मुंबई Akshay Kumar :बॉलिवूडचा खिलाडी कुमार म्हणजेच अक्षय कुमार आज 26 जूनला खूप आनंदात आहे. अक्षय कुमार आज आनंदी आहे कारण त्याचा नवीन चित्रपट येत आहे म्हणून नाही तर, तो खुश आहे कारण आज त्याला एक चांगली बातमी मिळाली आहे. अक्षय कुमारनं ही आनंदाची बातमी चाहत्यांबरोबर शेअर केली आहे. अक्षय हा मार्शल आर्ट ट्रेनिंग स्कूल चालवतो हे सर्व चाहत्यांना चांगलेच माहीत आहे. दरम्यान त्यानं त्याच्या इंस्टाग्राम पोस्टमध्ये म्हटलं आहे की, त्याच्या प्रशिक्षण केंद्रातून मार्शल आर्टचे ट्रेनिंग घेणाऱ्या विद्यार्थ्यांना स्पोर्ट्स कोट्यातून आयकर विभागात नोकऱ्या मिळाल्या आहेत.
अक्षय कुमारनं केला आनंद व्यक्त: अक्षय कुमारनं नोकरी मिळालेल्या या सर्व विद्याबरोबरचा एक फोटो शेअर केला आहे. या फोटोमध्ये सर्वांच्या हातात नियुक्तीपत्रे आहेत. अक्षयनं ही आनंदाची बातमी शेअर करताना लिहिलं, "मी आज खूप आनंदी आहे, माझी 'मार्शल आर्ट्स अकादमी' बऱ्याच दिवसांपासून प्रशिक्षण देत आहे. माझ्या 'मार्शल आर्ट्स अकादमी'ला स्पोर्ट्स कोटा अंतर्गत नियुक्तीसाठी मान्यता मिळाली आहे. मुंबईच्या आयकर विभागाकडून नियुक्तीपत्रे मिळालेल्या विद्यार्थ्यांचे चेहरे फुलले आहेत. या यशानं मी खूप भावूक झालो आणि खूप अभिमान वाटत आहे."