കോഴിക്കോട് : കല്ലായിയിൽ എംഡിഎം എയുമായി യുവാവ് പിടിയിൽ. കല്ലായി പാർവതിപുരം സ്വദേശി സഞ്ജിത് അലി (32) ആണ് പന്നിയങ്കര പൊലീസിന്‍റെ പിടിയിലായത്. പൊലീസിന് ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ പാർവതിപുരത്തെ പ്രതിയുടെ വീട്ടിൽ നടത്തിയ പരിശോധനയിൽ 12.76ഗ്രാം എംഡിഎംഎആണ് കണ്ടെത്തിയത്. വീടിനകത്തെ ബാത്റൂമിൽ ഒളിപ്പിച്ച നിലയിലായിരുന്നു എംഡിഎംഎ.
ആവശ്യക്കാർക്ക് എംഡിഎംഎ എത്തിച്ചു നൽകുന്ന സംഘത്തിലെ കണ്ണിയാണ് പിടിയിലായ സഞ്ജിത് അലി. കല്ലായി ഭാഗത്ത് ലഹരിമരുന്ന് വിൽപന വ്യാപകമായി നടക്കുന്നുണ്ടെന്ന വിവരത്തിന്‍റെ അടിസ്ഥാനത്തിൽ പൊലീസ് ഇയാളെ നിരീക്ഷിച്ചു വരികയായിരുന്നു.