मुंबई - Sreejita De :'उत्तरन' फेम अभिनेत्री श्रीजिता डे ही आता चर्चेत आली आहे. या मालिकेमुळे ती प्रत्येक घराघरात लोकप्रिय झाली बनलीय. ती बराच काळ छोट्या पडद्यापासून दूर राहिली होती. अलिकडे ती कुठल्याचं टीव्ही मालिकेत दिसली नाही. पण ती सोशल मीडियावर आपल्या स्टाईलनं खळबळ माजवत राहते. 'बिग बॉस'च्या माध्यामातून तिनं पुन्हा एकदा तिच्या अभिनयच्या करिअरला सुरुवात केली. या शोमध्ये तिनं तिच्या बॉयफ्रेंडची झलक दाखवली होती. 'बिग बॉस' शोमधून बाहेर पडताचं तिनं तिच्या लग्नाची घोषणा केली आणि लगेचच लग्न केलं. श्रीजिता डेच्या लग्नाची चर्चा बरीच सोशल मीडियावर झाली होती.
श्रीजिता डेनं रिसेप्शन पार्टीचं फोटो शेअर केले : श्रीजितानं परदेशी बॉयफ्रेंड मायकल ब्लोहमबरोबर लग्न केलं असून तिनं लग्नाच्या 8 महिन्यांनंतर 26 मार्चला रिसेप्शन पार्टी दिली आहे. आता या कार्यक्रमामधील काही फोटो सोशल मीडियावर व्हायरल झाले आहेत. समोर आलेल्या फोटोंमध्ये श्रीजिता लाल रंगाच्या लेहेंग्यात दिसत आहे. तर मायकल काळ्या सूटमध्ये आहे. श्रीजिता वधूच्या लूकमध्ये खूप सुंदर दिसत आहे. तिनं तिच्या या लूकवर खूप कमीत कमी दागिने घातले आहेत. तिनं शेअर केलेले फोटो अनेकांना खूप आवडत आहेत. या फोटोवर चाहते या जोडप्यावर प्रेमाचा वर्षाव करताना दिसत आहेत.