शारजाह NZW vs WIW Semifinal Live Streaming : न्यूझीलंड महिला राष्ट्रीय क्रिकेट संघ विरुद्ध वेस्ट इंडिज महिला राष्ट्रीय क्रिकेट संघ यांच्यात ICC महिला T20 विश्वचषकाचा दुसरा उपांत्य सामना आज 18 ऑक्टोबर रोजी शारजाह येथील शारजाह क्रिकेट स्टेडियमवर खेळवला जाईल. विक्रमी सहा वेळा विजेते आणि गतविजेत्या ऑस्ट्रेलियाला गुरुवारी दक्षिण आफ्रिकेनं बाहेर काढलं. दुसऱ्या उपांत्य फेरीत आमने-सामने येणाऱ्या दोन्ही संघांनी स्पर्धेत आतापर्यंत उल्लेखनीय कामगिरी केली आहे आणि हा सामना अटीतटीचा असेल अशी अपेक्षा आहे. वेस्ट इंडिजनं उत्कृष्ट फलंदाजी तसंच उत्कृष्ट अष्टपैलू खेळाडू दाखवले आहेत, तर न्यूझीलंडकडे जागतिक दर्जाचे गोलंदाज आणि फलंदाजांनी भरलेला संतुलित संघ उत्कृष्ट फॉर्ममध्ये आहे.
हेड-टू-हेड रेकॉर्ड कसा : न्यूझीलंडच्या महिला आणि वेस्ट इंडिजच्या महिलांच्या रेकॉर्डमध्ये खूप अंतर आहे. न्यूझीलंडनं 23 T20 सामन्यांमध्ये 17 विजयांसह वेस्ट इंडिजवर आघाडी घेतली आहे, तर वेस्ट इंडिजला केवळ 5 सामने जिंकता आले आहेत. ज्यात दोन सुपर ओव्हरमधील विजयाचाही समावेश आहे.
ICC महिला T20 विश्वचषकात दुसरा उपांत्य सामना कधी आणि कुठं खेळला जाईल?
न्यूझीलंड महिला राष्ट्रीय क्रिकेट संघ विरुद्ध वेस्ट इंडिज महिला राष्ट्रीय क्रिकेट संघ यांच्यात ICC महिला T20 विश्वचषकाचा दुसरा उपांत्य सामना 18 ऑक्टोबर रोजी शारजाह येथील शारजाह क्रिकेट स्टेडियमवर भारतीय वेळेनुसार संध्याकाळी 7:30 वाजता खेळवला जाईल. ज्याची नाणेफेक संध्याकाळी 07:00 वाजता होईल.
ICC महिला T20 विश्वचषक दुसऱ्या उपांत्य सामन्याचं प्रसारण कुठं पहावं?
ICC महिला T20 विश्वचषक 2024 सामन्यांच्या अधिकृत थेट प्रक्षेपण हक्क स्टार स्पोर्ट्स नेटवर्ककडे आहेत. न्यूझीलंड महिला विरुद्ध वेस्ट इंडीज महिला ICC महिला T20 विश्वचषक दुसरा उपांत्य सामना स्टार स्पोर्ट्स नेटवर्क चॅनेलवर थेट प्रसारित केला जाईल