आयुष्याच्या राईडमध्ये साथ दिल्याबद्दल सिद्धार्थ मल्होत्रा आणि कियाराने दिल्या एकमेकांना शुभेच्छा

Sidharth Malhotra Kiara Advani : सिद्धार्थ मल्होत्रा ​​आणि कियारा अडवाणी आज 7 फेब्रुवारी रोजी त्यांच्या लग्नाचा पहिला वाढदिवस साजरा करत आहेत. या प्रसंगी या जोडप्याने स्वतःचा एक सुंदर फोटो शेअर केला आहे.

मुंबई - Sidharth Malhotra Kiara Advani : सिद्धार्थ मल्होत्रा ​​आणि कियारा अडवाणी हे हिंदी सिनेसृष्टीतील लाडक्या आणि आवडत्या जोडप्यांपैकी एक आहेत. गेल्या वर्षी 2023 मध्ये सिद्धार्थ आणि कियारा यांच्या लग्नाची बातमी आली तेव्हा त्यांच्या चाहत्यांमध्ये आनंदाची लाट उसळली होती. आज 7 फेब्रुवारी 2024 रोजी या जोडप्याच्या लग्नाला एक वर्ष पूर्ण झाले आहे. यावेळी या जोडीने सोशल मीडियावर एकत्र फोटो टाकले आहेत. हा फोटो शेअर करून, सिद्धार्थ मल्होत्रा ​​आणि कियारा अडवाणी यांनी एकमेकांना लग्नाच्या पहिल्या वाढदिवसानिमित्त खूप प्रेमाने शुभेच्छा दिल्या आहेत.

जोडप्याने एकमेकांवर केला प्रेमाचा वर्षाव - सिद्धार्थ मल्होत्रा ​​आणि कियारा अडवाणी यांनी त्यांच्या इंस्टाग्रामवर शेअर केलेला फोटो एखाद्या सुंदर पेंटिंगपेक्षा कमी दिसत नाही. या फोटोत सिद्धार्थ आणि कियारा घोड्यावर स्वार झाले आहेत आणि समोरून सूर्यप्रकाश या सुंदर जोडप्यावर पडत आहे. हा फोटो शेअर करत सिद्धार्थ आणि कियाराने लिहिले आहे की, 'हा प्रवास किंवा डिस्टिनेशन नाही, ही एक कंपनी आहे जी महत्त्वाची आहे, आयुष्याच्या वेड्या राईडमध्ये माझी जोडीदार असल्याबद्दल धन्यवाद.'

चाहतेही करताहेत सिद्धार्थ आणि कियारावर प्रेमाचा वर्षाव - आता या जोडप्याचे चाहते त्यांच्या लग्नाच्या पहिल्या वाढदिवसानिमित्त आलेल्या या सुंदर फोटोवर त्यांच्या प्रेमाचा वर्षाव करत आहेत. आपल्या लाडक्या सेलेब्रिटींना ते भावी आयुष्यातील सुख आणि आनंदासाठी प्रार्थना करत आहेत. त्याचबरोबर अनेकांनी कमेंट बॉक्समध्ये रेड हार्ट इमोजी टाकले आहेत.

सिद्धार्थ मल्होत्रा ​​आणि कियारा अडवाणी यांनी 7 फेब्रुवारी 2023 रोजी राजस्थानमधील जैसलमेर येथील रॉयल सूर्यगड पॅलेसमध्ये लग्न केले होते. यानंतर या जोडप्याने 9 फेब्रुवारी रोजी मनोरंजन क्षेत्रातील सेलेब्रिटींसाठी एक भव्य लग्नाचे रिसेप्शन आयोजित केले होते. गेल्या वर्षी त्यांचा हा लग्न सोहळा संबंध देशात चर्चेचा विषय ठरला होता.

हेही वाचा -