हैदराबाद : चीनमधील OnePlus नं पुष्टी केली आहे की कंपनीच्या पुढील आवृत्तीची स्मार्टवॉच, OnePlus Watch 3, 18 फेब्रुवारी रोजी निवडक बाजारपेठांमध्ये लाँच होणार आहे. कंपनीनं अमेरिकेतील OnePlus च्या अधिकृत वेबसाइटवर तिच्या काही वैशिष्ट्यांची माहिती देताना स्मार्टवॉचचा पहिला लूक देखील शेअर केला आहे.
भारतात कधी होणार लॉंच
कंपनीनं पुष्टी केली आहे की OnePlus Watch 3 18 फेब्रुवारी रोजी अमेरिका आणि युरोपमध्ये लाँच होणार आहे, परंतु तिच्या जागतिक लाँचबद्दल सध्या कोणतीही माहिती दिलेली नाही. मात्र, येत्या काही आठवड्यात OnePlus Watch 3 भारतात अपेक्षित OnePlus Open 2 फोल्डेबल स्मार्टफोनसोबत लॉन्च होण्याची अपेक्षा आहे.
OnePlus Watch 3 तपशील
OnePlus Watch 3 चं वर्तुळाकार डायल डिझाइन आहे. त्यात टायटॅनियम बेझल आणि नीलमणी क्रिस्टल ग्लास फेस आहे. Watch 2 प्रमाणेच, डिव्हाइसमध्ये एक बटण आहे. वनप्लस युरोपच्या मुख्य विपणन अधिकारी सेलिना शी यांनी पुष्टी केली की OnePlus Watch 3 "अ‍ॅप्स आणि मेनूमधून नेव्हिगेट करण्यास" अनुमती देईल. कंपनीनं असंही म्हटलं की वनप्लस वॉच 3 स्मार्ट मोडमध्ये पाच दिवसांपर्यंत बॅटरी लाइफ देईल.
वनप्लस वॉच 3 काय असेल खास
वनप्लस वॉच 3 मध्ये क्वालकॉम स्नॅपड्रॅगन W5 चिपची शक्ती असण्याची अपेक्षा आहे, जी मागील आवृत्तीप्रमाणेच आहे. तथापि, नवीन वनप्लस स्मार्टवॉचमध्ये वॉच 2 च्या तुलनेत लक्षणीयरीत्या मोठी 631mAh बॅटरी असू शकते. 9To5Google च्या अहवालानुसार, वनप्लस वॉच 3 पॉवर-सेव्हिंग मोडमध्ये 16 दिवसांपर्यंत टिकू शकेल, तर ऑलवेज ऑन डिस्प्लेच्या (AOD) जास्त वापरामुळं ती तीन दिवसांपर्यंत कमी होऊ शकते.
हे वाचलंत का :
