मुंबई Shilpa Shetty on World Health Day :जागतिक आरोग्य दिनानिमित्त हिंदी चित्रपटसृष्टीतील 'फिटनेस क्वीन' शिल्पा शेट्टी कुंद्रानं एक मोटिव्हेशनल वर्कआउटचा एक व्हिडिओ शेअर केला आहे. या व्हिडिओमध्ये ती मुलगी समिशाबरोबर दिसत आहे. हा व्हिडिओ आता सोशल मीडियावर प्रचंड व्हायरल झाला आहे. व्हिडिओत शिल्पा हनुमान चालीसा ऐकताना दिसत आहे. घरच्या जिममध्ये व्यायाम करताना शिल्पा मुलीबरोबर खेळत आहे. हा व्हिडिओ शेअर करताना तिनं या पोस्टवर लिहिलं, 'जागतिक आरोग्य दिनाच्या शुभेच्छा, स्वस्थ रहा, मस्त रहा!'' आता शिल्पानं शेअर केलेल्या व्हिडिओवर अनेकजण कमेंट्स करुन तिला देखील या दिवसाच्या शुभेच्छा देत आहेत.
शिल्पा शेट्टीनं शेअर केला व्हिडिओ : शिल्पा अनेकदा तिच्या चाहत्यांना वर्कआउटसाठी प्रोत्साहित करत असते. जगभरातील लोकांना प्रभावित करणाऱ्या विशिष्ट आरोग्य विषयाकडं लक्ष वेधण्यासाठी दरवर्षी 7 एप्रिल रोजी जागतिक आरोग्य दिन साजरा केला जातो. आजच्या दिवसी 1948 मध्ये जागतिक आरोग्य संघटनेचा (WHO) स्थापना झाली होती. दरम्यान या वर्षीची थीम 'माझे आरोग्य, माझे हक्क' अशी आहे, जी दर्जेदार आरोग्य सेवा, शिक्षण आणि माहिती मिळवण्याच्या मूलभूत मानवी हक्कांवर भर देते. या दिवसाचं विशेष महत्व आहे. या दिवशी आज अनेक कार्यक्रमाचं आयोजन केलं जाते.