मुंबई - Ankita Lokhande Amrapali:'स्वातंत्र्य वीर सावरकर'नंतर अभिनेत्री अंकिता लोखंडे चित्रपट निर्माते संदीप सिंग यांच्या 'आम्रपाली' वेब सीरीजमध्ये दिसणार आहे. या वेब सीरीजमध्ये अंकिता 'नगरवधू' आम्रपालीच्या भूमिकेत असेल. संदीप सिंगनं इन्स्टाग्रामवर आपल्या चाहत्यांना सरप्राईज देत एक पोस्ट शेअर केलं आहे. या पोस्टमध्ये त्यांनी कॅप्शनमध्ये लिहिलं, ''मी अंकिता लोखंडेला आम्रपालीच्या रूपात सादर करत आहे, जी शक्तीचे प्रतीक आहे. ही मनमोहक मालिका एका शाही गणिकेची गाथा उलगडणार. भावना आणि आव्हानांनी भरलेला प्रवास, या उत्कंठावर्धक कामगिरीसाठी सोबत राहा, लीजेंड स्टुडिओज निर्मित ही वेब सीरीज संगीतकार इस्माईल दरबारच्या बहुप्रतीक्षित पुनरागमनाचे प्रतीक आहे.''
'आम्रपाली' वेब सीरीज अंकिता लोखंडे दिसणार :या वेब सीरीजमध्ये 'आम्रपाली'चा शाही गणिका होण्यापासून ते बौद्ध भिक्षु होण्यापर्यंतचा प्रवास मांडण्यात येणार आहे. या वेब सीरीजमध्ये आम्रपालीच्या आयुष्यातील उतार - चढाव आणि ती कशी सर्व सुखसोयींचा त्याग करून बौद्ध भिक्षु म्हणून ब्रह्मचर्य स्वीकारते हे सर्व प्रेक्षकांना पाहायला मिळेल. आता अंकिताला 'आम्रपाली'च्या भूमिकेत पाहाण्यासाठी तिचे अनेक चाहते उत्सुक आहे. दरम्यान व्हायरल होत असलेल्या पोस्टरमध्ये अंकिता उडत्या केसांसह, ओढणीनं वेढलेला ग्लॅमरस अंदाजात दिसत आहे. आता तिच्या या पोस्टवर अनेकजण कमेंट्स करून तिला तिच्या आगामी 'आम्रपाली' सीरीजसाठी शुभेच्छा देताना दिसत आहेत.