കോട്ടയം: കോട്ടയം മെഡിക്കൽ കോളജിലും പരിസരത്തുമുള്ള നായകൾക്ക് പ്രതിരോധ കുത്തിവയ്‌പ്പ് തുടങ്ങി. 40 ലധികം നായകൾക്കാണ് ആർപ്പൂക്കര മൃഗസംരക്ഷണവകുപ്പിന്‍റെ നേതൃത്വത്തിൽ കുത്തിവയ്‌പ്പ് നൽകിയത്. അതേസമയം ബുധനാഴ്‌ച ചത്ത തെരുവുനായയ്ക്ക് പേവിഷബാധ സ്ഥിരീകരിച്ചു.
ഏഴ് മെഡിക്കൽ വിദ്യാർഥികളെ കടിച്ച തെരുവുനായയ്ക്ക് പേവിഷബാധ സ്ഥിരീകരിച്ചതോടെയാണ് അധികൃതർ നടപടി തുടങ്ങിയത്. ആർപ്പൂക്കര പഞ്ചായത്തിലെ മൃഗസംരക്ഷണവകുപ്പ്, കോട്ടയം മെഡിക്കൽ കോളജ്, ആർപ്പൂക്കര പഞ്ചായത്ത് മൃഗസംരക്ഷകനായ ജയകുമാർ എന്നിവരുടെ നേതൃത്വത്തിലാണ് നടപടി.