मुंबई - Telugu TV Actor Chandu Death :टीव्ही अभिनेत्री पवित्रा जयरामच्या निधनानंतर पाच दिवसांनी साऊथ टीव्ही इंडस्ट्रीतून आणखी एक दुःखद बातमी समोर येत आहे. साऊथ अभिनेता चंद्रकांत उर्फ चंदू हा त्याच्या मनीकोंडा येथील घरी संशयास्पद मृतावस्थेत आढळून आला. त्यानं आत्महत्या केल्याचं समोर आलं आहे. चंदूच्या आकस्मिक निधनानं त्याच्या चाहत्यांना आणि मनोरंजन क्षेत्रातील लोकांना मोठा धक्का बसला आहे. चंदू हा त्याच्या दमदार अभिनयामुळे प्रसिद्ध होता. टेलिव्हिजन जगतातील प्रसिद्ध अभिनेत्यांच्या यादीत त्याचा समावेश होत होता. इतकंच नाही तर साऊथमध्ये त्याची फॅन फॉलोइंग खूप मोठी आहे.
पवित्रा जयरामच्या मृत्यूनंतर केली आत्महत्या :याआधी चंदूची कथित गर्लफ्रेंड त्याची सहकलाकार पवित्रा जयरामचा कार अपघातात मृत्यू झाला. यानंतर काही दिवसांनी चंदूनं आत्महत्या केली. रंगारेड्डी जिल्ह्यातील नरसिम्हा पोलीस स्टेशन हद्दीत येणाऱ्या अलकापूर येथे, चंद्रकांतचा त्याच्या घरी संशयास्पद मृतदेह आढळून आल्यानंतर आता तेथील वातावरण चिंताजनक झाले आहे. एका रिपोर्टनुसार चंदूला वारंवार फोन करूनही प्रतिसाद दिला नाही, तेव्हा त्याच्या कुटुंबातील सदस्यांनी त्याच्या खोलीचा दरवाजा तोडला. यानंतर पोलिसांना त्याच्याजवळ एक सुसाईड नोटही सापडली आहे. दरम्यान काही दिवसांपूर्वी पवित्रा जयरामचा मृत्यू झाल्यानंतर चंदूनं तिला सोशल मीडियाद्वारे श्रद्धांजली वाहिली होती.