चॅम्पियन्स ट्रॉफीचे सामने स्टेडियममध्ये बघायचे? पनीरपेक्षाही स्वस्त मिळतंय मॅचचं तिकीट

चॅम्पियन्स ट्रॉफी 2025 च्या आगामी सामन्यांच्या तिकिटांच्या किमती जाहीर झाल्या आहेत. यामध्ये चाहत्यांना फक्त 1000 पाकिस्तानी रुपयांमध्ये सर्वात स्वस्त तिकिटं मिळत आहेत.

कराची Tickets For Champions Trophy : क्रिकेट चाहते चॅम्पियन्स ट्रॉफीची आतुरतेनं वाट पाहत आहेत. याचं आयोजन पाकिस्तान करत आहे, ज्यात भारतीय क्रिकेट संघाचे सर्व सामने दुबईमध्ये होतील, कारण बीसीसीआयनं भारतीय क्रिकेट संघाला पाकिस्तानात पाठवण्यास नकार दिला होता. यानंतर, या स्पर्धेत हायब्रिड मॉडेलचा फॉर्म्युला स्वीकारण्यात आला. चॅम्पियन्स ट्रॉफी 19 फेब्रुवारीपासून सुरु होणार आहे. आता, याआधीही, तिकिटांच्या किमती उघड झाल्या आहेत, ज्यात पाकिस्तान क्रिकेट बोर्डानं सर्वात स्वस्त तिकीट 1000 पाकिस्तानी रुपयांमध्ये ठेवले आहे. हे भारतीय चलनात अंदाजे 310 रुपयांच्या समतुल्य असेल. म्हणजेच पाकिस्ताननं ठरवलेला तिकिटाचा दर भारतातील 1 किलो पनीरच्या किमतीपेक्षा कमी आहे. भारतात 1 किलो पनीर अंदाजे 400 रुपयांना मिळते.

🚨 TICKET PRICES ARE OUT 🚨

- FOR CHAMPIONS TROPHY IN PAKISTAN 👇#CT25 #ChampionsTrophy2025 pic.twitter.com/glpnB09U5S

— Sporting Strike (@Footy_Strikes) January 15, 2025

सर्वात स्वस्त तिकीट 1000 पाकिस्तानी रुपयांना : पीटीआयनं दिलेल्या अहवालानुसार, पीसीबीनं कराची, लाहोर आणि रावळपिंडी इथं होणाऱ्या सामन्यांसाठी तिकिटांची किमान किंमत 1000 पाकिस्तानी रुपये ठेवली आहे. रावळपिंडी इथं होणाऱ्या पाकिस्तान आणि बांगलादेश सामन्यांच्या तिकिटांची किंमत 2000 पाकिस्तानी रुपये (अंदाजे 620 भारतीय रुपये) आणि उपांत्य फेरीच्या तिकिटांची किंमत 2500 पाकिस्तानी रुपये (अंदाजे 776 भारतीय रुपये) असेल.

व्हीव्हीआयपी तिकिटाची किंमत किती : पीसीबीनं सर्व सामन्यांसाठी व्हीव्हीआयपी तिकिटांची किंमत 12000 पाकिस्तानी रुपये (अंदाजे 3726 भारतीय रुपये) ठेवली आहे. परंतु उपांत्य फेरीसाठी ती 25000 (अंदाजे 7764 भारतीय रुपये) असेल. पाकिस्तान विरुद्ध बांगलादेश सामन्यासाठी कराचीमध्ये प्रीमियर स्टँड तिकिटाची किंमत 3500 पाकिस्तानी रुपये (अंदाजे 1086 भारतीय रुपये), लाहोरमध्ये 5000 (अंदाजे 1550 भारतीय रुपये) आणि रावळपिंडीमध्ये 7000 (अंदाजे 2170 भारतीय रुपये) आहे. तसंच पीसीबी कराचीमध्ये व्हीआयपी स्टँड तिकिटांची किंमत 7000 रुपये, लाहोरमध्ये 7500 रुपये आणि बांगलादेश सामन्यासाठी 12500 रुपये ठेवू इच्छित आहे.

यजमान देश विकतो तिकिटं : चाहत्यांसाठी 18000 तिकिटं उपलब्ध असतील. परंतु एका वेळी किती तिकिटे खरेदी करता येतील आणि तिकिटं ऑनलाइन उपलब्ध असतील की नाही हे निश्चित केलेलं नाही. आयसीसीच्या स्पर्धेच्या नियमांनुसार, यजमान देश सामन्यांची तिकिटं विकतो. त्यांच्याकडून आणि हॉस्पिटॅलिटी बॉक्समधून मिळणारा महसूल राखून ठेवतो. याशिवाय, त्याला आयसीसीकडून होस्टिंग फी देखील मिळते.

🚨 TICKET PRICES FOR ICC CHAMPIONS TROPHY 2025. (Samaa TV)#ChampionsTrophy2025 pic.twitter.com/tyF802E68P

— Huzaifa (@Huzaifa_Says11) January 15, 2025

भारताविरुद्धच्या सामन्यांच्या तिकिटांच्या किमती जाहीर नाही : भारताचे सामने दुबईमध्ये होणार आहेत, त्यामुळं पीसीबीला वाटते की त्यांना तिकिटं आणि हॉस्पिटॅलिटी बॉक्समधून पैसे मिळतील. चॅम्पियन्स ट्रॉफीच्या आयोजनासाठी एमिरेट्स क्रिकेट बोर्डाला काही रक्कम दिली जाईल, ज्यात मैदानाचं भाडं समाविष्ट आहे. पण पीटीआयच्या अहवालात दुबईमध्ये होणाऱ्या भारताच्या सामन्यांसाठी तिकिटांचे दर काय असतील हे सांगितलेलं नाही. जर भारतीय संघ उपांत्य फेरी आणि अंतिम फेरी खेळला तर तेही दुबईमध्ये होतील.

• यावेळी चॅम्पियन्स ट्रॉफीमध्ये एकूण 8 संघ सहभागी होतील, ज्यात पाकिस्तान यजमान म्हणून पात्र ठरला आहे. भारत, अफगाणिस्तान, बांगलादेश, न्यूझीलंड, इंग्लंड, ऑस्ट्रेलिया आणि दक्षिण आफ्रिकेचे संघ देखील सहभागी होतील.

हेही वाचा :