एका खासगी कंपनीच्या संचालकाकडून 7.95 लाख लंपास केले आहेत. संचालकाच्या कंपनीच्या कार्यालयातील कर्मचारी असल्याचे भासवून संचालकाला अचानक रुग्णालयात दाखल केल्याचे सांगून या भामट्याने ICICI बँकेच्या बीकेसीच्या शाखा व्यवस्थापकाची फसवणूक केली. फसवणूक करणाऱ्याने बँक व्यवस्थापकाच्या फोनवर संचालकांच्या स्वाक्षरी असलेले लेटरहेड पाठवले.

आजारपणाची परिस्थिती खरी असल्याचे मानून बँक व्यवस्थापकाने फसवणुकीचा संशय न घेता पैसे हस्तांतरित केले. बँक व्यवस्थापकाला हा सायबर फ्रॉड लक्षात आला तेव्हा त्याने व्यवहार थांबवण्याचा प्रयत्न करेपर्यंत फैजाबादमधील एका खातेदाराने पैसे आधीच काढले होते. याप्रकरणी बीकेसी पोलीस ठाण्यात गुन्हा दाखल करण्यात आला आहे. याप्रकरणी बँक व्यवस्थापकाने दिलेल्या तक्रारीवरून अज्ञात रिक्षा चालकाविरोधात भारतीय दंड संविधान कलम ४१९, ४२० आणि माहिती व तंत्रज्ञान अधिनियम कलम ६६क, ६६ ड अन्वये गुन्हा दाखल करण्यात आला आहे, अशी माहिती बीकेसी पोलीस ठाण्याचे वरिष्ठ पोलीस निरीक्षक रघुनाथ कदम यांनी दिली आहे.

काय आहे नेमकं प्रकरण? : बीकेसी पोलिसांनी दिलेल्या माहितीनुसार, विश्वास पटेल (वय 39) हे आयसीआयसीआय बँकेचे बीकेसी शाखेचे व्यवस्थापक असून त्यांनी दिलेल्या तक्रारीत 13 मे रोजी दुपारी त्यांना कोणीतरी फोन आला की, Galaxy Diamond Pvt Ltd चा कर्मचारी सदस्य असल्याची खोटी माहिती देऊन कॉलरने तातडीने निधी हस्तांतरित करण्याची विनंती केली. Galaxy Diamond Pvt Ltd कंपनीचा संचालक चिरागकुमार संघवी यांना हॉस्पिटलमध्ये इमर्जन्सीसाठी दाखल करण्याकरिता पैशांची गरज आहे. कॉलरने व्हॉट्सॲपद्वारे विनंती पत्रही पाठवले.

७.९५ लाख रुपये हस्तांतरित :इमर्जन्सी परिस्थिती निर्माण करून कॉलरने बँक व्यवस्थापकाचे मन वळवले. व्हॉट्सॲपवर पाठवलेले पत्र +918957219741 या क्रमांकाद्वारे पाठवून ७.९५ रुपये अखिलेश कुमारला हस्तांतरित करण्याच्या सूचना करण्यात आली आहे. अखिलेश कुमार यांचा बँक खाते क्रमांक आणि IFSC तपशीलांसह लेटरहेडवर संघवी आणि त्यांच्या पत्नीच्या स्वाक्षऱ्या पाठवण्यात आले आणि व्यवस्थापकाला त्याची सत्यता पटवून दिली. त्यावर आपत्कालीन परिस्थिती लक्षात घेऊन व्यवस्थापकाने ७.९५ लाख रुपये हस्तांतरित केले.

असा आला प्रकार उघडकीस :18 मे रोजी गॅलेक्सी डायमंड प्रा. लि.ने व्यवहाराची माहिती घेण्यासाठी शाखेला भेट दिली. अशी कोणतीही इमर्जन्सी परिस्थिती ओढवली नसून पैसे पाठवण्याची विनंती करण्यात आलेली नाही हे कळल्यावर बँक व्यवस्थापकाने संघवीशी संपर्क साधला. त्यांनी ही विनंती पाठवली नसल्याचे आणि त्यावेळी ते शहरात नव्हते याची माहिती दिली. त्यावर हे स्पष्ट झाले की अज्ञात व्यक्तीने संघवी यांच्या नावाने बनाव रचून फसवणूक करण्यासाठी कंपनीच्या लेटरहेडचा वापर केला. पुढील तपासात हे खाते उत्तर प्रदेशातील फैजाबाद येथे असल्याचे उघड झाले आणि त्याच दिवशी पैसे काढण्यात आले. बीकेसी पोलिस ठाण्याचे निरीक्षक राजेश गवळी यांनी दिलेल्या माहितीनुसार, पोलिस सध्या फोन करणाऱ्याची ओळख पटवण्यासाठी तांत्रिक पुरावे गोळा करत आहेत.

हेही वाचा -महिला अधिकाऱ्यानं संपत्तीसाठी काढला सासऱ्याचा काटा, सहा जणांना अटक - Nagpur Hit And Run