मुंबई - Single Bollywood and South Stars : प्रेमाचा सीझन, व्हॅलेंटाईन्स डे आता सुरू आहे, आज 12 फेब्रुवारीला हग डे साजरा केला जात आहे. दरम्यान, आता हिंदी चित्रपटसृष्टीतील आणि साऊथ सिनेसृष्टीतील असे काही स्टार्स आहेत, जे अजूनही सिंगल आहेत. यात बॉलिवूड अभिनेता कार्तिक आर्यन आणि साऊथ अभिनेत्री कीर्ती सुरेश यांच्या नावाचाही समावेश आहे. चला जाणून घेऊया या सिंगल स्टार्सबद्दल.
कार्तिक आर्यन आणि सारा अली खान : कार्तिक आर्यननं बॉलिवूड अभिनेत्री सारा अली खानला डेट केलं होतं. या दोघांनी 'लव्ह आज कल 2' हा चित्रपट एकत्र केला होता. यानंतर दोघेही प्रेमात पडले. मात्र यांच नात फार काळ टीकू शकला नाही. ब्रेकअपनंतर कार्तिक आणि सारा दोघेही सिंगल आहेत.
टायगर श्रॉफ :ॲक्शन हिरो टायगर श्रॉफ अभिनेत्री दिशा पटानीबरोबर ब्रेकअप झाल्यानंतर सिंगल आहे. मात्र दिशा तिच्या परदेशी बॉयफ्रेंडला डेट करत आहे.
क्रिती सेनॉन :अभिनेत्री क्रिती सेनॉन अद्याप कोणत्याही अभिनेत्यासोबत अधिकृत रिलेशनशिपमध्ये नाही. दिवंगत अभिनेता सुशांत सिंग राजपूतबरोबर तिचं नाव जोडले गेले असले तरी ती आता देखील सिंगल आहे. सध्या रुपेरी पडद्यावर क्रितीचा रोमँटिक चित्रपट 'तेरी बातों में ऐसा उलझा जिया' प्रदर्शित झाला आहे.
पूजा हेगडे :साऊथ अभिनेत्री पूजा हेगडेचं रिलेशनशिप स्टेटस सिंगल आहे. 'किसी का भाई किसी की जान' या चित्रपटादरम्यान तिच नाव सलमान खानशी जोडलं गेलं होतं.