പട്ടാപ്പകൽ നടുറോഡിൽ കാട്ടാന; ഗതാഗതം തടസപ്പെട്ടു - Wild Elephant In Nilambur

നിലമ്പൂർ സിഎന്‍ജി റോഡിൽ പട്ടാപ്പകൽ കാട്ടാനയിറങ്ങി, കരിമ്പുഴക്ക് സമീപം 15 മിനിറ്റോളം ഗതാഗതം തടസപ്പെട്ടു

മലപ്പുറം :നിലമ്പൂർ ചുങ്കത്തറ കരിമ്പുഴ സിഎന്‍ജി റോഡിൽ പട്ടാപ്പകൽ കാട്ടാനയിറങ്ങി. കെഎൻജി റോഡിൽ ചുങ്കത്തറ കരിമ്പുഴക്ക് സമീപം 15 മിനിറ്റോളം ഗതാഗതം തടസപ്പെട്ടു. ഇന്ന് രാവിലെയോടെയാണ് കാട്ടാന കെഎൻജി റോഡിൽ ഇറങ്ങിയത്.

റോഡിന്‍റെ ഇരുഭാഗങ്ങളിൽ നിന്നു നിരവധി വാഹനങ്ങളെത്തിക്കൊണ്ടിരുന്ന സമയത്താണ് കാട്ടാന റോഡിലെത്തിയത്. ഇതോടെ യാത്രക്കാർ ഭയന്നു. യാത്രക്കാരിൽ ഒരാൾ പകർത്തിയ ദൃശ്യമാണ് ഇപ്പോൾ പുറത്തുവരുന്നത്.