शिवसेनेची दुसरी यादी जाहीर; कुडाळमधून निलेश राणेंना उमेदवारी, आदित्य ठाकरेंविरोधात 'हा' तगडा उमेदवार रिंगणात

मुख्यमंत्री एकनाथ शिंदे यांच्या शिवसेनेकडून 20 उमेदवारांची घोषणा करण्यात आली. मिलिंद देवरा यांना वरळी विधानसभा मतदारसंघातून उमेदवारी देण्यात आली.

मुंबई : मुख्यमंत्री एकनाथ शिंदे यांच्या शिवसेनेकडून उमेदवारांची दुसरी यादी जाहीर करण्यात आली. या यादीत एकूण 20 उमेदवारांची घोषणा करण्यात आली आहे. मिलिंद देवरा यांना वरळी विधानसभा मतदारसंघातून उमेदवारी देण्यात आली. पुरंदर येथून विजय शिवतारे यांना उमेदवारी देण्यात आली. कुडाळमधून नारायण राणे यांचे चिरंजीव निलेश राणे यांना उमेदवारी जाहीर करण्यात आली. निलेश राणेंचा सामना ठाकरेंच्या शिवसेनेचे आमदार वैभव नाईक यांच्याशी होणार आहे.

शिवसेनेची दुसरी यादी जाहीर (Source - Shiv sena 'X' Handle)

यादीत अनेक मोठ्या नावांचा समावेश : संतोष शेट्टी यांना भिवंडी पूर्वमधून उमेदवारी जाहीर करण्यात आली, तर विश्वनाथ भोईर यांना कल्याण पश्चिम मतदारसंघातून उमेदवारी दिली. दिंडोशीतून संजय निरुपम यांना उमेदवारी जाहीर करण्यात आली आहे. राजेंद्र गावित यांना पालघरमधून, मूरजी पटेल यांना अंधेरी पूर्वमधून, तुकाराम काते यांना चेंबूरमधून, मिलिदं देवरा यांना वरळीमधून, विजय शिवतारे यांना पुरंदरमधून, निलेश राणे यांना कुडाळमधून तर राजेश क्षीरसागर यांना कोल्हापूरमधून उमेदवारी जाहीर करण्यात आली.

वरळीत तिहेरी लढत :वरळी हा महत्त्वाचा मतदारसंघ आहे. उद्धव ठाकरे यांचे चिरंजीव आदित्य ठाकरे सध्या या मतदारसंघातून आमदार आहेत. आताही त्यांना उमेदवारी जाहीर करण्यात आली आहे. तर मनसेनंही येथून संदीप देशपांडे यांना उमेदवारी दिली. याच मतदारसंघासाठी शिवसेनेनं मिलिंद देवरा यांना उमेदवारी दिली आहे. त्यामुळं ठाकरे, देशपांडे आणि देवरा अशी तिहेरी टाईट फाईट होणार आहे.

शिवसेनेची दुसरी यादी जाहीर (Source - Shiv sena 'X' Handle)

शिवसेनेच्या 'या' 20 उमेदवारांची घोषणा

• अक्कलकुवा - आमश्या पाडवी
• बाळापूर- बळीराम शिरसकर
• रिसोड - भावना गवळी
• हदगाव - बाबुराव कदम कोहळीकर
• नांदेड दक्षिण- आनंद तिडके पाटील (बोंडारकर)
• परभणी - आनंद शेशराव भरोसे
• पालघर - राजेंद्र घेड्या गावित
• बोईसर - विलास सुकुर तरे
• भिवंडी ग्रामिण - शांताराम तुकाराम मोरे
• भिवंडी पूर्व - संतोष मंजय्या शेट्टी
• कल्याण पश्चिम - विश्वनाथ आत्माराम भोईर
• अंबरनाथ - डॉ बालाजी प्रल्हाद किणीकर
• विक्रोळी - सुवर्णा सहदेव करंजे
• दिंडोशी - संजय ब्रिजकिशोरलाल निरुपम
• अंधेरी पूर्व - मुरजी कांनजी पटेल
• चेंबूर - तुकाराम रामकृष्ण काते
• वरळी - मिलींद मुरली देवरा
• पुरंदर - विजय सोपानराव शिवतारे
• कुडाळ - निलेश नारायण राणे
• कोल्हापुर उत्तर - राजेश विनायक क्षिरसागर

हेही वाचा