मुंबई - मूव्हीज, टीव्ही शोज आणि सेलिब्रिटीजवरील माहिती यांच्याबद्दल जगातील सर्वांत विश्वसनीय स्रोत असलेल्या IMDb (www.imdb.com) नं 2025 च्या सर्वाधिक बहुप्रतीक्षित भारतीय चित्रपटांच्या यादीची घोषणा केली आहे. जगभरातून IMDb वर दर महिन्याला येणाऱ्या 25 कोटींहून अधिक व्हिजिटर्सच्या प्रत्यक्ष पेज व्ह्यूजनुसार ही गोष्ट निश्चित झाली आहे.
रश्मिका मंदान्ना तीन प्रमुख भूमिकांमधील चित्रपटांसह 2025 च्या बहुप्रतीक्षित भारतीय चित्रपट यादीत समाविष्ट होणारी एकमेव अभिनेत्री ठरली आहे. या यादीत पहिल्या क्रमांकावर असलेला चित्रपट आहे 'सिकंदर', ए.आर. मुरुगदॉस दिग्दर्शिन करत असलेला ऍक्शन ड्रामा आहे. यामध्ये रश्मिका मंदान्ना सलमान खानबरोबर झळकणार आहे. या यादीतील रश्मिकाची भूमिका असलेला दुसरा चित्रपट आहे 'छावा' (क्रमांक १०). हा ऐतिहासिक वि।यावरील चित्रपट असणार असून यामध्ये विकी कौशल छत्रपती संभाजी महाराजांची भूमिका साकारत आहे. यामध्ये रश्मिका महाराणीची भूमिका साकारत आहे. हा चित्रपट फेब्रुवारी महिन्यात प्रदर्शित होणार आहे. याशिवाय, रश्मिका यावर्षी प्रदर्शित होणाऱ्या थामा (क्रमांक १७) या बहुप्रतीक्षित हॉरर-कॉमेडी चित्रपटात आयुष्मान खुरानाबरोबर दिसणार आहे. हा चित्रपट यावर्षी दिवाळीत प्रदर्शित होईल.
याविषयी आपल्या भावना व्यक्त करताना रश्मिका म्हणाली, “माझे ३ आगामी चित्रपट IMDb च्या २०२५ मधील सर्वाधिक अपेक्षित भारतीय चित्रपटांच्या यादीत पाहून मला खूप छान वाटतंय. २०२४ चा शेवट 'पुष्पा २'ला मिळालेल्या जबरदस्त प्रतिसादानं झाला आणि २०२५ ची सुरुवात तीन आगामी चित्रपटांच्या यादीत समावेशासह झाली हे माझ्यासाठी खूप आनंददायी आहे. प्रेक्षकांपर्यंत पोहोचणाऱ्या आणि त्यांच्या मनाला भावणाऱ्या चित्रपटांमध्ये काम करण्याचं नेहमीच माझं स्वप्न राहिलं आहे, आणि हेच मला अधिक मेहनत करण्याची प्रेरणा देते. माझ्या चाहत्यांचं आणि या चित्रपटांच्या टीममधील प्रत्येकाचं मी मनःपूर्वक आभार मानते, त्यांच्यामुळेच हे सगळं शक्य झालंय.”
2025 मधील IMDb चे सर्वाधिक बहुप्रतीक्षित भारतीय चित्रपट:
1. सिकंदर
2. टॉक्सिक
3. कूली
4. हाऊसफुल 5
5. बाग़ी 4
6. राजा साब
7. वॉर 2
8. L2: एंपुरान