ശബരിമല തീർഥാടനത്തിനിടെ സ്വാഭാവിക മരണം സംഭവിക്കുന്നവരുടെ കുടുംബങ്ങൾക്ക് ആശ്വാസ ധനം; പ്രത്യേക നിധി രൂപീകരിക്കാന്‍ ദേവസ്വം ബോര്‍ഡ്

അതിനാലാണ് തീർഥാടനത്തിനിടെ സ്വാഭാവിക മരണം സംഭവിക്കുന്നവരുടെ കുടുംബങ്ങൾക്ക് ആശ്വാസധനം നൽകുന്നതിനായി പ്രത്യേക നിധി സ്വരുപിക്കാൻ ദേവസ്വം ബോർഡ് തീരുമാനിച്ചത്. പ്രതിവർഷം ശബരിമലയിൽ 60 ലക്ഷത്തോളം ഭക്തർ എത്തിച്ചേരുന്നുണ്ടെന്നാണ് കണക്കാക്കുന്നത്. ഒരാളിൽ നിന്നും 10 രൂപ വീതം ലഭിച്ചാൽ തന്നെ 6 കോടിയോളം രൂപ ലഭിക്കും.

എന്നാൽ 10 രൂപ നൽകാതെയും വെർച്ച്വൽ ക്യു ബുക്ക് ചെയ്യുന്നതിന് തടസമുണ്ടാകില്ല. ഇത്തരത്തിൽ നിധി രൂപീകരിച്ച് തീർഥാടനത്തിനിടെ സ്വാഭാവിക മരണം സംഭവിക്കുന്നവരുടെ കുടുംബത്തിന് 5 ലക്ഷം രൂപ വീതം ആശ്വാസധനം നൽകാനാണ് ബോർഡ് ലക്ഷ്യമിടുന്നത്. അടുത്ത തീർഥാടന കാലത്ത് പദ്ധതി നടപ്പാക്കാനാണ് ലക്ഷ്യമിടുന്നതെന്ന് ദേവസ്വം ബോര്‍ഡ് പ്രസിഡൻ്റ് പി എസ് പ്രശാന്ത് അറിയിച്ചു.