തിരുവനന്തപുരം: തൃശൂർ പൂരം കലക്കല്‍ അന്വേഷണത്തില്‍ എഡിജിപിയെ താക്കോല്‍ സ്ഥാനത്ത് ഇരുത്തി അന്വേഷണത്തെ പ്രഹസനമാക്കുകയാണെന്ന് പ്രതിപക്ഷ നേതാവ് വി ഡി സതീശൻ. പൂരം കലക്കിയത് മുഖ്യമന്ത്രിയുടെ അറിവോടെയാണ്. പൂരം കലക്കിയതിൽ ജുഡീഷ്യൽ അന്വേഷണം വേണമെന്നും അദ്ദേഹം ആവശ്യപ്പെട്ടു.
മുഖ്യമന്ത്രി പറയാത്ത കാര്യം പ്രസിദ്ധീകരിച്ച 'ദ ഹിന്ദു'വിനെതിരെയും പി ആര്‍ ഏജൻസിക്കെതിരെയും കേസ് കൊടുക്കുമോ എന്നും വി ഡി സതീശൻ ചോദിച്ചു. മുഖ്യമന്ത്രി വീണിടത്ത് കിടന്ന് ഉരുളുകയാണ്. പ്രധാന ചോദ്യങ്ങൾക്ക് ഉത്തരം ഹ ഹ ഹ അല്ല, വ്യക്തമായ മറുപടി പറയണമെന്നും പ്രതിപക്ഷ നേതാവ് പരിഹസിച്ചു.
പ്രതിപക്ഷ നേതാവ് മാധ്യമങ്ങളോട് (ETV Bharat)