चीनमधून आयात मशीन पार्टवर सीमाशुल्क विभागाच्या अधीक्षकानं मागितली लाच, सीबीआयनं ठोकल्या बेड्या - CBI Arrested Custom Officer

CBI Arrested Custom Officer : चीनमधून आयात केलेल्या मशीन पार्ट सोडवून घेण्यासाठी सहार विमानतळावरील सीमा शुल्क विभागाच्या अधीक्षकानं 2 लाख 80 हजार रुपयाची मागणी केली. तडजोडीअंती 80 घेताना सीबीआयनं सीमा शुल्क विभागाच्या अधीक्षकाला बेड्या ठोकल्या आहेत.

मुंबई CBI Arrested Custom Officer : चीनमधून आयात केलेल्या मशीन पार्टवर मुंबईतील सहार विमानतळावर असलेल्या सीमा शुल्क विभागाच्या अधीक्षकानं लाच मागितली. याप्रकरणी सीबीआयनं या सीमा शुल्क अधीक्षकाला बेड्या ठोकल्या आहेत. "सेंट्रल ब्युरो ऑफ इन्व्हेस्टिगेशन (CBI) नं तक्रारदाराकडून 80 हजार रुपयांची लाच स्वीकारल्याबद्दल कस्टम्स, कुरिअर सेल, इंटरनॅशनल कुरिअर टर्मिनल, मुंबईच्या अधीक्षकाला अटक केली आहे," अशी माहिती सूत्रांनी दिली आहे.

चीनमधून आयात केले मशीन पार्ट :सीबीआयनं आरोपीविरुद्ध लाच लुचपत विरोधी कायद्यानुसार गुन्हा दाखल केला. तक्रारदारानं चीनमधून काही मशीन पार्ट आयात केले होते. हे मशीन पार्ट 6 जुलैला कुरिअर फर्मद्वारे मुंबई इंटरनॅशनल कुरिअर टर्मिनलवर पोहोचले. यावेळी आरोपींनी तक्रारदाराला त्यानं आयात केलेल्या मालाच्या सुटकेसाठी दोन लाख 80 हजार रुपये अँटी डंपिंग शुल्क भरण्यास सांगितलं. त्यानंतर आरोपीनं तक्रारदारास एक लाख 40 हजारचा अवाजवी फायदा म्हणजे 50 टक्के मूल्य भरल्यास 2 लाख 80 हजार रुपये अँटी डंपिंग ड्युटी न भरता खेप सुरक्षित करण्याचं आश्वासन दिलं, असा आरोप तक्रारदारानं केला.

तडजोडीत 80 हजार घेतल्यानंतर सीबीआयनं ठोकल्या बेड्या :कस्टम्स, कुरिअर सेल, इंटरनॅशनल कुरिअर टर्मिनल, मुंबईच्या अधीक्षकानं तक्रारदाराला 1 लाख 40 हजार रुपये भरण्यास सांगितलं. मात्र तक्रारदारानं 1 लाख 40 हजार भरण्यास असमर्थता दर्शविली. त्यानंतर आरोपींनी रक्कम कमी करून 1 लाख केली, असा आरोपही तक्रारदारानं केला. वाटाघाटीनंतर आरोपींनी अवाजवी फायद्याची कथित मागणी कमी करून लाचेची रक्कम 80 हजारांवर आणली. त्यानंतर CBI नं सापळा रचून आरोपीला त्याच्या कार्यालयात तक्रारदाराकडून 80 हजार रुपयांची लाच घेताना रंगेहात पकडलं. त्यानंतर सीबीआयनं आरोपीला अटक केली. नवी मुंबईतील उलवे इथल्या आरोपीच्या निवासस्थानी सीबीआयनं झडती घेतली. अटक करण्यात आलेल्या आरोपीला 17 जुलैला मुंबई येथील न्यायालयासमोर हजर केले असता, त्याला तीन दिवसांची पोलीस कोठडी सुनावण्यात आली आहे.

हेही वाचा :