इस्लामाबादPakistan election results 2024 :पाकिस्तान तेहरीक-ए-इन्साफ (PTI) समर्थित अपक्ष उमेदवारांनी पाकिस्तानच्या नॅशनल असेंब्लीच्या 95 जागा जिंकल्या आहेत. 265 पैकी 257 मतदारसंघांचे निकाल हाती आले आहेत. "सध्याची परिस्थिती पाहता निकालांच्या आधारे स्वतंत्रपणे सरकार स्थापन करण्यासाठी कोणत्याही एका पक्षाची स्थिती दिसत नाही." "सध्या, पाकिस्तान मुस्लिम लीग-नवाझ (PML-N) नॅशनल असेंब्लीमध्ये 78 जागांसह दुसऱ्या क्रमांकावर आहे. तसंच पाकिस्तान पीपल्स पार्टी (PPP) 54 जागांसह तिसऱ्या स्थानावर आहे".
8 फेब्रुवारी 1.1 दशलक्षाहून अधिक मतदान :मुत्ताहिदा कौमी मूव्हमेंट-पाकिस्ताननं 17 जागांवर विजय मिळवला आहे. जमियत उलेमा-ए-इस्लाम-फझलनं 3, इस्तेखाम-ए-पाकिस्तान पार्टी आणि पाकिस्तान मुस्लिम लीग-कायद या दोन्ही पक्षांनी खालच्या सभागृहात प्रत्येकी दोन जागा जिंकल्या आहेत. शिवाय, पाकिस्तान मुस्लिम लीग-झिया, मजलिस-ए-वहदातुल मुस्लीमीन आणि बलुचिस्तान नॅशनल पार्टीला प्रत्येकी एक जागा मिळाली आहे." 8 फेब्रुवारी रोजी पाकिस्तानात 1.1 दशलक्षाहून अधिक मतदान झालं होतं. फ्री अँड फेअर इलेक्शन नेटवर्कच्या (FAFEN) प्राथमिक अहवालानुसार निवडणूक अधिकारी त्यांचं कर्तव्य पार पाडत आहेत.
मतदान केंद्रांबाहेर कडक सुरक्षा : याव्यतिरिक्त, निवडणुकीच्या दिवशी शांतता आणि सुव्यवस्था सुनिश्चित करण्यासाठी पाकिस्तानात मतदान केंद्रांबाहेर 0.7 दशलक्षाहून अधिक पोलीस आणि सैन्यदलाचे कर्मचारी तैनात करण्यात आले होते. "पाकिस्तानमधील 10 नॅशनल असेंब्लीच्या जागा आणि 16 प्रांतीय असेंब्लीच्या जागांचं निकाल रोखण्यात आले आहेत. पराभूत उमेदवार हे निकालांवर असमाधानी असल्यानं त्यांनी निकालाल आव्हान दिलं आहे.", "10 नॅशनल असेंब्ली मतदारसंघ आणि 16 प्रांतीय विधानसभा जागांवर पराभूत उमेदवारांच्या आव्हानांमुळं पाकिस्तानच्या निवडणूक आयोगानं (ECP) निकाल रोखून ठेवला आहे.
निकालांविरुद्ध आक्षेप :NA-15 मनशेरा, NA-46 इस्लामाबाद-I, NA-47 इस्लामाबादसाठी निवडणूक अधिकारी II, आणि NA-48 इस्लामाबाद- III ला निकाल जाहीर न करण्याच्या सूचना देण्यात आल्या आहेत. "याशिवाय, NA-55 रावळपिंडी, NA-49, NA-50 Attock, NA-65, NA-63 आणि NA-28 च्या निकालांविरुद्ध आक्षेप घेण्यात आले आहेत." "2024 च्या सार्वत्रिक निवडणुकीतील निवडणूक निकाल, पीएमएल-एन उमेदवारांच्या विजयाचे संकेत देत आहेत. पाकिस्तान तहरीक-ए-इन्साफ (पीटीआय) - संलग्न अपक्ष उमेदवारांनी PP-164 च्या निकालांना लाहोर उच्च न्यायालयात (LHC) आव्हान दिलं आहे. NA-118, जेथे शेहबाज शरीफ आणि हमजा शेहबाज यांनी विजय मिळवला आहे.
हे वाचलंत का :
- पाकिस्तानच्या निवडणुकीत हेराफेरीचे आरोप; अमेरिका, ब्रिटनची चौकशीची मागणी, आंदोलनादरम्यान पीटीआयचा नेता जखमी
- पाकिस्तान निवडणूक : इम्रान खानचे अपक्ष उमेदवार नवाज शरीफांवर भारी, कोणालाच स्पष्ट बहुमत नाही
- पाकिस्तान निवडणूक; नवाज शरीफ आपल्या जागेवरून विजयी, इम्रान खान समर्थित अपक्ष देतायत कडवी टक्कर
