मुंबई : साऊथ सुपरस्टार धनुषचा आगामी 'तेरे इश्क में' या चित्रपटाच्या प्रत्येक अपडेटची लोक आतुरतेनं वाट पाहत आहेत. नुकताच धनुषच्या चित्रपटाचा टीझर रिलीज करण्यात आला आहे, यामध्ये एका मुलीबद्दल सस्पेन्स निर्माण करण्यात आला होता. आता नवीन टीझरमध्ये त्या मुलीचा चेहरा दाखविण्यात आला आहे. याबरोबर चित्रपटाची रिलीज डेटही जाहीर केली गेली आहे. आता 'रांझणा'नंतर धनुष या आगामी चित्रपटात कोणत्या बॉलिवूड अभिनेत्रीबरोबर दिसणार याबद्दल आम्ही तुम्हाला सांगणार आहोत.
धनुषनं शेअर केला टीझर : धनुषचे 'रांझणा' चित्रपटासाठी समीक्षक आणि प्रेक्षकांनी खूप कौतुक केले होते. आजही 'रांझणा'मधील गाणी आणि संवाद खूप प्रसिद्ध आहे. आता पुन्हा एकदा धनुष अशाच एका ब्लॉकबस्टर प्रेमकथेसह रुपेरी पडद्यावर परत येत आहे. 'तेरे इश्क में'चा धनुषनं एक दिवस आधी एक टीझर रिलीज केला होता, यामध्ये तो हातात जळती बॉटल धरून म्हणतोय, "गेल्या वेळी कुंदननं होता, तो ऐकायचा, आता यावेळी शंकरला कसे थांबवणार?" त्यानंतर एक व्हॉइसओव्हर येतो, ज्यामध्ये एका मुलीचा आवाज ऐकू येतो. यात ती म्हणते, "शंकर, प्रेमात फक्त मुलेच मरतात का ? काही मुलींमध्येही जीव देण्याचे धाडस असते."
चित्रपट कधी प्रदर्शित होईल? : या व्हॉइसओव्हरमुळे ही 'मिस्ट्री गर्ल' कोण आहे, याबद्दल सस्पेन्स निर्माण झाला होता. आज धनुषनं एक नवीन टीझर रिलीज करून एक खुलासा केला आहे. या टीझरमध्ये बॉलिवूड स्टार क्रिती सेनॉन दिसत आहे. दरम्यान सोनम कपूरनं 'रांझणा' चित्रपटातून सर्वांचे मन जिंकल्यानंतर, धनुष आता क्रिती सेनॉनबरोबर प्रेमाचा एक नवीन अध्याय लिहिण्यासाठी सज्ज आहे. 'तेरे इश्क में' चित्रपटातील दोन्ही टीझर धमाकेदार आहेत. टीझरबरोबर निर्मात्यांनी चित्रपटाच्या प्रदर्शनाची तारीखही जाहीर केली आहे. धनुष आणि क्रिती स्टारर 'तेरे इश्क में' हा चित्रपट 28 नोव्हेंबर 2025 रोजी रुपेरी पडद्यावर प्रदर्शित होणार आहे. दरम्यान 'रांझणा' हा चित्रपट बॉक्स ऑफिसवर 2013 रोजी प्रदर्शित झाला होता. या चित्रपटामध्ये धनुषबरोबर सोनम कपूर, अभय देओल हे मुख्य भूमिकेत होते. 'रांझणा' चित्रपटात धनुषनं कुंदनची भूमिका साकारली होती.
हेही वाचा :
