ഹൈദരാബാദ്:ഉത്സവ സീസൺ കണക്കിലെടുത്ത് വമ്പൻ ഓഫറുകളുമായി ആമസോൺ ഗ്രേറ്റ് ഇന്ത്യൻ ഫെസ്റ്റിവൽ വരുന്നു. സെപ്റ്റംബർ 27 മുതലായിരിക്കും ഈ വർഷത്തെ ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ ആരംഭിക്കുക. ആമസോൺ പ്രൈം അംഗങ്ങൾക്ക് സെപ്റ്റംബർ 26 ന് അർധരാത്രി തന്നെ ആക്‌സസ് ലഭിക്കും. ഐഫോൺ അടക്കമുള്ള സ്‌മാർട്ട്‌ഫോണുകളും, ഇലക്‌ട്രോണിക് ഉപകരണങ്ങളും മികച്ച ഡീലിൽ സ്വന്തമാക്കാനാവും.
ഐഫോൺ 13ന്‍റെ 128 ജിബി വേരിയന്‍റിന് ഗ്രേറ്റ് ഇന്ത്യൻ സെയിലിൽ ഓഫർ വില വെറും 38,999 രൂപ ആയിരിക്കുമെന്നാണ് റിപ്പോർട്ടുകൾ പുറത്തുവരുന്നത്. ഡിസ്‌കൗണ്ടിനു പുറമെ നോ കോസ്റ്റ് ഇഎംഐയും എക്സ്ചേഞ്ച് ഓഫറുകളും ബാങ്ക് ഓഫറുകളും ഉണ്ടായിരിക്കും. കൂടാതെ ആമസോൺ പ്രൈം അംഗങ്ങൾക്കും എസ്ബിഐ കാർഡ് ഉടമകൾക്കും എക്സ്ചേഞ്ച് ബോണസുകൾക്കൊപ്പം അഡിഷണൽ ഇൻസ്റ്റന്‍റ് ഡിസ്‌കൗണ്ടുകളടക്കമുള്ള കൂടുതൽ ആനുകൂല്യങ്ങൾ ലഭിക്കും.
ഐഫോൺ 13, സാംസങ് ഗാലക്‌സി എസ് 24 അൾട്ര, ഗാലക്‌സി Z ഫ്ലിപ്പ് 6 എന്നീ സ്‌മാർട്ട്‌ഫോണുകൾ കുറഞ്ഞ വിലയിൽ സ്വന്തമാക്കാനാവും. ഡെബിറ്റ്/ക്രെഡിറ്റ് കാർഡ് ഇടപാടുകളിൽ ഉൽപ്പന്നങ്ങൾക്ക് 10 ശതമാനം ഇൻസ്റ്റന്‍റ് ഡിസ്‌കൗണ്ടുകൾ വാഗ്‌ദാനം ചെയ്യുന്നതിനൊപ്പം ആമസോൺ പേ, പേ ലേറ്റർ പേയ്‌മെൻ്റ് ഓഫറുകളും കൂപ്പൺ ഡിസ്‌കൗണ്ടുകളും പ്രഖ്യാപിക്കുമെന്ന് പ്രതീക്ഷിക്കുന്നു.