घर मालकाचा घरात घुसून अल्पवयीन मुलीवर बलात्कार; नराधम अटकेत

घरात घुसून अल्पवयीन मुलीवर घर मालकानं बलात्कार केल्याची धक्कादायक घटना घडली. या प्रकरणी आरोपीला अटक करण्यात आली आहे.

ठाणे : घर भाडे मागण्याच्या बहाण्यानं घरात घुसून १६ वर्षीय अल्पवयीन भाडोत्री मुलीवर घर मालकानं बलात्कार केल्याची धक्कादायक घटना उघडीस आली. ही घटना भिवंडी शहरातील शांतीनगर भागात घडली. याप्रकरणी नराधम मालकावर शांतीनगर पोलीस ठाण्यात अत्याचारासह पोक्सोन्वये गुन्हा दाखल करून त्यास अटक करण्यात आली. धक्कादायक बाब म्हणजे या घटनेनंतर पीडित मुलीनं आत्महत्येचा प्रयत्न केल्यान खळबळ उडाली.

नराधमानं केला बलात्कार : पोलिसांनी दिलेल्या माहितीनुसार, नराधम घर मालक आणि पीडिता भिवंडीतील एका वस्तीत राहतात. त्यातच १९ ऑक्टोबर रोजी सायंकाळी ७ वाजेच्या दरम्यान पीडिता घरी एकटी असताना नराधमानं घराचे भाडे मागण्याच्या बहाण्याने पीडितेच्या घरात प्रवेश केला. .त्यानंतर नराधमाने तिच्यावर बलात्कार करून तिला ठार मारण्याची धमकी देवून घटनास्थळावरुन पळून गेला.

आरोपी अटकेत : समाजात आपली बदनामी होईल, या भीतीनं पीडितेनं जीवन संपवण्याचा प्रयत्न केला. तिच्यावर भिवंडीतील एका रुग्णालयात उपचार सुरू असून, तिची प्रकृती स्थिर आहे. या अत्याचार प्रकरणी पीडितेच्या तक्रारीवरून नराधम आरोपीविरोधात अत्याचार व पोक्सो कलमांन्वये गुन्हा दाखल करून त्यास अटक केली आहे.

पोलीस कोठडीत रवानगी :२० ऑक्टोंबर रोजी नराधमाला न्यायालयात हजर केलं असता, अधिक पोलीस कोठडी सुनावल्याची माहिती तपास अधिकारी पोलीस उपनिरीक्षक आनंद राठोड यांनी दिली आहे.

हेही वाचा -