राहुल, जडेजानं ठोकलं शानदार अर्धशतक, टीम इंडिया ड्रायव्हिंग सीटवर

IND Vs ENG Test : इंग्लंडविरुद्ध पहिल्या कसोटी सामन्यात टीम इंडियानं 175 धावांची मोठी आघाडी घेतली आहे. सामन्याच्या दुसऱ्या दिवशी केएल राहुल आणि रवींद्र जडेजानं शानदार अर्धशतकं झळकावली.

हैदराबाद IND Vs ENG Test :भारत आणि इंग्लंड यांच्यात हैदराबादमध्ये पाच सामन्यांच्या मालिकेतील पहिला कसोटी सामना खेळला जात आहे. सामन्याच्या दुसऱ्या दिवशी भारतीय फलंदाजांची चमक पाहायला मिळाली. भारताकडून केएल राहुल आणि रवींद्र जडेजा यांनी शानदार अर्धशतकं झळकावली. याशिवाय अक्षर पटेल, श्रेयस अय्यर आणि केएस भरत यांनीही शानदार फलंदाजी करत झटपट धावा गोळा केल्या.

भारताकडे 175 धावांची आघाडी : दुसऱ्या दिवसाचा खेळ संपेपर्यंत टीम इंडियानं 110 षटकांत 7 गडी गमावून 421 धावा केल्या आहेत. सध्या भारताकडे 175 धावांची आघाडी आहे. कसोटी सामन्याच्या पहिल्याच दिवशी इंग्लंडचा संघ 246 धावांवर गारद झाला होता. तर भारतानं पहिल्या दिवशी 1 गडी गमावून 119 धावा केल्या होत्या.

केएल राहुलच्या सर्वाधिक धावा : पहिल्या डावात रोहित शर्मा आणि यशस्वी जयस्वाल यांनी भारताला चांगली सुरुवात करून दिली. या दोघांनी पहिल्या विकेटसाठी 80 धावा जोडल्या. रोहित शर्मा 24 धावा करून बाद झाला तर शुभमन गिल 23 धावा करून बाद झाला. या दोघांशिवाय श्रेयस अय्यरनं 3 चौकार आणि 1 षटकारासह झटपट 35 धावा केल्या. तर केएस भरतनंही 3 चौकारांच्या मदतीने 41 धावांची उत्कृष्ट खेळी केली. भारताकडून केएल राहुलनं सर्वाधिक धावा केल्या.

जडेजा-अक्षर नाबाद : राहुलनं 123 चेंडूत 8 चौकार आणि 2 षटकारांसह 86 धावांची अर्धशतकी खेळी खेळली. त्याच्यानंतर यशस्वी जयस्वालनं 74 चेंडूंत 10 चौकार आणि 3 षटकारांसह 80 धावांचं योगदान दिलं. या दोघांशिवाय रवींद्र जडेजानंही दिवसाचा खेळ संपेपर्यंत 155 चेंडूंत 7 चौकार आणि 2 षटकारांसह नाबाद 81 धावा केल्या. अक्षर पटेलनं दिवसअखेरपर्यंत 62 चेंडूंत 5 चौकार आणि 2 षटकारांसह नाबाद 35 धावा केल्या. भारताकडून रविचंद्रन अश्विन 1 धावा करून बाद झाला.

इंग्लंडच्या पहिल्या डावात 246 धावा : इंग्लंडकडून टॉम हार्टली आणि जो रूटनं 2-2 तर जॅक लीच आणि रिहान अहमद यांनी 1-1 विकेट घेतली. तत्पूर्वी, इंग्लंडनं पहिल्या डावात 246 धावा केल्या होत्या. इंग्लंडकडून कर्णधार बेन स्टोक्सनं सर्वाधिक 70 धावा केल्या.

हे वाचलंत का :