मुंबई - Bilal Saeed : लोकप्रिय पाकिस्तानी गायक, गीतकार आणि निर्माता बिलाल सईदबाबत एक अजब बातमी समोर आली आहे. 'तेरी खैर मंगदी' आणि '12 साल' यांसारख्या गाण्यांनी जगभरात प्रसिद्ध झालेल्या बिलालनं लाइव्ह कॉन्सर्टदरम्यान प्रेक्षकांवर माईक फेकून मारला. त्याचा हा व्हिडिओ सोशल मीडियावर वाऱ्यासारखा पसरला असून आता त्याला त्याच्या या कृत्यामुळे अनेकजण सोशल मीडियावर ट्रोल करत आहेत. हे प्रकरण गंभीर होत असल्याचं पाहून त्यानं सोशल मीडियावर एक पोस्ट शेअर केली आहे. या पोस्टमध्ये त्यानं या प्रकरणावर प्रकाश टाकला आहे.
गायकाला खंत वाटत आहे : या प्रकरणानंतर बिलालनं स्वतःची चूक मान्य करत लिहिलं, स्टेज हे माझं पहिलं जग आहे, परफॉर्म करताना मला नेहमीच चांगलं वाटतं. जेव्हा मी माझ्या चाहत्यांसमोर असतो तेव्हा मी माझं आजारपण, चिंता आणि दुःख विसरतो, सर्वकाही मागे सोडतो. माझ्या वाटेला काहीही आलं तरी मी फक्त माझ्या कामावर लक्ष केंद्रित करतो. स्टेज हे माझे पहिलं प्रेम आहे. काहीही झालं तरी मी आणि स्टेजच्या प्रती माझ्या आदरभावाच्या मध्ये काहीही यायला नको.
मी माझ्या चाहत्यांवर खूप प्रेम करतो, कधी-कधी या प्रेमाचा अतिरेक होतो. चाहत्यांनी गैरवर्तन करण्याची ही काही पहिलीच वेळ नाही. पण मी चुकीची प्रतिक्रिया देण्याची मात्र ही पहिलीच वेळ आहे. मी चुकलो. मी स्टेज सोडून जायला नको होतं.
काय आहे प्रकरण :व्हायरल झालेल्या व्हिडिओमध्ये आपण पाहू शकता की, बिलाल त्याचं गाणं गाण्यात मग्न आहे आणि नंतर तो माईक त्याच्या डाव्या बाजूला चाहत्यांच्या दिशेने फेकतो आणि नंतर स्टेजवरून निघून जातो. याआधी पाकिस्तानी गायक राहत फतेह अली खानला देखील सोशल मीडियावर ट्रोल करण्यात आलं होतं. त्याचा एक व्हिडिओ सोशल मीडियावर प्रचंड व्हायरल झाला होता. या व्हिडिओमध्ये त्यानं त्याच्या घरी काम करणाऱ्या व्यक्तीला 'बाटली'साठी बुटाने बेदम मारहाण केली होती. यानंतर त्यानं आपलं स्टेटमेंट जारी केलं होतं. त्यानं याप्रकरणी माफी मागितली होती.
हेही वाचा :
- महात्मा गांधी पुण्यतिथीनिमित्त त्यांच्यावर आधारित 'हे' 5 चित्रपट आवर्जून पाहा
- अभिनेता यश आगामी चित्रपटात शाहरुख खानसोबत काम करणार? वाचा तपशील
- भावूक झालेल्या फॅनसाठी शाहरुख खानही झाला हळवा, व्हिडिओ व्हायरल
